ნორმალური კანისათვის ძალზეც ეფექტურია შემდეგი ნიღბები: წურავენ ფორთოხლის წვენს, ასველებენ ბამბის ტამპონს და იწმენდენ სახეს, ყელსა და მკერდს. 1-2 საათის შემდეგ იბანენ ცივი წყლით.
მანდარინის ქერქს ასხამენ ცივ, ანადუღარ წყალს, აჩერებენ 1 დღე-ღამე, შემდეგ წურავენ. მიღებულ ციტრუსის წყალს იყენებენ დილა-საღამოს სახის გასაწმენდად. ეს საშუალება აცოცხლებს, აახალგაზრდავებს სახის კანს.
ახალ კიტრს ხეხავენ, ასხამენ თანაბარი რაოდენობის არაყს, აჩერებენ 2 კვირა და წურავენ. გამოყენების წინ აზავებენ თანაბარი რაოდენობის ანადუღარი წყლით. 100 მლ მიღებულ ლოსიონს უმატებენ 1 ჩ.კ. გლიცერინს და იწმენდენ სახეს.
ნახევარ ჭიქა ვარდის მშრალ ფურცლებს ასხამენ მდუღარე წყალს ჭიქის შევსებამდე, ახურებენ და აჩერებენ 1 დღე-ღამე. წურავენ და ამატებენ 200 მლ ნაყენზე 1 ს.კ. გლიცერინს. იწმენდენ სახეს დაბანის მაგივრად დილა-საღამოს.
კარგად ასუფთავებს სახეს სალბის ფოთლების ნაყენი: 2 ს.კ. ფოთოლს ასხამენ 2 ჩაის ჭიქა მდუღარეს, აციებენ და წურავენ. იწმენდენ სახეს იმდენჯერ, რამდენჯერაც საჭირო იქნება ჭუჭყის მოშორება. არბილებს და ასუფთავებს კანს, ხსნის გაღიზიანებას
წყარო: presa.ge
ნიღბები ნორმალური კანისათვის - სახის კანის მოვლა
⏱️ 1 წთ.
👁️ 2 190
100%