ჩაის მარგებლობაზე უკვე ბევრი დაიწერა, აღმოსავლელი ფილოსოფოსების თქმით, ეს სასმელი სხეულს აჯანსაღებს, სულს აძლიერებს, გულს არბილებს და აზრებს აღვიძებს. ჩაის ფოთლები ორგანიზმისთვის 100-ზე მეტ სასარგებლო ნივთიერებას შეიცავენ, მათ შორის ანტიოქსიდანტიცაა. დ
ჩაის საფენები
ეს ალბათ, მსოფლიოში ყველაზე მოთხოვნადი საშინაო რეცეპტია. თუ დილით თვალების გახელა მათი შესიების გამო გიჭირთ, ჩაის საფენები გიხსნიან. საკმარისია ისინი 10 წუთით მოათავსოთ საყინულეში და თვალებზე დაიდოთ. გაიჩერეთ 5-7 წუთის განმავლობაში, დაგვიჯერეთ, შედეგით აღფრთოვანებული დარჩებით.
ყინულის კუბიკები
კარგი იქნება, თუ მაცივარში მუდმივად იქონიებთ მწვანე ჩაისგან დამზადებულ ყინულის კუბიკებს. მათი მომზადება ძალიან მარტივია: 2 ჩაის კოვზ მწვანე ჩაის ნახევარ ჭიქა მდუღარეს ასხამენ და 5 წუთის განმავლობაში აჩერებენ, მიღებული სითხე უნდა გაიცრას დარჩენილი ჩაი ყინულის ფორმაში გადანაწილდეს. შეგიძლიათ ამ კუბიკებით დილაობით სახე გაიწმინდოთ. ნუ მიმართავთ ამ პროცედურას, თუ მგრძნობიარე და თხელი კანი გაქვთ.
ჩაის შესხურება
ოფისში დახუთულ სივრცეში თუ გიწევთ მუშაობა, ეს რეცეპტი თქვენთვისაა: მოხარშეთ მწვანე ჩაი, გააციეთ და პულივიზატორში ჩაასხით, გასაგრილებლად დეკოლტესა და სახის არეში პერიოდულად შეიხურეთ ხოლმე.
ტანის მატონიზებელი სკრაბი
სუფთა კონტეინერში ერთმანეთს შეურიეთ 1 ჭიქა შაქარი, მსხვილი ზღვის მარილი, 2 სუფრის კოვზი ზეითუნის ზეთი და ამდენივე თაფლი, დაამატეთ 2 სუფრის კოვზი მშრალი პიტნა ან მწვანე ჩაი. ასეთი სკრაბი ყველაზე მეტად მშრალი კანის მფლობელებს უხდება. პროცედურის შემდეგ კანი დაგიტენიანდებათ და სიგლუვესაც დაბრუნებს.
ჩაის ლოსიონი
ჩაის ლოსიონი მგრძნობიარე კანის მფლობელებს სიწითლეს მოუხსნის, ცხიმიანი და გამონაყარისკენ მიდრეკილი კანის მქონე ქალბატონებს კი, შეუძლიათ ჩაი და ლიმნის წვენი ერთნაირი პროპორციებით ერთმანეთს შეურიონ და სახე მისით გაწმინდონ ხოლმე.
ჩაი, როგორც მზისგან დამცავი
იმისთვის, რომ კანი თავისუფალი რადიკალების ზემოქმედებისგან დაიცვათ, მზისგან დამცავი საცხის წასმის წინ კარგი იქნება, თუ სახეს მწვანე ჩაის მაგარი ნაყენით გაიწმენდთ. ჩაიში არსებული ანტიოქსიდანტები საცხის მოქმედებას გააძლიერებენ.
ორთქლის აბაზანები
ფორების გაწმენდის ერთ-ერთი ეფექტური საშუალებაა. დადგით ცეცხლზე 1 ლიტრი წყლით სავსე ქვაბი ჩაყარეთ 3-4 კოვზი მწვანე ჩაი, რამდენიმე წუთში ცეცხლიდან გადმოდგით და 10 წუთის განმავლობაში დაიორთქლეთ სახე.
დამამაშვიდებელი ჩაი
სტრესის მოხსნაში და დაძინებაში ბაცი მწვანე ჩაი დაგეხმარებათ. მას, სურვილისამებრ, შეგიძლიათ დაუმატოთ პიტნა, მელისა ან ლავანდა. 20 გრამი 1 ლიტრ წყალში გააზავეთ და ძილის წინ მიიღეთ. 1 ჯერზე, მაქსიმუმ, 2 ჭიქის დალევა შეგიძლიათ.
ავტორი: ნატალი ძნელაძე
okmgazine.ge
როგორ მოვუაროთ თავს ჩაის საშუალებით
⏱️ 1 წთ.
👁️ 3 014
100%