რა თქმა უნდა, ტუჩების შეღებვა ყველა ქალს შეუძლია, თუმცა სინამდვილეში ყველაფერი არც ისე ადვილია. ტუჩებმა ყურადღება რომ მიიქციოს, აუცილებელია განსაკუთრებული წესების დაცვა.
პირველ ყოვლისა, ტუჩები სპეციალური ტონით გაიწმინდეთ და მასზე თხელ ფენად კრემი ან ჰიგიენური პომადა წაისვით. პომადამ ტუჩებზე დიდხანს რომ გაძლოს და თავისი პირველადი სახე შეინარჩუნოს, წაისვით სამ ეტაპად.
1. კონტურის ფანქარი ტუჩების მთელ ზედაპირზე წაისვით. არ დაგავიწყდეთ, ფანქრის ფერი პომადისას უნდა ემთხვეოდეს ან ერთი ტონით მუქი უნდა იყოს. თუ კონტური მკვეთრად გამოყოფილია, ფუნჯით თანაბრად გაინაწილეთ, წაისვით (უმჯობესია ფუნჯით) პომადის პირველი ფენა.
2. ტუჩებიდან ხელსახოცით ზედმეტი პომადა მოიშორეთ და პირი მსუბუქად მოიპუდრეთ.
3. განსაკუთრებით ხაზგასმით რომ წარმოაჩინოთ ტუჩების ფორმა, პომადის კიდევ ერთი ფენა წაისვით. უფრო ღია პომადით ქვედა ტუჩის შუა ნაწილი გამოკვეთეთ. პომადის ფუნჯი როცა ფუნჯით მუშაობთ, ყველაზე პატარა ნაოჭიც იღებება, ხოლო როცა ჩვეულებრივ პომადას ისვამთ, პირს ჭიმავთ და ამ დროს ტუჩების კონტურის დეფორმაცია ხდება.
გარდა ამისა, ფუნჯით სხვადასხვა ფერის შერჩევა შეიძლება (როგორც ამას აკეთებენ პროფესიონალები. ისინი ტუჩებს ერთი ფერით არასოდეს იღებავენ).
ერთი ფერის მაკიაჟი სახეს უფორმოს ხდის. სახეს რელიეფულობა რომ მიეცეს, საჭიროა შუქ-ჩრდილების თამაში. გაიკეთეთ მუქი ფუძე, ტუჩებზე კი ღია ფერის პომადა ან პრიალა ტუჩსაცხი წაისვით. კონტურის ფანქრით ტუჩებს ხაზი შემოავლეთ. დაიწყეთ ზედა ტუჩის ცენტრიდან კუთხეებისაკენ. ქვედა ტუჩზე ხაზი მარცხენა კუთხიდან მარჯვენა კუთხემდე გაატარეთ. თანაბარი და ზუსტი რომ იყოს ხაზი, მოკლე შტრიხები შემოავლეთ.
ზედა და ქვედა ტუჩის ხაზები კუთხეებში უნდა შეერთდეს. თუ ხაზი არ გამოდის, შეგიძლიათ ერთმანეთზე მჭიდროდ გადაბმული წერტილებით გააგრძელოთ.
ტუჩები დიდი რომ გამოჩნდეს, კონტური ტუჩების ბუნებრივი ხაზის ზევით გაატარეთ.როცა ტუჩები რიგზეა და გარშემო მყოფთა ყურადღებას იპყრობს, თქვენ ენერგიის მოზღვავებას გრძნობთ, რაც პიკანტურობასა და ხიბლს გმატებთ.
წყარო: etanews.ge
პომადის წასმა ყველა ქალს შეუძლია, მაგრამ ის რაც აქამდე არ იცოდით
⏱️ 1 წთ.
👁️ 11 583
100%