ეს უცნაური ხალები - დააკვირდით



ბრიტანელი მეცნიერების მუშაობამ საბოლოოდ ის შედეგი გამოიღო, რომ ჩამოყალიბდა ახალი დასკვნა: ხალების რაოდენობით შესაძლებელია იმის განსაზღვრა, რამდენად სწრაფად მიმდინარეობს ადამიანის ორგანიზმში დაბერების პროცესი.
ლონდონის უნივერსიტეტის კინგს-კოლეჯის მეცნიერები შეეცადნენ, გაერკვიათ, როგორ შესაბამისობაში იყო დნმ-ის მონაკვეთები ადამიანის სხეულზე ხალების რაოდენობასთან.

გამოკვლევაში 1800-მა ტყუპმა მიიღო მონაწილეობა. კვლევა-ძიებამ აჩვენა, რომ რაც უფრო მეტი ხალი აქვს ადამიანს, მით მეტად სავარაუდოა დნმ-ში სიბერისგან დამცავი განსაკუთრებული მექანიზმების არსებობა..

ასეთი დასკვნა, ცოტა არ იყოს, მოულოდნელი აღმოჩნდა, რადგან მანამდე მიიჩნეოდა და დაამტკიცეს კიდეც, რომ ხალების დიდი რაოდენობა მელანომის განვითარების რისკს ზრდის და კანის კიბოს მძიმე ფორმამდე მიდის.

ხალი, როგორც წესი ბავშვობაში ჩნდება და ასაკთან ერთად ზოგს უქრება. საკურორტო სეზონზე მზის ზემოქმედებით ზოგჯერ ახალი ხალებიც ჩნდება. საშუალოდ ადამიანის სხეულზე 30 ხალია, მაგრამ ზოგის სხეულზე 400-ის დათვლაც შეიძლება.

მეცნიერებმა აღმოაჩინეს კავშირი ხალებსა და გენების იმ ნაწილს შორის, რომლებიც გულის, კუნთების, ძვლებისა და არტერიების დაბერების ინდიკატორები არიან (როცა გენის ეს მონაკვეთი მოკლდება, უჯრედი გაყოფას წყვეტს და კვდება).

როცა ტყუპებში ხალების რაოდენობა გენის ამ მონაკვეთის სიგრძეს შეადარეს, აღმოჩნდა, რომ: ერთი მხრივ ადამიანი, რომელსაც 100 ხალი აქვს და მეორე მხრივ ადამიანები, რომელთან 25-ზე მეტი ხალი არა აქვთ, მათ ბიოლოგიურ ასაკში სხვაობა 6-7 წელია. ბიოლოგიური ასაკი ჩვეულებრვივი ასაკისგან განსხვავებული მცნებაა. თორემ ტყუპები ყველა ერთი ასაკისა აირჩიეს.

"შედეგმა ცხადყო, რომ ხალებიანი ადამიანი, მართალია, კიბოს განვითარების სერიოზულ რისკს “ატარებს”, მაგრამ მეორე მხრივ, თუ ეს რისკი არ გამართლდა, ანუ ხალები კარგად დაიცვა - სხვებზე დიდხანს იცოცხლებს, და მისი ორგანიზმიც უფრო ახალგაზრდა რჩება”.

მეცნიერებს იმედი აქვთ, რომ ახალი აღმოჩენა ისეთ ასაკობრივ დაავადებებთან ბრძოლაში დაეხმარება მათ, როგორიცაა სტენოკარდია და ოსტეოპოროზი.

ამავე დროს, ბრიტანელი ონკოლოგები აღნიშნავენ, რომ კვლევის გაგრძელება აუცილებელია და შედეგი აუცილებლად უნდა შემოწმდეს და დაზუსტდეს. მანამდე კი, მათ, ვისაც ბევრი ხალი აქვს, მზისგან თავის დაცვას ურჩევენ


წყარო: presa.ge
































ტექსტის სანახავად გაიარეთ რეგისტრაცია.