Gamis problemebi
(urologia)
(urologia)
ღამის შარდის შეუკავებლობა
თუ ღამით ერთხელ მაინც იღვიძებთ ტუალეტში წასასვლელად, ეს შესაძლოა ღამის შარდის შეუკავებლობის საწყისი ნიშანი იყოს. არსებობს ამ მოვლენის მკურნალობის ეფექტური მეთოდები და არ არის საჭირო, თვითგანკურნების იმედით ყველაფერი ნებაზე მიუშვათ. შარდის ბუშტის ღამეული სისუსტე მრავალი ქალისთვის ნაცნობი მდგომარეობაა, განსაკუთრებით მათთვის, ვინც გართულებული მშობიარობა გადაიტანა. ეს პრობლემა არც მამაკაცთათვის გახლავთ უცხო, თუმცა ამ პრობლემით დაავადებულ მამაკაცთა რიცხვი ქალებისაზე გაცილებით ნაკლებია. ღამით თუნდაც ერთხელ მოსაშარდად წამოდგომა არღვევს ძილს და ხელს უშლის სრულფასოვან დასვენებას. შედეგი - დაღლილობა, გაღიზიანებულობა, ყურადღების ცუდი კონცენტრაცია, ანუ ცხოვრების ნორმალური რიტმის დარღვევა.
ღამის შარდის შეუკავებლობად ითვლება მდგომარეობა, როდესაც ადამიანს შარდის ბუშტის ერთზე მეტად დაცლის სურვილი აღვიძებს. სხვაგვარად რომ ვთქვათ, ორ-სამჯერ ტუალეტში წასვლის სურვილი განსაზღვრული პათოლოგიის ნიშანია, რომლისგანაც განკურნება შესაძლებელია. ის შემთხვევები კი, როცა ადამიანს უჭირს დაძინება, ნებისმიერი ხმაური აღვიძებს ან ღამით მოსაშარდად მხოლოდ ერთხელ დგება, არ ხვდება "ღამის შარდის შეუკავებლობის" განსაზღვრებაში. ღამით მოშარდვის სურვილს იწვევს: * დღის განმავლობაში და ძილის წინ სითხის დიდი რაოდენობით მიღება;
* შარდმდენი საშუალებების მიღება;
* შარდის ბუშტის მოცულობის მკვეთრი შემცირება ამა თუ იმ მიზეზით;
* შარდის ბუშტის დაავადებები: ანთება, ინფექცია, ქვები, სიმსივნეები, ასევე - მენჯის მიდამოს რენტგენოთერაპიის შემდგომი პერიოდი და სხვა;
* ცენტრალური ნერვული სისტემის ფუნქციის დარღვევა;
* შარდის ბუშტის კუნთოვანი აქტიურობის მომატება;
* საერთო ქრონიკული დაავადებები - დიაბეტი და ნივთიერებათა ცვლის სხვა დარღვევები;
* სტრესული და დეპრესიული მდგომარეობა, იძულებითი ქცევა. ჯანმრთელი ადამიანის ორგანიზმში მოქმედებს თირკმელების მიერ დღის განმავლობაში გამოყოფილი შარდის მოცულობის რეგულაციის მექანიზმი. ამ დროს შარდის უდიდესი ნაწილი სიფხიზლის პერიოდში გამოიყოფა და მხოლოდ 30% გამომუშავდება ძილის დროს. ამ ფაქიზ მექანიზმს ადვილად არღვევს: * შეშუპება (წესისამებრ, ქვედა კიდურებისა). შეშუპებას სხვა მიზეზებთან ერთად იწვევს გულის უკმარისობა, ჰორმონული დარღვევები და არასწორი კვება, ქვედა კიდურების ვენების ფუნქციის დარღვევა;
* თირკმელების ქრონიკული დაავადება;
* შარდსადენის ნაწილობრივი გაუვალობა - ხშირად გვხვდება იმ მამაკაცებში, რომლებიც პროსტატის გადიდებას უჩივიან და ქალებში, რომელთაც შარდის ბუშტის დაწევა აქვთ. ამ დროს არ ხდება შარდის ბუშტის სრული დაცლა, რის გამოც ჩნდება მოშარდვის განუწყვეტელი სურვილი. ღამის შეუკავებლობით უმეტესად ქალები იტანჯებიან. ასაკთან ერთად ამ პრობლემის ჩამოყალიბების ალბათობაც იზრდება. 40-60 წლის ქალების 55% ღამით ხშირ შარდვას უჩივის.
მკურნალობა
აუცილებლობის შემთხვევაში ინიშნება გამოვლენილი დაავადებების (დიაბეტი, თირკმელების დაავადება, გულის უკმარისობა და სხვა) მკურნალობა. უროდინამიკური კვლევის (ნარჩენი შარდის, შარდის ბუშტის მოცულობის განსაზღვრა, ბუშტის კუნთების მდგომარეობა და სხვა) შედეგების მიხედვით შეიძლება დაინიშნოს პრეპარატები, რომლებიც ღამით შარდის ბუშტზე ზეწოლას ამცირებენ. ზოგ შემთხვევაში საკმარისია ჩვევების შეცვლა - რაციონში ზოგიერთი შესწორების შეტანა, ძილის წინ სითხის შეზღუდვით მიღება და სხვა. არსებობს ვარჯიშთა სისტემა, რომელიც აძლიერებს შარდის ბუშტის კედლებსა და მენჯის ფსკერს. ქალებს (მენოპაუზის პერიოდში და მანამდე მცირე ხნით ადრე) ხშირად უნიშნავენ ჰორმონ ესტროგენს, რომელიც შარდის გამოყოფის ფუნქციაზეც მოქმედებს. დაბოლოს, ყველაზე რთულ შემთხვევებში მიმართავენ ქირურგიული მკურნალობის მეთოდებს - თუ საბოლოოდ არის გარკვეული, რომ პრობლემის მიზეზი შარდის ბუშტში მუდმივად დარჩენილი დიდი რაოდენობით შარდია და არც ერთი სხვა საშუალება არ შველის.
პროსტატის ადენომა
"მთელი სიცოცხლე მკვდარივით ეძინა, ახლა კი ყოველ ღამე ორ-სამჯერ იღვიძებს და მოსაშარდად გადის". მამაკაცთა უმრავლესობისთვის ეს ღამეული ვოიაჟები წინამდებარე ჯირკვლის, პროსტატის, გადიდების პირველი ნიშანია. შესაძლოა, თავი იჩინოს სხვა სიმპტომებმაც: მოშარდვის პროცესის დაწყებასთან დაკავშირებულმა პრობლემებმა ან წვეთებით შარდვამ. დროთა განმავლობაში ღამით შარდვა ხშირდება და სირთულეები დღისითაც იჩენს თავს. ამ პრობლემას რამდენიმე სახელი აქვს - პროსტატის გადიდება, პროსტატის კეთილთვისებიანი ჰიპერპლაზია და პროსტატის ადენომა. წინამდებარე ჯირკვალი, მარტივად რომ ვთქვათ, გარს არტყია ურეთრას - შარდსადენს, რომლითაც შარდის ბუშტში არსებული შარდი ორგანიზმიდან გამოდის. გადიდებული პროსტატა ურეთრას ავიწროებს ან ბლოკავს. სწორედ ეს იწვევს შარდის გამოყოფის პრობლემებს. პროსტატის ადენომა კიბო არ არის. გადიდებულ პროსტატას უსიამოვნებები მოაქვს, მაგრამ მძიმე გართულებებს არ იწვევს. ის არ გადაიზრდება ავთვისებიან სიმსივნეში, არ მოქმედებს განაყოფიერების ფუნქციაზე და არ იწვევს ერექციის პრობლემებს. პროსტატის ადენომა, სავარაუდოდ, მამაკაცის დაბერების პროცესის ნაწილია და გამოწვეულია ჰორმონული ბალანსის, ასევე - უჯრედების ზრდის ცვლილებებით. პროსტატის ადენომის მედიკამენტური მკურნალობა შესაძლებელია. სპეციალური მედიკამენტები ხსნის ადენომის სიმპტომებს, თუმცა მთლიანად - არა. თუ პრეპარატების მიღებას თავს დაანებებთ, სიმპტომები შესაძლოა დაბრუნდეს. თუ დაავადება გამწვავდა, ექიმი მკურნალობის ქირურგიულ გზას შემოგთავაზებთ, თუმცა ისიც უნდა ითქვას, რომ ასეთი შემთხვევები შედარებით იშვიათია. პროსტატის ადენომის ან მისი მიზეზების თავიდან აცილება, სამწუხაროდ, შეუძლებელია. ზოგიერთს მიაჩნია, რომ რეგულარული ეაკულაციით პროსტატის გადიდებას თავიდან აიცილებს. მაგრამ ეს წარმოდგენა მეცნიერულად დადასტურებული არ არის.
შენაცვლებითი ღამის პრიაპიზმი
პრიაპიზმი გახლავთ ხანგრძლივი მტკივნეული ერექცია, რომელიც არ არის დაკავშირებული სქესობრივ აღგზნებასთან. შენაცვლებითი ღამის პრიაპიზმი (ფსევდოპრიაპიზმი, ქრონიკული პრიაპიზმი, ძილის პრიაპიზმი) იშვიათი პათოლოგიაა. ის ბოლომდე შესწავლილი არ არის და მისი მკურნალობა განსაზღვრულ სირთულეებს უკავშირდება. პაციენტთა ჩივილები, ჩვეულებრივ, ერთნაირია: ხშირი აღგზნება ღამის განმავლობაში, მათი აზრით, ძილში მომხდარი ერექციის გამო. ხშირად ერექცია ძლიერად აღიქმება. ზოგჯერ თან სდევს ტკივილი ან ერთგვარი ტალღის მოწოლის შეგრძნება სასქესო ასოსა და შორისის მიდამოში. ასეთი ერექციის გამო მამაკაცი პრაქტიკულად ყოველ ღამე იღვიძებს, ხშირად - მის მეორე ნახევარში. იშვიათად ერექცია შეინიშნება დღის ძილის დროსაც. უმრავლეს შემთხვევაში ერექცია გაღვიძების შემდეგაც რამდენიმე ხანს გასტანს და მხოლოდ მოშარდვის ან ოთახში სიარულის შემდეგ ქრება. სქესობრივი სიახლოვის სურვილი იშვიათად ჩნდება, ხოლო სქესობრივი აქტის შემდეგ ერექცია უფრო ძლიერდება და ხშირდება. დილაობით მამაკაცი დაღლილი, მოდუნებული, გამოფიტული იღვიძებს, უგუნებოდ არის. ზოგიერთი სიფხიზლისას მომეტებულ სქესობრივ აღგზნებას და თუნდაც არაადეკვატურ მდგომარეობაში ქალთან ურთიერთობისას ერექციის ადვილად წარმოშობას აღნიშნავს, თუმცა შემთხვევათა ნახევარში შეინიშნება ადეკვატური ერექციის შესუსტება, ეაკულაციის დაჩქარება, დაქვეითებული ლიბიდო. წესისამებრ, ამ დარღვევებს პაციენტებისთვის მეორეხარისხოვანი მნიშვნელობა აქვს. შენაცვლებითი ღამის პრიაპიზმი ნებისმიერ ასაკში შეიძლება აღმოცენდეს. თავდაპირველად ღამით გაღვიძება და ერექცია იშვიათია (7-10 დღეში თითო შემთხვევა), შემდეგ კი ყოველ ღამე 2-5-ჯერ მაინც აღინიშნება. ძილი ზერელე ხდება. ზოგჯერ, პათოლოგიის დიდხანს (10 წელზე მეტხანს) მიმდინარეობისას, პაციენტები აღნიშნავენ, რომ ღამის ერექციები ყოველწლიურად უფრო და უფრო მეტად აწუხებთ. ავადმყოფები აქტიურად ეძებენ სამედიცინო დახმარებას, მიმართავენ სხვადასხვა პროფილის ექიმებს, პირველ რიგში უროლოგებსა და ნევროპათოლოგებს. შენაცვლებითი ღამის პრიაპიზმის სამკურნალოდ ინიშნება ანტიდეპრესანტები (ამიტრიპტილინი, აზაფენი და სხვა), ტრანკვილიზატორები (ფენაზეპამი, სედუქსენი), საძილე საშუალებები, ნეიროლეპტიკები (ტეპალენი, ეტაპერაზინი, სტელაზინი). მკურნალობა ხანგრძლივია. რეკომენდებულია ფსიქოთერაპია, ჰიპნოზი, აუტოტრენინგი, ელექტროძილი. ტარდება ნემსორეფლექსოთერაპია. ესტროგენების დანიშვნა რეკომენდებული არ არის, ერთი მხრივ - გამოხატული გვერდითი მოვლენების (ტკივილი ღვიძლის მიდამოში, გინეკომასტია), მეორე მხრივ კი იმის გამო, რომ მათი ეფექტი პრეპარატის მოხსნასთან ერთად ქრება. ისიც უნდა ითქვას, რომ მკურნალობა უმეტესად არ იძლევა სასურველ შედეგს.
პოლუცია (ღამის პოლუცია, დღის პოლუცია)
პოლუცია (ლათ. "პოლუტუმ" - დასვრა) უნებლიე თესლდანთხევაა (ეაკულაცია), რომელსაც არც სქესობრივი აქტი უძღვის წინ და არც მასტურბაცია. განასხვავებენ ღამისა და დღის პოლუციას. ღამის პოლუცია ნორმალური ფიზიოლოგიური მოვლენაა, რომელიც რეგულარული სქესობრივი ცხოვრების ან რეგულარული მასტურბაციული პრაქტიკის დაწყებამდე კვირაში 1-2-ჯერ ან უფრო იშვიათად მეორდება. მოზარდებში ღამის პოლუციის დაწყება სქესობრივი სიმწიფის განსაზღვრული ეტაპის მიღწევის დასტურია. ღამის პოლუცია ძირითადად ეროტიკული შინაარსის სიზმრების დროს ხდება. ის ზრდასრულ, მოწიფულ მამაკაცებსაც ემართებათ ხანგრძლივი თავშეკავებისას. ყველა ხსენებულ შემთხვევაში პოლუციას აქვს ჩანაცვლებითი (ვიკარული) ხასიათი - იწვევს პერიოდულ ეაკულაციას და ამით ხელს უშლის მამაკაცის სასქესო ორგანოებში შეგუბების განვითარებას. პოლუცია იმ მამაკაცებშიც შეიმჩნევა, რომლებიც სექსუალურ ცხოვრებას ეწევიან, მაგრამ მათი ინდივიდუალური სქესობრივი მოთხოვნილებები სექსუალურ აქტიურობას არ შეესაბამება. ჩვეულებრივ, პოლუცია 13-14 წლის ყმაწვილებში გვხვდება, წესისამებრ, ძილში. პირველი თესლდანთხევა როგორც 10, ისე 15 წლის ასაკში ნორმალურია, აი, 5 წლის ასაკში კი ეს პათოლოგიაა და არა "სექსის მომავალი გიგანტის" ნიშანი. გახშირებული პოლუცია (ყოველდღე ან ყოველ მეორე დღეს, ან ღამის განმავლობაში რამდენჯერმე სქესობრივი აქტის შემდეგაც კი) არცთუ იშვიათად თანხვდება ორგაზმისა და ერექციის შესამჩნევ შესუსტებას (ზოგჯერ - ერექციის უქონლობას), დაღლილობას და მოდუნებას, უგუნებობას და თავის დამძიმების შეგრძნებას. ღამის პოლუციას, თუ ის ნორმის ფარგლებშია, მკურნალობა არ სჭირდება. სქესობრივი ცხოვრების მოწესრიგების შემდეგ იგი თავისთავად გაივლის.
ნაადრევი თესლდანთხევა
ნაადრევი თესლდანთხევა მამაკაცების ერთ-ერთი ყველაზე გავრცელებული პრობლემაა. მას ათიდან სამი მამაკაცი უჩივის. დარღვევის არსი ის არის, რომ ეაკულაცია (თესლდანთხევა) სქესობრივი აქტის დაწყებისთანავე ან დაწყებამდე ხდება. ნაადრევი ეაკულაცია მამაკაცსა და მის პარტნიორს სრულფასოვანი სქესობრივი ცხოვრების საშუალებას არ აძლევს და ხშირად იქცევა ფსიქოლოგიური პრობლემების მიზეზად. ნაადრევი თესლდანთხევა პირველადიც შეიძლება იყოს და მეორეულიც. პირველი მათგანი ვლინდება სქესობრივი ცხოვრების საწყის პერიოდში და უმეტესად აღელვებისა და ჭარბი აღგზნებულობის შედეგია. სქესობრივი ცხოვრების მოწესრიგების შემდეგ ის, წესისამებრ, გაივლის და სპეციფიკურ მკურნალობას არ საჭიროებს. მეორეული ნაადრევი თესლდანთხევა შეძენილია (თანდაყოლილი არ არის) და ვითარდება ურეთრისა და წინამდებარე ჯირკვლის (პროსტატის) ამა თუ იმ ანთებითი დაავადების, ერექციული დისფუნქციისა და სხვა პრობლემების გამო. ნაადრევი თესლდანთხევის მკურნალობა კომპლექსურ მიდგომას მოითხოვს. მკურნალობის კურსი, კვლევის შედეგებიდან გამომდინარე, ყველა პაციენტისთვის ინდივიდუალური უნდა იყოს. ჩვეულებრივ, მისი მიზანია იმ ფაქტორის მოცილება, რომლის გამოც ხდება ნაადრევი ეაკულაცია და მამაკაცის მიერ სქესობრივი აქტის ხანგრძლივობის კონტროლის უნარის გამომუშავება. ამის კვალობაზე, ტარდება: . იმ დაავადების მკურნალობა, რომელიც ნაადრევი თესლდანთხევის უშუალო მიზეზია;
. სქესობრივი და ქცევითი თერაპია;
. მედიკამენტური მკურნალობა სპეციალური პრეპარატებით;
. რეფლექსოთერაპია;
. ქირურგიული მკურნალობა.
გვიანი ეაკულაცია
სქესობრივი სიახლოვე რთული ფსიქოფიზიოლოგიური პროცესია, რომელშიც ორი ადამიანი მონაწილეობს. ამასთანავე, ორივეს თანაბარი უფლება აქვს და თანაბრად აგებენ პასუხს ერთმანეთის მდგომარეობაზე, და თუ მამაკაცს რამე არ გამოსდის, მიზეზი უწინარეს ყოვლისა პარტნიორებს შორის არცთუ მოწესრიგებულ ურთიერთობაში უნდა ვეძებოთ. გვიანი თესლდანთხევა ამის საუკეთესო დასტურია. გვიანი ეაკულაცია ის მდგომარეობაა, როცა მამაკაცი არ განიმუხტება სქესობრივი შერწყმის დროს. ამის მიზეზი ასაკიც არის: ასაკში შესული მამაკაცის სასქესო ორგანო ფრიქციებზე უფრო ნაკლებად რეაგირებს, ვიდრე ახალგაზრდისა. შესაბამისად, ასაკთან ერთად ამ ანომალიის წარმოშობის ალბათობა იმატებს. დაგვიანებული ეაკულაცია შესაძლოა რომელიმე დაავადებით, მაგალითად, დიაბეტით, ასევე მუცლის ღრუს ორგანოებზე ოპერაციული ჩარევით, შიშით და ზოგიერთი სხვა მიზეზითაც იყოს გამოწვეული, თუმცა მამაკაცისთვის ამ მეტად არასასიამოვნო მოვლენის გამშვები მექანიზმი მაინც წმინდა ფსიქოლოგიური პრობლემებია, უფრო ზუსტად, სქესობრივი ქცევის პრობლემები. ის მაშინ იჩენს თავს, როცა მამაკაცი სათანადოდ ვერ აღეგზნება, ვინაიდან პარტნიორი ფრიგიდულია ან საპასუხო ალერსს არ იმეტებს.
თუ ღამით ერთხელ მაინც იღვიძებთ ტუალეტში წასასვლელად, ეს შესაძლოა ღამის შარდის შეუკავებლობის საწყისი ნიშანი იყოს. არსებობს ამ მოვლენის მკურნალობის ეფექტური მეთოდები და არ არის საჭირო, თვითგანკურნების იმედით ყველაფერი ნებაზე მიუშვათ. შარდის ბუშტის ღამეული სისუსტე მრავალი ქალისთვის ნაცნობი მდგომარეობაა, განსაკუთრებით მათთვის, ვინც გართულებული მშობიარობა გადაიტანა. ეს პრობლემა არც მამაკაცთათვის გახლავთ უცხო, თუმცა ამ პრობლემით დაავადებულ მამაკაცთა რიცხვი ქალებისაზე გაცილებით ნაკლებია. ღამით თუნდაც ერთხელ მოსაშარდად წამოდგომა არღვევს ძილს და ხელს უშლის სრულფასოვან დასვენებას. შედეგი - დაღლილობა, გაღიზიანებულობა, ყურადღების ცუდი კონცენტრაცია, ანუ ცხოვრების ნორმალური რიტმის დარღვევა.
ღამის შარდის შეუკავებლობად ითვლება მდგომარეობა, როდესაც ადამიანს შარდის ბუშტის ერთზე მეტად დაცლის სურვილი აღვიძებს. სხვაგვარად რომ ვთქვათ, ორ-სამჯერ ტუალეტში წასვლის სურვილი განსაზღვრული პათოლოგიის ნიშანია, რომლისგანაც განკურნება შესაძლებელია. ის შემთხვევები კი, როცა ადამიანს უჭირს დაძინება, ნებისმიერი ხმაური აღვიძებს ან ღამით მოსაშარდად მხოლოდ ერთხელ დგება, არ ხვდება "ღამის შარდის შეუკავებლობის" განსაზღვრებაში. ღამით მოშარდვის სურვილს იწვევს: * დღის განმავლობაში და ძილის წინ სითხის დიდი რაოდენობით მიღება;
* შარდმდენი საშუალებების მიღება;
* შარდის ბუშტის მოცულობის მკვეთრი შემცირება ამა თუ იმ მიზეზით;
* შარდის ბუშტის დაავადებები: ანთება, ინფექცია, ქვები, სიმსივნეები, ასევე - მენჯის მიდამოს რენტგენოთერაპიის შემდგომი პერიოდი და სხვა;
* ცენტრალური ნერვული სისტემის ფუნქციის დარღვევა;
* შარდის ბუშტის კუნთოვანი აქტიურობის მომატება;
* საერთო ქრონიკული დაავადებები - დიაბეტი და ნივთიერებათა ცვლის სხვა დარღვევები;
* სტრესული და დეპრესიული მდგომარეობა, იძულებითი ქცევა. ჯანმრთელი ადამიანის ორგანიზმში მოქმედებს თირკმელების მიერ დღის განმავლობაში გამოყოფილი შარდის მოცულობის რეგულაციის მექანიზმი. ამ დროს შარდის უდიდესი ნაწილი სიფხიზლის პერიოდში გამოიყოფა და მხოლოდ 30% გამომუშავდება ძილის დროს. ამ ფაქიზ მექანიზმს ადვილად არღვევს: * შეშუპება (წესისამებრ, ქვედა კიდურებისა). შეშუპებას სხვა მიზეზებთან ერთად იწვევს გულის უკმარისობა, ჰორმონული დარღვევები და არასწორი კვება, ქვედა კიდურების ვენების ფუნქციის დარღვევა;
* თირკმელების ქრონიკული დაავადება;
* შარდსადენის ნაწილობრივი გაუვალობა - ხშირად გვხვდება იმ მამაკაცებში, რომლებიც პროსტატის გადიდებას უჩივიან და ქალებში, რომელთაც შარდის ბუშტის დაწევა აქვთ. ამ დროს არ ხდება შარდის ბუშტის სრული დაცლა, რის გამოც ჩნდება მოშარდვის განუწყვეტელი სურვილი. ღამის შეუკავებლობით უმეტესად ქალები იტანჯებიან. ასაკთან ერთად ამ პრობლემის ჩამოყალიბების ალბათობაც იზრდება. 40-60 წლის ქალების 55% ღამით ხშირ შარდვას უჩივის.
მკურნალობა
აუცილებლობის შემთხვევაში ინიშნება გამოვლენილი დაავადებების (დიაბეტი, თირკმელების დაავადება, გულის უკმარისობა და სხვა) მკურნალობა. უროდინამიკური კვლევის (ნარჩენი შარდის, შარდის ბუშტის მოცულობის განსაზღვრა, ბუშტის კუნთების მდგომარეობა და სხვა) შედეგების მიხედვით შეიძლება დაინიშნოს პრეპარატები, რომლებიც ღამით შარდის ბუშტზე ზეწოლას ამცირებენ. ზოგ შემთხვევაში საკმარისია ჩვევების შეცვლა - რაციონში ზოგიერთი შესწორების შეტანა, ძილის წინ სითხის შეზღუდვით მიღება და სხვა. არსებობს ვარჯიშთა სისტემა, რომელიც აძლიერებს შარდის ბუშტის კედლებსა და მენჯის ფსკერს. ქალებს (მენოპაუზის პერიოდში და მანამდე მცირე ხნით ადრე) ხშირად უნიშნავენ ჰორმონ ესტროგენს, რომელიც შარდის გამოყოფის ფუნქციაზეც მოქმედებს. დაბოლოს, ყველაზე რთულ შემთხვევებში მიმართავენ ქირურგიული მკურნალობის მეთოდებს - თუ საბოლოოდ არის გარკვეული, რომ პრობლემის მიზეზი შარდის ბუშტში მუდმივად დარჩენილი დიდი რაოდენობით შარდია და არც ერთი სხვა საშუალება არ შველის.
პროსტატის ადენომა
"მთელი სიცოცხლე მკვდარივით ეძინა, ახლა კი ყოველ ღამე ორ-სამჯერ იღვიძებს და მოსაშარდად გადის". მამაკაცთა უმრავლესობისთვის ეს ღამეული ვოიაჟები წინამდებარე ჯირკვლის, პროსტატის, გადიდების პირველი ნიშანია. შესაძლოა, თავი იჩინოს სხვა სიმპტომებმაც: მოშარდვის პროცესის დაწყებასთან დაკავშირებულმა პრობლემებმა ან წვეთებით შარდვამ. დროთა განმავლობაში ღამით შარდვა ხშირდება და სირთულეები დღისითაც იჩენს თავს. ამ პრობლემას რამდენიმე სახელი აქვს - პროსტატის გადიდება, პროსტატის კეთილთვისებიანი ჰიპერპლაზია და პროსტატის ადენომა. წინამდებარე ჯირკვალი, მარტივად რომ ვთქვათ, გარს არტყია ურეთრას - შარდსადენს, რომლითაც შარდის ბუშტში არსებული შარდი ორგანიზმიდან გამოდის. გადიდებული პროსტატა ურეთრას ავიწროებს ან ბლოკავს. სწორედ ეს იწვევს შარდის გამოყოფის პრობლემებს. პროსტატის ადენომა კიბო არ არის. გადიდებულ პროსტატას უსიამოვნებები მოაქვს, მაგრამ მძიმე გართულებებს არ იწვევს. ის არ გადაიზრდება ავთვისებიან სიმსივნეში, არ მოქმედებს განაყოფიერების ფუნქციაზე და არ იწვევს ერექციის პრობლემებს. პროსტატის ადენომა, სავარაუდოდ, მამაკაცის დაბერების პროცესის ნაწილია და გამოწვეულია ჰორმონული ბალანსის, ასევე - უჯრედების ზრდის ცვლილებებით. პროსტატის ადენომის მედიკამენტური მკურნალობა შესაძლებელია. სპეციალური მედიკამენტები ხსნის ადენომის სიმპტომებს, თუმცა მთლიანად - არა. თუ პრეპარატების მიღებას თავს დაანებებთ, სიმპტომები შესაძლოა დაბრუნდეს. თუ დაავადება გამწვავდა, ექიმი მკურნალობის ქირურგიულ გზას შემოგთავაზებთ, თუმცა ისიც უნდა ითქვას, რომ ასეთი შემთხვევები შედარებით იშვიათია. პროსტატის ადენომის ან მისი მიზეზების თავიდან აცილება, სამწუხაროდ, შეუძლებელია. ზოგიერთს მიაჩნია, რომ რეგულარული ეაკულაციით პროსტატის გადიდებას თავიდან აიცილებს. მაგრამ ეს წარმოდგენა მეცნიერულად დადასტურებული არ არის.
შენაცვლებითი ღამის პრიაპიზმი
პრიაპიზმი გახლავთ ხანგრძლივი მტკივნეული ერექცია, რომელიც არ არის დაკავშირებული სქესობრივ აღგზნებასთან. შენაცვლებითი ღამის პრიაპიზმი (ფსევდოპრიაპიზმი, ქრონიკული პრიაპიზმი, ძილის პრიაპიზმი) იშვიათი პათოლოგიაა. ის ბოლომდე შესწავლილი არ არის და მისი მკურნალობა განსაზღვრულ სირთულეებს უკავშირდება. პაციენტთა ჩივილები, ჩვეულებრივ, ერთნაირია: ხშირი აღგზნება ღამის განმავლობაში, მათი აზრით, ძილში მომხდარი ერექციის გამო. ხშირად ერექცია ძლიერად აღიქმება. ზოგჯერ თან სდევს ტკივილი ან ერთგვარი ტალღის მოწოლის შეგრძნება სასქესო ასოსა და შორისის მიდამოში. ასეთი ერექციის გამო მამაკაცი პრაქტიკულად ყოველ ღამე იღვიძებს, ხშირად - მის მეორე ნახევარში. იშვიათად ერექცია შეინიშნება დღის ძილის დროსაც. უმრავლეს შემთხვევაში ერექცია გაღვიძების შემდეგაც რამდენიმე ხანს გასტანს და მხოლოდ მოშარდვის ან ოთახში სიარულის შემდეგ ქრება. სქესობრივი სიახლოვის სურვილი იშვიათად ჩნდება, ხოლო სქესობრივი აქტის შემდეგ ერექცია უფრო ძლიერდება და ხშირდება. დილაობით მამაკაცი დაღლილი, მოდუნებული, გამოფიტული იღვიძებს, უგუნებოდ არის. ზოგიერთი სიფხიზლისას მომეტებულ სქესობრივ აღგზნებას და თუნდაც არაადეკვატურ მდგომარეობაში ქალთან ურთიერთობისას ერექციის ადვილად წარმოშობას აღნიშნავს, თუმცა შემთხვევათა ნახევარში შეინიშნება ადეკვატური ერექციის შესუსტება, ეაკულაციის დაჩქარება, დაქვეითებული ლიბიდო. წესისამებრ, ამ დარღვევებს პაციენტებისთვის მეორეხარისხოვანი მნიშვნელობა აქვს. შენაცვლებითი ღამის პრიაპიზმი ნებისმიერ ასაკში შეიძლება აღმოცენდეს. თავდაპირველად ღამით გაღვიძება და ერექცია იშვიათია (7-10 დღეში თითო შემთხვევა), შემდეგ კი ყოველ ღამე 2-5-ჯერ მაინც აღინიშნება. ძილი ზერელე ხდება. ზოგჯერ, პათოლოგიის დიდხანს (10 წელზე მეტხანს) მიმდინარეობისას, პაციენტები აღნიშნავენ, რომ ღამის ერექციები ყოველწლიურად უფრო და უფრო მეტად აწუხებთ. ავადმყოფები აქტიურად ეძებენ სამედიცინო დახმარებას, მიმართავენ სხვადასხვა პროფილის ექიმებს, პირველ რიგში უროლოგებსა და ნევროპათოლოგებს. შენაცვლებითი ღამის პრიაპიზმის სამკურნალოდ ინიშნება ანტიდეპრესანტები (ამიტრიპტილინი, აზაფენი და სხვა), ტრანკვილიზატორები (ფენაზეპამი, სედუქსენი), საძილე საშუალებები, ნეიროლეპტიკები (ტეპალენი, ეტაპერაზინი, სტელაზინი). მკურნალობა ხანგრძლივია. რეკომენდებულია ფსიქოთერაპია, ჰიპნოზი, აუტოტრენინგი, ელექტროძილი. ტარდება ნემსორეფლექსოთერაპია. ესტროგენების დანიშვნა რეკომენდებული არ არის, ერთი მხრივ - გამოხატული გვერდითი მოვლენების (ტკივილი ღვიძლის მიდამოში, გინეკომასტია), მეორე მხრივ კი იმის გამო, რომ მათი ეფექტი პრეპარატის მოხსნასთან ერთად ქრება. ისიც უნდა ითქვას, რომ მკურნალობა უმეტესად არ იძლევა სასურველ შედეგს.
პოლუცია (ღამის პოლუცია, დღის პოლუცია)
პოლუცია (ლათ. "პოლუტუმ" - დასვრა) უნებლიე თესლდანთხევაა (ეაკულაცია), რომელსაც არც სქესობრივი აქტი უძღვის წინ და არც მასტურბაცია. განასხვავებენ ღამისა და დღის პოლუციას. ღამის პოლუცია ნორმალური ფიზიოლოგიური მოვლენაა, რომელიც რეგულარული სქესობრივი ცხოვრების ან რეგულარული მასტურბაციული პრაქტიკის დაწყებამდე კვირაში 1-2-ჯერ ან უფრო იშვიათად მეორდება. მოზარდებში ღამის პოლუციის დაწყება სქესობრივი სიმწიფის განსაზღვრული ეტაპის მიღწევის დასტურია. ღამის პოლუცია ძირითადად ეროტიკული შინაარსის სიზმრების დროს ხდება. ის ზრდასრულ, მოწიფულ მამაკაცებსაც ემართებათ ხანგრძლივი თავშეკავებისას. ყველა ხსენებულ შემთხვევაში პოლუციას აქვს ჩანაცვლებითი (ვიკარული) ხასიათი - იწვევს პერიოდულ ეაკულაციას და ამით ხელს უშლის მამაკაცის სასქესო ორგანოებში შეგუბების განვითარებას. პოლუცია იმ მამაკაცებშიც შეიმჩნევა, რომლებიც სექსუალურ ცხოვრებას ეწევიან, მაგრამ მათი ინდივიდუალური სქესობრივი მოთხოვნილებები სექსუალურ აქტიურობას არ შეესაბამება. ჩვეულებრივ, პოლუცია 13-14 წლის ყმაწვილებში გვხვდება, წესისამებრ, ძილში. პირველი თესლდანთხევა როგორც 10, ისე 15 წლის ასაკში ნორმალურია, აი, 5 წლის ასაკში კი ეს პათოლოგიაა და არა "სექსის მომავალი გიგანტის" ნიშანი. გახშირებული პოლუცია (ყოველდღე ან ყოველ მეორე დღეს, ან ღამის განმავლობაში რამდენჯერმე სქესობრივი აქტის შემდეგაც კი) არცთუ იშვიათად თანხვდება ორგაზმისა და ერექციის შესამჩნევ შესუსტებას (ზოგჯერ - ერექციის უქონლობას), დაღლილობას და მოდუნებას, უგუნებობას და თავის დამძიმების შეგრძნებას. ღამის პოლუციას, თუ ის ნორმის ფარგლებშია, მკურნალობა არ სჭირდება. სქესობრივი ცხოვრების მოწესრიგების შემდეგ იგი თავისთავად გაივლის.
ნაადრევი თესლდანთხევა
ნაადრევი თესლდანთხევა მამაკაცების ერთ-ერთი ყველაზე გავრცელებული პრობლემაა. მას ათიდან სამი მამაკაცი უჩივის. დარღვევის არსი ის არის, რომ ეაკულაცია (თესლდანთხევა) სქესობრივი აქტის დაწყებისთანავე ან დაწყებამდე ხდება. ნაადრევი ეაკულაცია მამაკაცსა და მის პარტნიორს სრულფასოვანი სქესობრივი ცხოვრების საშუალებას არ აძლევს და ხშირად იქცევა ფსიქოლოგიური პრობლემების მიზეზად. ნაადრევი თესლდანთხევა პირველადიც შეიძლება იყოს და მეორეულიც. პირველი მათგანი ვლინდება სქესობრივი ცხოვრების საწყის პერიოდში და უმეტესად აღელვებისა და ჭარბი აღგზნებულობის შედეგია. სქესობრივი ცხოვრების მოწესრიგების შემდეგ ის, წესისამებრ, გაივლის და სპეციფიკურ მკურნალობას არ საჭიროებს. მეორეული ნაადრევი თესლდანთხევა შეძენილია (თანდაყოლილი არ არის) და ვითარდება ურეთრისა და წინამდებარე ჯირკვლის (პროსტატის) ამა თუ იმ ანთებითი დაავადების, ერექციული დისფუნქციისა და სხვა პრობლემების გამო. ნაადრევი თესლდანთხევის მკურნალობა კომპლექსურ მიდგომას მოითხოვს. მკურნალობის კურსი, კვლევის შედეგებიდან გამომდინარე, ყველა პაციენტისთვის ინდივიდუალური უნდა იყოს. ჩვეულებრივ, მისი მიზანია იმ ფაქტორის მოცილება, რომლის გამოც ხდება ნაადრევი ეაკულაცია და მამაკაცის მიერ სქესობრივი აქტის ხანგრძლივობის კონტროლის უნარის გამომუშავება. ამის კვალობაზე, ტარდება: . იმ დაავადების მკურნალობა, რომელიც ნაადრევი თესლდანთხევის უშუალო მიზეზია;
. სქესობრივი და ქცევითი თერაპია;
. მედიკამენტური მკურნალობა სპეციალური პრეპარატებით;
. რეფლექსოთერაპია;
. ქირურგიული მკურნალობა.
გვიანი ეაკულაცია
სქესობრივი სიახლოვე რთული ფსიქოფიზიოლოგიური პროცესია, რომელშიც ორი ადამიანი მონაწილეობს. ამასთანავე, ორივეს თანაბარი უფლება აქვს და თანაბრად აგებენ პასუხს ერთმანეთის მდგომარეობაზე, და თუ მამაკაცს რამე არ გამოსდის, მიზეზი უწინარეს ყოვლისა პარტნიორებს შორის არცთუ მოწესრიგებულ ურთიერთობაში უნდა ვეძებოთ. გვიანი თესლდანთხევა ამის საუკეთესო დასტურია. გვიანი ეაკულაცია ის მდგომარეობაა, როცა მამაკაცი არ განიმუხტება სქესობრივი შერწყმის დროს. ამის მიზეზი ასაკიც არის: ასაკში შესული მამაკაცის სასქესო ორგანო ფრიქციებზე უფრო ნაკლებად რეაგირებს, ვიდრე ახალგაზრდისა. შესაბამისად, ასაკთან ერთად ამ ანომალიის წარმოშობის ალბათობა იმატებს. დაგვიანებული ეაკულაცია შესაძლოა რომელიმე დაავადებით, მაგალითად, დიაბეტით, ასევე მუცლის ღრუს ორგანოებზე ოპერაციული ჩარევით, შიშით და ზოგიერთი სხვა მიზეზითაც იყოს გამოწვეული, თუმცა მამაკაცისთვის ამ მეტად არასასიამოვნო მოვლენის გამშვები მექანიზმი მაინც წმინდა ფსიქოლოგიური პრობლემებია, უფრო ზუსტად, სქესობრივი ქცევის პრობლემები. ის მაშინ იჩენს თავს, როცა მამაკაცი სათანადოდ ვერ აღეგზნება, ვინაიდან პარტნიორი ფრიგიდულია ან საპასუხო ალერსს არ იმეტებს.