10 უნიკალური რჩევა ზარმაცებს, რომლებსაც სურთ კარგად გამოიყურებოდნენ



1. სახის ქსოვილის აღმდგენ ნიღბებს გაცილებით მეტი ეფექტი ექნება, თუ ჯერ მძლავრ გამწმენდ შრატს გამოიყენებთ, ეს ხელს შეუწყობს გამწმენდის კანის სიღრმეებში შეღწევას, შესაბამისად, შედეგი გაცილებით გრძელვადიანი და შთამბეჭდავი იქნება!

2. სახის კარგი ფერის მისაღებად, ჯერ მკვებავი წაისვით, შეწოვა აცადეთ და ტონალური დაიტანეთ, იდეალური ფერიც მზადაა.

3. იმისთვის, რომ მუწუკები სწრაფად მოირჩინოთ, თეთრ თიხას ნახევარი ჩაის კოვზი მშრალი ღრუბელა შეურიეთ, წაისვით პრობლემურ ადგილზე და გამოშრობა აცადეთ, ძილის წინ პროცედურა გაიმეორეთ და ჩვეულებრივი პლასტირი დაიკარით.

4. ჯენიფერ ენისტონის პირადი სტილისტის ნოუ-ჰაუ: თმის მკვებავი ნიღბები გაცილებით ეფექტურნი იქნებიან, თუ მათი გამოყენების შემდეგ თავზე თბილ პირსახოცს შემოიხვევთ. შეგიძლიათ პირსახოცი მიკროტალღოვან ღუმელში გაათბოთ, ოღონდ იქ, მხოლოდ 1 წუთით გააჩერეთ.

5. ჯერჯერობით ე.წ. პლანკაზე უკეთესი არაფერი მოუგონიათ, ეს უნივერსალური ვარჯიში კუნთების თითქმის ყველა ჯგუფს ავარჯიშებს. მუცელზე დაწექით, ხელები იდაყვებში მოხარეთ და 1 წუთის განმავლობაში შეეცადეთ სხეული სწორ ხაზზე შეიკავოთ. ამ დროს არ მოიხაროთ მხრებში, წელი გაიმაგრეთ და თეძოები არ გამოიშვიროთ.

6. თუ მშრალი კანი გაქვთ, შხაპის მიღების წინ, დაიმუშავეთ კანი უხეში ჯაგრისით ის მკვდარ უჯრედებს მოგაშორებთ და თქვენს სხეულს ტონუსსა და სიმკვრივეს დაუბრუნებს, მიიღეთ შხაპი, ხოლო შემდეგ, შეგიძლიათ კუნჟუტის ზეთიც წაისვათ.

7. ჩაჯდომა ეფექტური და უმარტივესი ვარჯიშია. მთავარია, ის ყოველდღე 3 წუთის განმავლობაში შეასრულოთ, ამ დროს ფეხები აუცილებლად 90 გრადუსით უნდა მოხაროთ, შეგიძლიათ ხელები განზე გაშალოთ.

8. თუ გინდათ, რომ კანი გიბზინავდეთ, საუზმის წინ წესად იქციეთ 1 ჭიქა თბილი ლიმონიანი წყლის მიღება და აუცილებლად კბილების გამოხეხვის შემდეგ! შედეგს უკვე 1 კვირაში იხილავთ, მუწუკები გაგიქრებათ, სახის ფერი გაგიუმჯობესდებათ და თვალების ქვეშ შესიებები და სილურჯეებიც გაგიქრებათ.

9. თუ ყოველ დილას რამდენიმე წუთის განმავლობაში ჰულაჰუპს დაატრიალებთ, თქვენი წელი გაცილებით უფრო მომხიბლავ და დახვეწილ ფორმას მიიღებს. უბრალოდ, ჯერ ამის შესახებ ექიმს დაელაპარაკეთ, ზოგისთვის ჰულაჰუპის ტრიალი მავნებელია.

10. ყოველ საღამოს პირის დასაბანი გელის გამოყენების შემდეგ, ჩაიტარეთ მიკროპილინგი, ამ შემთხვევაში, თქვენი ფორები მუდმივად სუფთა იქნება, რაც საბოლოო ჯამში, უამრავ დროსა და ფულს დაგაზოგინებთ, მიკროპილინგისთვის მხოლოდ ყავის საფქვავში დაფქვილი ჰერკულესი დაგჭირდებათ.

ავტორი: ნატალი ძნელაძე

okmgazine.ge
































ტექსტის სანახავად გაიარეთ რეგისტრაცია.