დღესდღეობით, ბოტოქსი ძალიან პოპულარული პროცედურაა და უკვე თითქმის ყველასთვის ხელმისაწვდომი გახდა. თუმცა, უმრავლესობამ მის შესახებ მხოლოდ ის იცის, რომ ნაოჭებს აქრობს. დღეს გადავწყვიტეთ, ბოტოქსზე ცოტა ვრცლად გესაუბროთ. მაშ ასე, გაიგეთ, რა უნდა იცოდეთ, სანამ ამ პროცედურას მიმართავთ.
1. ბოტოქსი ა ტიპის ბოტულოტოქსინია, პროცედურის დროს კუნთოვან მასაში მისი მცირე რაოდენობით შეყვანა ხდება, ბოტოქსი მიმიკური ნაოჭების მოსაშორებლად საუკეთესო საშუალებაა.
2. რომელი ზონების კორექტირება ხდება ბოტოქსის საშუალებით? უსაფრთხოა სახის ზედა მესამედის - რომელიც მოიცავს შუბლს, ცხვირის ზედა ნაწილს, წარბებს შორის სივრცეს, თვალის გარე კუთხეებს, წარბებს.
3. ბოტოქსით დეტოქსიკაციის საფრთხე 0-ის ტოლია.
4. ბოტოქსის ალტერნატიული ვარიანტებია: მეზოთერაპია, კონტურული პლასტიკა, ლიფტინგი ძაფებით, მაგრამ მათ მიმიკური ნაოჭების პრობლემის საბოლოოდ მოგვარება არ ძალუძთ.
5. თქვენთვის საჭირო დოზის განსაზღვრა, დათვალიერების შემდეგ, მხოლოდ კოსმეტოლოგს შეუძლია, ამ დროს ხდება ასაკის, სახის აგებულებისა და მიმიკური აქტივობების გათვალისწინება.
6. ბოტოქსის გაკეთება ორსულობისა და ძუძუთი კვების დროს კატეგორიულად აკრძალულია, ასევე, ამ პროცედურას 1-2 თვე ვერ მიმართავთ, თუ ანტიბიოტიკებს იღებდით, კიდევ ხელისშემშლელი ფაქტორებია: ყლაპვის დარღვევა, სახის ნერვების დაზიანება, სისხლის შედედების დარღვევა.
okmagazine.ge
ავტორი: ნატალი ძნელაძე
სიმართლე ბოტოქსის შესახებ
⏱️ 1 წთ.
👁️ 4 109
100%