თუ თქვენს მეგობარს ან ახლობელ ადამიანს აივ-ინფექცია აქვს, ეს იმას ნიშნავს, რომ ეპიდემია პირადად თქვენ შეგეხოთ და თქვენ იძულებული გახდებით გადაწყვიტოთ მრავალი საკითხი, რომელიც სულ არ გაწუხებდათ მანამდე. ისწავლეთ ახლობელი ადამიანისათვის დაავადებასთან ბრძოლაში რეალური დახმარების გაწევა და ნუ დაგავიწყდებათ, რომ თქვენც გესაჭიროებათ დახმარება და მხარდაჭერა.
აივ-ინფიცირებულ ადამიანს მხარდაჭერა სჭირდება. ამიტომ თქვენ უნდა მზად იყოთ იმისათვის, რომ:
• ყურადღებით მოუსმინოთ და გაუგოთ მას;
• აჩვენოთ, რომ მის გვერდით ხართ და მზად ხართ დაეხმაროთ;
• არ ეძებოთ დამნაშავე და არ უსაყვედუროთ;
• არ ურჩიოთ არაფერი, ვიდრე ამას თვითონვე არ გთხოვთ;
• არ შეიცოდოთ, ზედმეტად არ იზრუნოთ, არ შეუზღუდოთ.
თქვენი მხარდაჭერა ყველაზე მეტად კრიზისულ სიტუაციებში არის საჭირო. ასეთ სიტუაციებს მიეკუთვნება: დიაგნოზის `აივ-ინფექცია~ დასმა; სიმპტომების გამოჩენა; წამლების მუდმივად მიღების აუცილებლობა; მძიმე დაავადების განვითარება; მეგობრების დაკარგვა.
იმისათვის, რომ ახლობელ ადამიანს დაეხმაროთ, გაიგეთ რაც შეიძლება მეტი რამ აივ-ინფექციასა და შიდს-ის შესახებ.
თუ საყოფაცხოვრებო კონტაქტისას დაინფიცირების გაუცნობიერებელი შიში თქვენში ჯერ კიდევ არსებობს, გაესაუბრეთ სპეციალისტებს, რომლებიც აგიხსნიან ყველაფერს გადაცემის გზების შესახებ.
ნუ შეეცდებით იმის გარკვევას, თუ როგორ მოხდა დაინფიცირება. თავი აარიდეთ ისეთი გამოთქმების ხმარებას და შეკითხვების დასმას, რამაც შესაძლოა, ადამიანში დანაშაულის გრძნობა და თავის მართლების აუცილებლობა გამოიწვიოს. ნუ გაკიცხავთ მისი ცხოვრების წესს, თუნდაც ის თქვენთვის მიუღებელი იყოს. ამ ყველაფერს, შესაძლოა, თქვენი ურთიერთ გარიყულობა მოჰყვეს სწორედ მაშინ, როდესაც ყველაზე მეტად სულიერი კონტაქტი და გაგებაა საჭირო, რამაც სავსებით შესაძლებელია, ადამიანისათვის გადამწყვეტი როლი ითამაშოს.
ნუ დაგავიწყდებათ, რომ ადამიანმა თვითონ უნდა მიიღოს ყველაზე მთავარი გადაწყვეტილებები იმის შესახებ, როგორი ცხოვრების წესით იცხოვროს, როგორ მიხედოს თავის ჯანმრთელობას, როგორ იკვებოს, როგორ დაისვენოს, ვის რა და როდის უთხრას (ან საერთოდ არ უთხრას) საკუთარი აივ-სტატუსის შესახებ.
თქვენი სურვილი დახმარება გაუწიოთ ახლობელ ადამიანს აბსოლუტურად ბუნებრივია. მაგრამ ნათესავები და ახლობლები ხშირად უშვებენ შეცდომებს, რომელთაც, შესაძლოა, სერიოზული და ხანდახან გამოუსწორებელი ზიანი მოჰყვეს. ქვემოთ მოყვანილია ყველაზე მეტად გავრცელებული შეცდომები.
• გადამეტებული ზრუნვა და იმის შეხსენება, რომ ადამიანს საშიში დაავადება აქვს. დაფიქრდით, თქვენი ასეთი ქცევა ხომ არ არის გამოწვეული საკუთარი შიშით ან დანაშაულის გრძნობით. გააცნობიერეთ თქვენი ფსიქოლოგიური პრობლემები და ნუ გადაიტანთ მათ ახლობელ ადამიანზე. გონიერ ზრუნვასა (რომელიც გამოიხატება ოჯახში ჯანსაღი ატმოსფეროს შექმნით, წამლის დროულად მიღების შეხსენებითა და ავადმყოფობის დროს აუცილებელი მოვლით) და გადამეტებულ ზრუნვას (რომელსაც დეპრესია, გარიყულობა და უსუსურობის გრძნობა მოსდევს) შორის ძალიან დიდი სხვაობა არსებობს. იმისათვის, რომ არ დაუშვათ შეცდომა, დააკვირდით, როგორ რეაგირებს ახლობელი თქვენს ზრუნვაზე.
• რჩევები მკურნალობის ალტერნატიული მეთოდების შესახებ. მთელ მსოფლიოში უამრავი მკურნალი და ექიმბაში არსებობს, რომლებიც ადამიანებს აივ-ინფექციისა და შიდს-ისაგან რადიკალურ განკურნებას პირდებიან. ჯერჯერობით არ არსებობს არც ერთი განკურნების ოფიციალურად დარეგისტრირებული შემთხვევა. ამავე დროს, ცნობილია მრავალი შემთხვევა, როდესაც ასეთი მკურნალობა ლეტალური შედეგით დამთავრდა.
• რჩევები ისეთი წამლის მიღების შეწყვეტის თაობაზე, რომელსაც გვერდითი ეფექტები გააჩნია. ეს ძალიან საშიშია იმ შემთხვევაში, თუკი პაციენტს დანიშნული აქვს კომბინირებული ვირუს-საწინააღმდეგო თერაპია: პრეპარატის მიღების შეწყვეტასა ან გამოტოვებას მოსდევს ადამიანის ორგანიზმში ვირუსის წამლებისადმი მდგრადი შტამების განვითარება, რაც მომავალში მკურნალობას შეუძლებელს გახდის.
არ დაივიწყოთ, რომ მხარდაჭერა ესაჭიროება არა მარტო თქვენს ახლობელს, რომელსაც აივ/შიდს-ი აქვს, არამედ თქვენც. შიდს-ის ცენტრებში ყოველთვის მზად არიან აღმოუჩინოდ დახმარება არამარტო პაციენტებს, არამედ მათი ოჯახის წევრებსა და ახლობლებს, ამიტომ დაუყოვნებლივ მიმართეთ სპეციალისტებს, თუკი გჭირებათ რაიმეს გაგება ან პრობლემებისა და განცდების გაზიარება.
აივ-ინფიცირებულ ადამიანს მხარდაჭერა სჭირდება. ამიტომ თქვენ უნდა მზად იყოთ იმისათვის, რომ:
• ყურადღებით მოუსმინოთ და გაუგოთ მას;
• აჩვენოთ, რომ მის გვერდით ხართ და მზად ხართ დაეხმაროთ;
• არ ეძებოთ დამნაშავე და არ უსაყვედუროთ;
• არ ურჩიოთ არაფერი, ვიდრე ამას თვითონვე არ გთხოვთ;
• არ შეიცოდოთ, ზედმეტად არ იზრუნოთ, არ შეუზღუდოთ.
თქვენი მხარდაჭერა ყველაზე მეტად კრიზისულ სიტუაციებში არის საჭირო. ასეთ სიტუაციებს მიეკუთვნება: დიაგნოზის `აივ-ინფექცია~ დასმა; სიმპტომების გამოჩენა; წამლების მუდმივად მიღების აუცილებლობა; მძიმე დაავადების განვითარება; მეგობრების დაკარგვა.
იმისათვის, რომ ახლობელ ადამიანს დაეხმაროთ, გაიგეთ რაც შეიძლება მეტი რამ აივ-ინფექციასა და შიდს-ის შესახებ.
თუ საყოფაცხოვრებო კონტაქტისას დაინფიცირების გაუცნობიერებელი შიში თქვენში ჯერ კიდევ არსებობს, გაესაუბრეთ სპეციალისტებს, რომლებიც აგიხსნიან ყველაფერს გადაცემის გზების შესახებ.
ნუ შეეცდებით იმის გარკვევას, თუ როგორ მოხდა დაინფიცირება. თავი აარიდეთ ისეთი გამოთქმების ხმარებას და შეკითხვების დასმას, რამაც შესაძლოა, ადამიანში დანაშაულის გრძნობა და თავის მართლების აუცილებლობა გამოიწვიოს. ნუ გაკიცხავთ მისი ცხოვრების წესს, თუნდაც ის თქვენთვის მიუღებელი იყოს. ამ ყველაფერს, შესაძლოა, თქვენი ურთიერთ გარიყულობა მოჰყვეს სწორედ მაშინ, როდესაც ყველაზე მეტად სულიერი კონტაქტი და გაგებაა საჭირო, რამაც სავსებით შესაძლებელია, ადამიანისათვის გადამწყვეტი როლი ითამაშოს.
ნუ დაგავიწყდებათ, რომ ადამიანმა თვითონ უნდა მიიღოს ყველაზე მთავარი გადაწყვეტილებები იმის შესახებ, როგორი ცხოვრების წესით იცხოვროს, როგორ მიხედოს თავის ჯანმრთელობას, როგორ იკვებოს, როგორ დაისვენოს, ვის რა და როდის უთხრას (ან საერთოდ არ უთხრას) საკუთარი აივ-სტატუსის შესახებ.
თქვენი სურვილი დახმარება გაუწიოთ ახლობელ ადამიანს აბსოლუტურად ბუნებრივია. მაგრამ ნათესავები და ახლობლები ხშირად უშვებენ შეცდომებს, რომელთაც, შესაძლოა, სერიოზული და ხანდახან გამოუსწორებელი ზიანი მოჰყვეს. ქვემოთ მოყვანილია ყველაზე მეტად გავრცელებული შეცდომები.
• გადამეტებული ზრუნვა და იმის შეხსენება, რომ ადამიანს საშიში დაავადება აქვს. დაფიქრდით, თქვენი ასეთი ქცევა ხომ არ არის გამოწვეული საკუთარი შიშით ან დანაშაულის გრძნობით. გააცნობიერეთ თქვენი ფსიქოლოგიური პრობლემები და ნუ გადაიტანთ მათ ახლობელ ადამიანზე. გონიერ ზრუნვასა (რომელიც გამოიხატება ოჯახში ჯანსაღი ატმოსფეროს შექმნით, წამლის დროულად მიღების შეხსენებითა და ავადმყოფობის დროს აუცილებელი მოვლით) და გადამეტებულ ზრუნვას (რომელსაც დეპრესია, გარიყულობა და უსუსურობის გრძნობა მოსდევს) შორის ძალიან დიდი სხვაობა არსებობს. იმისათვის, რომ არ დაუშვათ შეცდომა, დააკვირდით, როგორ რეაგირებს ახლობელი თქვენს ზრუნვაზე.
• რჩევები მკურნალობის ალტერნატიული მეთოდების შესახებ. მთელ მსოფლიოში უამრავი მკურნალი და ექიმბაში არსებობს, რომლებიც ადამიანებს აივ-ინფექციისა და შიდს-ისაგან რადიკალურ განკურნებას პირდებიან. ჯერჯერობით არ არსებობს არც ერთი განკურნების ოფიციალურად დარეგისტრირებული შემთხვევა. ამავე დროს, ცნობილია მრავალი შემთხვევა, როდესაც ასეთი მკურნალობა ლეტალური შედეგით დამთავრდა.
• რჩევები ისეთი წამლის მიღების შეწყვეტის თაობაზე, რომელსაც გვერდითი ეფექტები გააჩნია. ეს ძალიან საშიშია იმ შემთხვევაში, თუკი პაციენტს დანიშნული აქვს კომბინირებული ვირუს-საწინააღმდეგო თერაპია: პრეპარატის მიღების შეწყვეტასა ან გამოტოვებას მოსდევს ადამიანის ორგანიზმში ვირუსის წამლებისადმი მდგრადი შტამების განვითარება, რაც მომავალში მკურნალობას შეუძლებელს გახდის.
არ დაივიწყოთ, რომ მხარდაჭერა ესაჭიროება არა მარტო თქვენს ახლობელს, რომელსაც აივ/შიდს-ი აქვს, არამედ თქვენც. შიდს-ის ცენტრებში ყოველთვის მზად არიან აღმოუჩინოდ დახმარება არამარტო პაციენტებს, არამედ მათი ოჯახის წევრებსა და ახლობლებს, ამიტომ დაუყოვნებლივ მიმართეთ სპეციალისტებს, თუკი გჭირებათ რაიმეს გაგება ან პრობლემებისა და განცდების გაზიარება.