ისწავლეთ თმის გაშრობის საიდუმლოებანი – სასარგებლო რჩევები ქალბატონებისთვის



თმის გაშრობა

თმის გაშრობამდე აირჩიეთ სასურველი ვარცხნილობა. სანამ თმა ჯერ ისევ ნესტიანია, დაივარცხნეთ და დაყავით ნაწილებად: საქოჩრე, ზედა ნაწილი, კეფა და გვერდითი ნაწილები. გაშრობას ვიწყებთ კეფიდან, ვასწორებთ პატარ-პატარა მონაკვეთებს თანმიმდევრობით. ჰაერის ნაკადს ვამოძრავებთ თმის ძირებიდან ბოლოების მიმართულებით, რათა თმის ღერის ზედაპირი გლუვი გახდეს.

ფენის სახეობები

თანამედროვე თმის საშრობებს (ფენებს) სხვადასხვა სიმძლავრე აქვთ, 1000-დან 2000 ვატამდე. დალაქების აზრით, დიდი სიმძლავრის ფენი უფრო ხარისხიანად ვარცხნის და ასწორებს თმას. მოკლე თმა ასეთი სიმძლავრის ფენს არ საჭიროებს.

მოკლე თმის გასაშრობად საკმარისია 400-800 ვატი სიმძლავრის ფენი. უფრო გრძელი და ხშირი თმისთვის საჭიროა 1600-1800 ვატიანი ხელსაწყო. აღვნიშნოთ კიდევ ერთი ატრიბუტი, რომელიც აქვს პრაქტიკულად ყველა უკანასკნელი მოდელის ფენს. ლაპარაკია ცივი ჰაერის მოწოდების ფუნქციაზე.

არ ღირს დავარცხნა ცხელ რეჟიმში, თუ:

. თმა დახვეული გაქვთ ქიმიურად
. თმა დასუსტებული და თხელია
ფენით გაშრობა თმის ტიპის მიხედვით

თუ ფენს მხოლოდ თმის გასაშრობად იყენებთ, საჭიროა ყველაზე ძლიერი ფენი, მაგრამ თუ თმის გასწორებაც გინდათ, საჭიროა ფენი სამი ფუნქციით:
. მაღალი ტემპერატურით - წინასწარ შესაშრობად.
. საშუალო ტემპერატურით - გასასწორებლად,
. ცივი ჰაერით - დავარცხნილი თმის გასაგრილებლად.
ქიმიურად დახვეული თმის გასაშრობად გამოიყენება ფენი დიფუზიური საცმით, საიდანაც ჰაერის ნაკადი გამოდის დაშლილი და თქვენი კულულები ინარჩუნებენ საჭირო ფორმას. ის საშუალებას იძლევა, ჰაერმა თანაბრად შეაღწიოს თმის ძირებში.

ტალღოვანი თმა

მოკლე და საშუალო სიგრძის ტალღოვანი თმის გასაშრობად გამოიყენება დიფუზიური საცმი მოკლე ''თითებით''. გრძელი და ხშირი თმისთვის - გლუვი ''თითებით''. დიფუზორი ღრუიანი ''თითებით'' დაგეხმარებათ უფრო მოცულობითი ვარცხნილობის შექმნაში.

გრძელი თმა

როგორ დავივარცხნოთ გრძელი, ხვეული თმა, რომ ლამაზად გამოვიყურებოდეთ? როგორ მივცეთ ასეთ თმას მაქსიმალური მოცულობა?

. სველ, დავარცხნილ თმაზე შეიზილეთ მუსი ან ქაფი საშუალო ან ძლიერი ფიქსაციით, თმის მდგომარეობის შესაბამისად.
. შეიშრეთ ზედმეტი სისველე: სწორი თმა დიფუზორის გარეშე, ხვეული - დიფუზორით. ამასთან, საცმი მიმართული უნდა იყოს ზევით, ხოლო თავს ამ დროს წევენ ქვევით. მიაქციეთ ყურადღება: ამ ეტაპზე თმა ცოტა ნესტიანი უნდა დარჩეს.
. სწორ თმას რომ მოუცლობა მივცეთ, ფენს მიამაგრეთ დიფუზორი. გააგრძელეთ თმის გაშრობა საშუალო სიჩქარეზე დიფუზორის გადაადგილებით. მოცულობითი კულულების შექმნა ნაწილ-ნაწილ უფრო მოსახერხებელია.
. კულულის გაშრობისას უკეთეს შედეგს მიაღწევთ, თუკი მონაცვლეობით იხმართ დიფუზორს და ხელის გულს (კულული მოაქციეთ ხელის გულზე და შეკუმშეთ ხელის თავთან მიტანით).
. გაისწორეთ ყოველი კულული დიფუზორით და ხელის გულით. თმის ბოლოებისთვის საბოლოო ფორმის მისაცემად გამოიყენეთ ფენი-ჯაგრისი. ახლა მოდაშია, როცა თმის ბოლოები გარედან ან შიგნიდანაა შეხვეული. შესაძლებელია შერეული ვარიანტიც, რითაც მივიღებთ მშვენიერ საზეიმო ვარიანტს.

მოკლე თმა

მოკლე თმისთვის არსებობს ფენი-ჯაგრისები, რომლებიც არა მარტო აშრობს, არამედ ვარცხნის და მოცულობას მატებს თმას. ზოგიერთ ფენს ახლავს ''შლემი'', ბიგუდებზე დახვეული თმის სწრაფად ან შედარებით ნელა გასაშრობად.

როგორ გავიშროთ?

გასაშრობი თმის ნაწილი მთლიანად დავახვიოთ ჯაგრისზე და მივმართოთ მასზე ჰაერის ნაკადი. დიდი დიამეტრის ჯაგრისი ქმნის მსხვილ ტალღას, ვარცხნილობა დიდხანს ძლებს.

საშუალო სიგრძისა და გრძელი თმა

ნაბიჯი 1. დახარეთ თავი. თმა ჩამოუშვით დაბლა.
ნაბიჯი 2. ჰაერით შებერვასთან ერთად, ივარცხნეთ ჯაგრისით თმის ზრდის საწინააღმდეგო მიმართულებით - უკნიდან წინისკენ.
ნაბიჯი 3. როდესაც თმა ნახევრად გაშრება, ასწიეთ თავი და მიეცით ვარცხნილობას დასრულებულიო სახე.

თმის ვარცხნის დროს, სანამ სხვა ნაწილზე გადახვალთ, პირველი ნაწილი კარგად გააშრეთ, წინააღმდეგ შემთხვევაში ვარცხნილობა დაგეშლებათ.

მოკლე თმა

ნაბიჯი 1. დაივარცხნეთ თმა სიგრძის შესაბამისი საცმით.
ნაბიჯი 2. ''გაიარეთ'' ჯაგრისით თმის ზრდის საწინააღმდეგოდ: ამ დროს თავი გადმოხარეთ წინ. ფენი ისე გეჭიროთ, რომ ჰაერი მიმართული იყოს თმის ზრდის საწინააღმდეგოდ. ამ შემთხვევაში, თმის ქერცლოვანი ზედაპირი გლუვი ხდება და თმა ბზინვარებას შეიძენს. ნუ გამოაშრობთ თმას! გაშრობისა და დავარცხნისას ფენი არ უნდა გეჭიროთ 20 სმ-ზე უფრო ახლოს თმასთან.

წყარო: etanews.ge
































ტექსტის სანახავად გაიარეთ რეგისტრაცია.