თმა, ნებისმიერ ეპოქაში, ქალის ერთ-ერთი ძვირფასი სამკაულია, რომელსაც დიდ ყურადღებას აქცევენ როგორც თავად ქალები, ასევე მამრობითი სქესის წარმომადგენლები.
ლამაზი და ჯანსაღი თმის ქონა არც ისე მარტივია, რადგან განუწყვეტელი ზრუნვაა საჭირო კარგი შედეგის მისაღებად.
თუ თქვენ გაგიმართლათ და გენეტიკურად გერგოთ ფარფატა თმა, ეს ძალიან კარგია, მაგრამ დიდი იშვიათობა, განსაკუთრებით ჩვენს თანამედროვეობაში, როდესაც ასე ხშირად ვიყენებთ გასაშრობ და მოსაწესრიგებელ სხვადასხვა საშუალებებს, ორმაგდება ზრუნვის საჭიროება.
ხშირად, შემოდგომა-ზამთრის პერიოდში, თმა იფიტება, ხდება მტვრევადი და საჭიროებს შესაბამის, გამაჯანსაღებელ ნიღაბს.
ნიღაბი, რომელსაც წარმოგიდგენთ, არამხოლოდ ამაგრებს და კვებავს თმას, არამედ მის სწრაფ ზრდას უწყობს ხელს.
თავდაპირველად, სასურველია მოიჭრას გაფუჭებული ბოლოები.
ნიღბის გასაკეთებლად საჭიროა:
1 ს/კ აბუსალათინის ზეთი;
1 ს/კ თალგამის ზეთი;
1 ს/კ თაფლი;
1 ს/კ ლიმონი;
1 ს/კ კონიაკი;
10-10 წვეთი A და B ვიტამინები.
ეს ყველაფერი უნდა შეაზავოთ ერთმანეთში და თმის ძირებში შეიზილოთ, შემდეგ შემოიხვიოთ პარკი და ბოლოს თბილი პირსახოცი.
1 სთ-ის შემდეგ ჩვეულებრივად, შამპუნით დაიბანეთ თმა.
ამ ნიღბის გამოყენება სასურველია კვირაში 1-2-ჯერ.
წყარო: presa.ge
უნიკალური ნიღაბი, რომელიც აჯანსაღებს გამოფიტულ თმას და მის სწრაფად ზრდას უწყობს ხელს
⏱️ 1 წთ.
👁️ 3 275
100%