შეცდომები, რომელიც არ უნდა დაუშვათ სახის კანის დაბანის დროს



თავის მოვლის პრაქტიკაში სახის კანის დაბანა არც თუ ისე რთულ პროცესს წარმოადგენს, არა? საქმე არც ასე მარტივადაა. აღმოჩნდა, რომ ზოგი გაქაფვის ჩვეულება სახის კანის ისეთ გართულებებს იწვევს, როგორებიცაა კანის სიმშრალე, გაღიზიანება და ზედმეტი ცხიმიანობა. შეიტყვეთ რა შეცდომები შეიძლება მოგივიდეთ სახის დაბანის დროს და შეეცადეთ გამოასწოროთ ისინი, რათა თავიდან აირიდოთ კანის სხვადასხვა პრობლემები

1. ნუ იხმართ თქვენი კანის ტიპისთვის შეუფერებელ პროდუქციას.
სწორად შერჩეულმა გამწმენდმა სრულიად უნდა მოგაშოროთ სახიდან ჭუჭყი და მაკიაჟი, მაგრამ თქვენი კანის ბუნებრივი ცხიმი და ჯანმრთელი უჯრედებიც არ უნდა მიაყოლოს თან. შეარჩიეთ ისეთი გამწმენდი, რომელიც თავის საქმეს გააკეთებს, მაგრამ არც ძალიან ნაზი იქნება, რომ ორჯერ-სამჯერ დაგჭირდეთ მისი გამოყენება და არც ძალიან უხეში, რათა კანის გამშრალების შემდეგ სახე არ აგიწითლოთ და დაგიჭიმოთ.

2. ძალიანაც ნუ მოინდომებთ.

როგორც წესი, დღეში ორჯერ-სამჯერ სახის დაბანა ნორმალურია,მაგრამ ზედმეტიც ნუ მოგივათ. წყალს ნუ გააყოლებთ ბუნებრივ და კანისათვის საჭირო ცხიმებს. იმ შემთხვევაში კი თუ დღის მანძილზე არ გეკეთათ მაკიაჟი ან არ გესვათ მზისგან დამცავი კრემი, ღამით შეგიძილიათ სახის კანი დაასვენოთ და გამწმენდის მაგივრად მხოლოდ თბილი წყლით ჩამოიბანოთ სახე.

3. ნუ უგულვებელყოფთ წყლის ტემპერატურას.
ცხელი წყალი რომ ფორებს ხსნის და ცივი ხურავს მითია. რეალობა ისაა, რომ ფორებს არ აქვთ კუნთები, რომ გაიხსნას ან დაიხუროს. ცხელი წყალი კანიდან გამოდევნის ბუნებრივ და კანის დამცავ ცხიმებს, რაც კანის გამოშრობას და აკნეს წარმოშობას უწყობს ხელს. თბილი წყალი კი ყველაზე ეფექტური და უსაფრთხოა.

4. ხშირად ნუ „აიფცქვნით“ სახის კანს.
პილინგი ანუ ექსფოლაცია კანის ზედაპირიდან მკვდარი უჯრედების მოცილებას გულისხმობს და ამ გზით მიზნად ისახავს კანის გარეგნული იერის გაუმჯობესებას. იგივე მიზანი აქვს სახის სკრაბებს, რომელიც ფართო ხმარებაშია დღეს. თუმცა როგორც ყველაფერში, აქაც ზომიერების დაცვაა საჭირო. პროცედურა კვირაში ან ათ დღეში ერთხელ ჩაიტარეთ და უმჯობესია თითებით დაიმუშაოთ სახის კანი.

5. ნუ დააყოვნებთ დატენიანებას.
სრული შეწოვა რომ მოხდეს, ნუ დაელოდებით სახის საბოლოო გაშრობას. დაიდეთ დამატენიანებელი საშუალება როგორც კი დაამთავრებთ სახის გაწმენდას, კანი ჯერ კიდევ ნოტიო უნდა იყოს. მშრალი კანი დამატენიანებელი პროდუქტის აქტიურ ინგრედიენტებს ღრმად არ უშვებს და ზედაპირზე რჩება.

6. გაიმშრალეთ სახე სწორად.
პირსახოცით რბილად შეეხეთ სახის კანს, ნუ გაიხეხავთ. კანი იჭიმება და ელასტიურობას კარგავს. რაც მთავარია გქონდეთ საკუთარი სახის პირსახოცი, ბაქტერიები მეგობრების ნივთებიდანაც ვრცელდება.


წყარო: life.mediamall.ge
































ტექსტის სანახავად გაიარეთ რეგისტრაცია.