ეპილაცია მთვარის ფაზების გათვალისწინებით



სამყარო ერთიანი და განუყოფელი სისტემაა, რომლის ნაწილებს მჭიდრო კავშირი აქვს ერთმანეთთან. რომელიმე მათგანის ცვლილება დანარჩენების განვითარებაშიც ასეთსავე მოვლენებს იწვევს. ადამიანი ამ სისტემის განუყოფელი ნაწილია, ამიტომ მისი ცხოვრების ყოველი მხარე უშუალოდ უკავშირდება გარესამყაროში მიმდინარე პროცესებს. ამის გამოა, რომ ციური სხეულები გავლენას ახდენენ როგორც მთელი კაცობრიობის, ისე ცალკეული ადამიანების ცხოვრებაზე.

ჯერ კიდევ შორეულ წარსულში ანიჭებდნენ დიდ მნიშვნელობას ციურ სხეულებს: მზეს, მთვარეს და მზის სისტემის პლანეტებს, შეისწავლიდნენ მათ გავლენას ადამიანზე, მის არსებობაზე, ჯანმრთელობასა და ფსიქიკაზე. მაგალითად, ცნობილია, რომ მთვარე მართავს ოკეანეებსა და ზღვებს, მათ მოძრაობას. რამდენადაც ადამიანის ორგანიზმის 80% წყალია, დედამიწის თანამგზავრი ჩვენს ნივთიერებათა ცვლაზეც მოქმედებს. არავისთვის წარმოადგენს საიდუმლოს, რომ მთვარე, ამასთან ერთად, გავლენას ახდენს ადამიანის ემოციებსა და ინსტინქტებზე, მის არსებაში მიმდინარე ფსიქიკურ პროცესებზე. მთვარეს შეუძლია, მართოს ადამიანის ქცევა. მთვარის ენერგიის გავლენით შესაძლოა მოდუნდეს ადამიანის ყურადღება.

მთვარის ციკლი ოთხი ფაზისგან შედგება. ესენია: პირველი ფაზა(ახალმთვარეობა), მეორე ფაზა- (მზარდი მთვარე), მესამე ფაზა(სავსემთვარეობა) და ბოლოს, მეოთხე ფაზა(კლებადი მთვარე).

ერთ-ერთი თეორიის თანახმად მზარდი მთვარის დროს, იზრდება სისხლის მიმოქცევისა და ნივთიერებათა ცვლის ინტენსივობა, ხოლო კლებადი მთვარისას კი პირიქით - ნელდება. აღმოჩნდა, რომ მთვარის ფაზები აისახება არამარტო ადამიანის ფსიქიკაზე, არამედ ორგანიზმში მიმდინარე პროცესზე, კერძოდ: ფრჩხილისა და თმის ზრდის პროცესზეც.

ზოგჯერ დეპილაციის პროცედურის ჩატარების შემდეგ კანი დიდი ხნის მანძილზე ინარჩუნებს სიგლუვეს, ზოგჯერ კი პირიქით, ძალიან სწრაფად იზრდება. თურმე აუცილებელია იცოდე, მთვარის რომელ დღეს, რომელ ფაზაში ჩაიტარო დეპილაციის პროცედურა. თუ მთვარის კალენდარს დავუჯერებთ, მზარდი მთვარის ფაზა სასიკეთო პერიოდია იმ სახის პროცედურებისთვის, რომლიც მიზანიცაა, ვთქვათ, სწრაფად გაგვეზარდოს თმა, თუმცა დეპილაციისთვის ეს პერიოდი არ ვარგა, რადგან დეპილაციის ეფექტურობა ამ პერიოდში ძალზე ხანმოკლეა(ახალი თმა მალე ამოდის).

სავსემთვარეობის ფაზა იდეალურია თმის, კანისა და ფრჩხილების გასაჯანსაღებლად. თუ არ პერიოდში დეპილაციის გაკეთება გიწევთ, გაითვალისწინეთ, რომ ეს პერიოდი ძალზე ხელსაყრელია კანის მოვლისთვის. თამამად შეგიძლიათ ჩაიტაროთ სხვადასხვა სახის გამაჯანსაღებელი პროცედურები(სასიკეთოა ლოსიონების, კრემების, მათ შორის სხეულზე თმის საწინააღმდეგო შრატის შეზელვა). შედეგიანი იქნება ასევე თმის შეღებვაც. თუ დეპილაციას კლებადი მთვარის ფაზაში გაიკეთებთ, კანი იქნება გლუვი, რადგან ამ პერიოდში ნებისმიერი პროცესი, მათ შორის თმის ზრდაც, შენელებულად მიმდინარეობს და შესაბამისად, ახალი თმაც უფრო გვიან ამოდის, ამასთანავე, წამოზრდილი თმა უფრო თხელი და ღია ფერის იქნება.

თუ გსურთ არასასურველი თმის სხეულიდან ხანგრძლივი დროით მოშორება, აუცილებლად გაითვალისწინეთ მთვარის ფაზები, თუმცა, მაინც ნუ გექნებათ მოლოდინი, რომ ეს თმა სხეულიდან სამუდამოდ გაქრება.

გთავაზობთ კიდევ რამდენიმე რჩევას არასასურველი თმის მოსაცილებლად:

▶ ძალიან კარგია კლებადი მთვარის პერიოდი თხის რქის ზოდიაქოს ნიშანში.

▶ კარგია კლებადი მთვარისას, მაგრამ არა ლომისა და ქალწულის ზოდიაქოს ნიშნებში.

▶ ნეიტრალურია კლებადი მთვარისას ვერძისა და მშვილდოსნის ზოდიაქოს ნიშნებში.

▶ ცუდია ახალმთვარეობისას და კლებადი მთვარისას ლომის ან ქალწულის ზოდიაქოს ნიშნებში.

▶ ძალიან ცუდია ახალმთვარეობისას ლომისა და ქალწულის ზოდიაქოს ნიშნებში.

თუ თქვენ სწორად შეარჩიეთ დრო, მაშინ თმა დიდი ხნის მანძილზე არ ამოვა, მაგრამ დროის არასწორად შერჩევის შემთხვევაში, თმა სწრაფად გაიზრდება და გახშირდება!

მამაკაცებისთვის ცხვირში თმის მოცილება სასურველია მაშინ, როდესაც მთვარე თევზების ნიშანს გადის, ამ პერიოდში ჩატარებული ეს პროცედურა ხელს უწყობს თმის გათხელებას და დიდი ხნის მანძილზე აღარ შეგაწუხებთ.

სასურველია უარი თქვათ თმის ქიმიური გზით მოცილებაზე, რადგან ხშირი პროცედურა უარყოფით კვალს ტოვებს კანზე.

წყარო: presa.ge
































ტექსტის სანახავად გაიარეთ რეგისტრაცია.