აღმოჩნდა, რომ არც ისე იოლი ყოფილა სასურველი ფორმების შენარჩუნება. ისტორიკოსებმა ჟურნალ „ლაიფის“ 1952 წლის ინტერვიუ აღმოაჩინეს, რომელშიც მერილინის ვარჯიშების ფოტოსესია დაიბეჭდა და მსახიობმა მკითხველს უამბო, სილამაზის რა რეცეპტებს მისდევდა.
ფოტოსესიაზე ჩანს, როგორ ვარჯიშობდა მერილინი ფორმის შესანარჩუნებლად. გარდა ამისა, კვების თავისებური რეჟიმი ჰქონდა.
• დილაობით კუნთებს ავარჯიშებდა, მსუბუქი ჰანტელების გამოყენებით. „10 წუთი ვვარჯიშობ მცირე წონებით“, - აღნიშნავდა მერილინი.
• ამის მერე ვარსკვლავი გარკვეულ დროს უთმობდა კანის მოვლას და ისევ ვარჯიშებს უბრუნდებოდა: „იატაკზე ვწვები და ორკილოგრამიანი ჰანტელებით ვვარჯიშობ. ხელებს ჯერ განზე ვშლი, მერე კი მაღლა ვწევ - 15-ჯერ. ეს კარგად აისახება ჩემი მკერდის ფორმაზე“.
• საუზმეზე მონრო სვამდა ერთ ჭიქა რძეს, მასში ათქვეფილი კვერცხით და იღებდა პოლივიტამინებს: „დღის განმავლობაში მივირთმევ უმ სტაფილოს და ეს არასდროს მბეზრდება. ყოველ საღამოს, შინ დაბრუნებული ბაზარში შევივლი ხოლმე და ვყიდულობ მჭლე ხორცს, რომელსაც ელექტროღუმელში ვამზადებ. ერთიანობაში, ჩემი რაციონი ძირითადად ცილოვანი პროდუქტებისგან შედგება“.
• მიუხედავად იმისა, რომ კალიფორნიაში გიჟდებიან გარუჯულ კანზე, მე ეს არ მომწონს. ვერიდები მზეს, იმიტომ, მინდა ქერა ვიყო ფეხის ფრჩხილებამდე“
წყარო: etanews.ge