ბაბუაწვერას ნაყენი
ჭორფლების მოშორებაში დაგეხმარებათ ბაბუაწვერას ნაყენი. ერთ მუჭა ყვავილს დაასხით ერთი ჭიქა ადუღებული წყალი. მას შემდეგ რაც სითხე გაგრილდება, გაწურეთ და მარლას საშუალებით ჭორფლების გაჩენის ადგილზე წაისვით.
კიტრის თესლის ნაყენი
ჭორფლების მოსაშორებლად ოდითგანვე ხალხურ მედიცინაში გამოიყენებოდა კიტრის თესლისგან დამზადებული ნაყენი. თესლს დაასხით წყალი ან 40%-იანი სპირტი, პროპორციით 1:10. დატოვეთ 2 კვირის განმავლობაში ბნელ ალგილზე და შემდეგ გაწურეთ. გამოყენების წინ აუცილებელია ნაყენის წყალში გაზავება, პროპორციით 1:10. ყოველდღიურად ნაყენში დასველებული ბამბით გაიწმინდეთ სახე. პროცედურა გააგრძელეთ სასურველი ეფექტის მიღებამდე.
ნატურალური წვენები
ნათლად გამოკვეთილი, მაგრამ ამავდროულად დელიკატურად მათეთრებელი ეფექტი აქვს ისეთ ნატურალურ საშუალებებს, როგორებიცაა ლიმონი, კიტრი და გრეიფრუტი. ნივთიერებები, რომლებსაც ეს მცენარეები შეიცავენ აღწევენ კანის ღრმა ფენებში და აქტიურად ამჟავებენ მუქ პიგმენტებს, რითაც იწვევენ კანის გათეთრებას. ჭორფლების ამოსაყვანად მათი გამოყენება შეიძლება ნიღაბის სახით.
გაითვალისწინეთ სახის კანი ძალიან ფაქიზია, ამიტომ აუცილებელია პროცედურები დერმატოლოგის რჩევით და რეკომენდაციების გათვალისწინებით ჩაიტაროთ. ხშირია შემთხვევები როდესაც ამა თუ იმ ნივთიერებაზე კანი ალერგიულია და შედეგი გაცილებით საგანგაშოა ვიდრე ჭორფლები.
წყარო: presa.ge
ჭორფლის მოშორების სამი მარტივი მეთოდი
⏱️ 1 წთ.
👁️ 2 922
100%