სპეციალისტები მედიცინის სხვადასხვა სპეროდან ამტკიცებენ, რომ არ არსებობს პასუხი კითხვაზე : რატომ ჩნდება გამონაყარი? მათი წარმოქმნის მიზეზის დადგენა აუცილებელია, რადგან სწორედ ამაზეა დამოკიდებული მკურნალობის მეთოდები. თუ თქვენ გაყრით ეს შეიძლება ნიშნავდეს, რომ:
1. თქვენ არასწორად იკვებებით ან გაქვთ დარღვევა საჭმლის მომნელებელ სისტემაში.
სწრაფი კვების პროდუქტებმა, შემწვარმა საკვებმა ან უბრალოდ ბევრმა ჭამამ შეიძლება გამოიწვიოს კანის პრობლემები. ამას გარდა, აკნეს წარმოქმნისას აუცილებელია მივმართოთ გასტროენტეროლოგს, რადგან ეს შეიძლება მიუთითებდეს: გასტრიტზე, ქოლესტერინზე, დისბაქტერიოზზე...
რა მოვიმოქმედოთ?
აუცილებელია მივმართოთ ექიმს, ჩავაბაროთ ანალიზები, გადავხედოთ კვების რაციონს: ვჭამოთ მეტი ხილი და ბოსტნეული, ნაკლებად სახამებლის შემცველი, სწრაფი კვების პროდუქტები, ნახევარფაბრიკატები, თავი შევიკავოთ ,,მძიმე" საკვებისგან ( მაიონეზი, შებოლილი ხორცი, ძეხვი, კარტოფილი და ა.შ. ).
2. თქვენ არასწორად უვლით კანს.
იყენებთ კრემებს, რომლებიც არ შეესაბამება თქვენი კანის ტიპს, არასათანადო გაწმენდა, ზედმეტი კოსმეტიკა - ყველაფერმა ამან შეიძლება გამოიწვიოს არასასურველი გამონაყარი. მამაკაცებში შეიძლება აკნე გამოიწვიოს საპარსმა გელმა.
რა მოვიმოქმედოთ?
სასურველია სახე გავისუფთავოთ დღეში ორჯერ, დილით და საღამოს. არ დაიზაროთ და აუცილებლად მოიშორეთ მაკიაჟი ძილის წინ ! ეწვიეთ კოსმეტოლოგს, რათა გაიგოთ თქვენი კანის ტიპი და გამოიყენოთ შესაფერისი კანის მოვლის საშუალებები.
გაითვალისწინეთ, რომ თუ თქვენ უკვე გაქვთ აკნე, არავითარ შემთხვევაში არ გაიწმინდოთ სახე! ამან შეიძლება უფრო მეტად დააზიანოს კანი და გაზარდოს ანთება. ამავე მიზეზის გამო არ არის სასურველი გამოვიყენოთ სკრაბი. ინფექციის რისკი შეიძლება გაიზარდოს იმ შემთხვევაშიც, თუ შევეცდებით მუწუკის ამოღებას. ამით შეიძლება პრობლემა უფრო გამწვავდეს.
3. თქვენ გაქვთ ჰორმონების ნაკლებობა.
ჰორმონალური დარღვევა - ყველაზე გავრცელებული მიზეზია მუწუკების გაჩენისა გარდატეხის ასაკში, ან ზრდასრულებში. ქალებს შეიძლება გამოაყაროთ მენსტრუაციის პერიოდში, ორსულობის შემდგომ ან სხვა შემთხვევებში, როცა ხდება ჰორმონალური დისბალანსი.
რა მოვიმოქმედოთ?
მივმართოთ ენდოკრინოლოგსა და გინეკოლოგს, გავიკეთოთ ანალი ჰორმონებზე. გაითვალისწინეთ, რომ ჰორმონალურმა ნაკლებობამ შეიძლება შეგვიქმნას სერიოზული ჯანმრთელობის პრობლემები, როგორებიცაა: საკვერცხეების პოლიკისტოზი, მასტოპათია...ამიტომაც არ ღირს ამ პრობლემის გადადება.
როგორც ხედავთ, ძალიან ხშირად აკნეს წარმოქმნა უკავშირდება ჯანმრთელობის პრობლემებს, ამიტომაც მისი მკურნალობა საჭიროა შიგნიდან. იმისათვის, რომ გავიგოთ ზუსტი მიზეზი აუცილებელია მივმართოთ დერმატოლოგს. ზოგჯერ პრობლემის მოგვარება ბევრად უფრო ადვილია.
გთავაზობთ მუწუკების მოშორების გზებს სახლის პირობებში.
კეფირის ნიღაბი.
თქვენ დაგჭირდებათ: 1 ჭიქა კეფირი, 1 ჭიქა შვრია, ცოტა ლიმონი.
მომზადება: შეურიეთ კეფირი და შვრია, წინასწარ დაქუცმაცებული ბლენდერში, დაამატეთ წვეთი ლიმონი. წაისვით სახეზე და გაიჩერეთ 20 წუთი. ეს პროცედურა გაიმეორეთ ყოველდღე ერთი თვის განმავლობაში.
თაფლის ნიღაბი.
თქვენ დაგჭირდებათ: 2 ჩაის კოვზი ხარისხიანი თაფლი , ერთი კვერცხის გული, ლიმონი (რამდენიმე წვეთი).
მომზადება: შეურიეთ ყველაფერი, წაისვით სახეზე და გაიჩერეთ 10 წუთის განმავლობაში. საკმარისია 3-5 პროცედურა.
საოჯახო საპნის ნიღაბი.
თქვენ დაგჭირდებათ: საოჯახო საპნის ნატეხი, 1 ჩაის კოვზი წმინდა მარილი.
მომზადება: გახეხეთ საპონი, დაასხით ცოტა წყალი და ააქაფეთ. მიღებულ 1 სუფრის კოვზ ქაფს შეურიეთ მარილი. წაისვით სახეზე 30 წუთის განმავლობაში, შემდეგ კი ჩამოიბანეთ. ეს პროცედურა გაიმეორეთ კვირაში 3-ჯერ ერთი თვის მანძილზე.
გვირილის ჩაი.
ერთ-ერთი ყველაზე ეფექტური ხალხური საშუალება აკნეს წინააღმდეგ არის გვირილის ჩაი. გვირილას დაასხით ერთი ჭიქა მდუღარე წყალი, გააჩერეთ 30 წუთი. ამის შემდეგ გამოიყენეთ ლოსიონად.
ალოეს წვენი.
მე მინდა შემოგთავაზოთ კიდევ ერთი ეფექტური საშუალება, რომელიც ცნობილია თავისი ანთების საწინააღმდეგო და დამამშვიდებელი თვისებებით - ალოეს წვენი. ლოსიონად შეგვიძლია გამოვიყენოთ წმინდა ან განზავებული წვენი ( მაგალითად, წყლით).
თაკო ცილიკიშვილი
წყარო: www.Lady.Mcvane.Ge
მასალის გამოყენების პირობები: აუცილებელია წყაროს მითითება!!!