სიმსუქნე და სექსუალობა



სიმსუქნე განვითარებული ქვეყნების დაავადებად ითვლება. ასეთ ქვეყნებში მოსახლეობის 25%-ს აწუხებს ჭარბი წონა.

დასავლეთ ევროპაში ჭარბ წონად ითვლება ნორმალურ წონაზე 5 კგ-ით მეტი წონა, აზიის ქვეყნებში – 10 კგ, ამერიკაში კი – 15 კგ.

ჭარბი წონის გავლენა ადამიანის სექსუალობასა და სექსუალურ ფუნქციებზე ერთობ საინტერესო საკითხია.

ამ თემაზე ჩატარებული კვლევები ირწმუნება, რომ ჭარბწონიანებში სექსუალური ფუნქციები ნორმალური წონის ადამიანებთან შედარებით უფრო სუსტია. ჭარბი წონა პირველ რიგში მოქმმედებს სექსუალურ ლტოლვაზე. ჯერ კიდევ გასული საუკუნის 50-იან წლებში ალფრედ კინსმა ჩაატარა კვლევა ამერიკის პრესტიჟული უნივერსიტეტის 300 უფროსკურსელი გოგონას მონაწილეობით. დადგინდა, რომ 10-15 კგ ჭარბი წონის შემთხვევაში გოგონების სექსუალური ფანტაზიები 2-3 წლით უფრო გვიან უჩნდებოდათ. თავად ინტიმურ ცხოვრებას კი 2,5-3 წლით გვიან იწყებდნენ. ასეთმა კვლევებმა დაადგინა, რომ ჭარბი წონის მქონე გოგონები მატურბაციასაც დაახოლებით 3 წლით გვიან იწყებენ, 17-18 წლის ასაკში. ჭარბწონიანი ქალებიდან სექსუალურ ცხოვრებას ის ნაწილი იწყებს, რომელიც ასე თუ ისე ხშირად მასტურბირებს.

სუსტი სქესის წარმომადგენლები ძირითადად სუქდებიან ზრდასრულ ასაკში ორსულობის დროს. რაც ჭარბწონიანობის პრობლემების საწყისი ხდება.

უკანასკნელ წლებში უამრავი კვლევა ჩატარდა 28-40 წლამდე ადამიანების სექსუალურ სფეროზე სიმსუქნის გავლენაზე. აღმოჩნდა ჭარბი წონის ქალების ძალიან დიდი ნაწილი თანდათან კარგავს ორგაზმის განცდის უნარს და რაოდენ გასაოცარიც არ უნდა იყოს, დროთა განმავლობაში მათ საყვარელ ადამიანთან სიყვარულიც ვეღარ ანიჭებთ სიამოვნებას – ეს პროცესი სექსოლოგიაში დესექსუალიზაციის სახელწოდებით არის ცნობილი.

დესექსუალიზაცია ქალებში გაცილებით უფრო ხშირია, მამაკაცებში ის საკმაოდ იშვიათია. ამის მიზეზად მეცნიერები ასახელებენ იმ ფაქტს, რომ მამაკაცის ნერვული უჯრედები ნაკლებად მგრძნობიარეა ქოლესტერინისა და სხვა ლიპიდების მიმართ. გარდა ამისა, ქალების ჰორმონალური სფერო უფრო მოწყვლადია და ისინი ადვილად სუქდებიან. ქალების ჰორმონალური სფეროს სისუსტე განპირობებულია მენსტრულური ციკლის არსებობით და ჰორმონების დონეების ხშირი ცვალებადობით.

ლიპიდები, რომლებიც ცირკულირებენ სისხლით აქვეითებენ სექსუალურ ლტოლვას, აბლოკირებენ ეროგენულ ზონებს და აქვეითებენ სასქესო ორგანოების მგრძნობელობას.

ქალები გაცილებით უკეთესად ეგუებიან სექსუალური პარტნიორების სიმსუქნეს, ვიდრე მამაკაცები. ამიტომაც ჭარბი წონა განქორწინებების მიზეზებს შორის მესამე ადგილზეა.



































ტექსტის სანახავად გაიარეთ რეგისტრაცია.