(ეროგენული ზონები)
“ჰოლივუდის” კოცნა – ეს გახლავთ კოცნა ნახევრადგახსნილი ტუჩებით. მიუხედავად მისი გარეგნული ეფექტურობისა, ქალთა უმრავლესობა მაინც უარყოფს მას. ზოგიერთი ქალი უპირატესობას ანიჭებს ტუჩების შიდა მხარით კოცნას და მოსწონს, როცა მას ამგვარად კოცნიან.
ასეთი კოცნა ძლიერ აღელვებს ქალს, რადგან ხდება პარტნიორთა ტუჩების მაქსიმალური შერწყმა. ზოგიერთი ქალი თვითონ ნაკლებად კოცნის მამაკაცს და თვლის, რომ მას უნდა კოცნიდნენ. ამ დროს ქალი წყვეტს სუნთქვას, რათა მისცეს პარტნიორს ტუჩების წუწვნის შესაძლებლობა. ზოგიერთს სიამოვნებს, როდესაც კოცნიან მის ქვედა ტუჩს. ამ შემთხვევაში ქვედა ტუჩს ტუჩებით იჭერს პარტნიორი, სწოვს მას და ეფერება ენით. არიან ქალები, რომლებიც უპირატესობას ჩვეულებრივ კოცნას ანიჭებენ. ისინი კოცნიან ტუჩების გარეგანი ნაწილების მკვრივად შეერთებით.
ინტიმური კოცნის უმაღლეს ფორმად ქალებისა და მათი პარტნიორების ნახევარი მიიჩნევს ეგრეთწოდებულ ფრანგულ კოცნას, ანუ “კოცნა სულისა”, როგორც ამბობენ ფრანგები. ამ შემთხვევაში შეყვარებულთა ბაგეები გახსნილია და ენა პარტნიორის პირში მოძრაობს, მეორე, თავის მხრივ, იჭერს პარტნიორის ენას პირით. კოცნის ეს სახეობა დღესდღეობით ფართოდაა გავრცელებული.
შეიძლება თამამად ითქვას, რომ ქალთა უმრავლესობა ამჯობინებს პარტნიორის ნაზსა და და სათუთ დამოკიდებულებას და ასეთივე კოცნას. მაგრამ არიან ისეთი ქალები, რომლებსაც ძალიან მოსწონთ ტკივილამდე ძლიერი კოცნა.ზოგიერთი ზომიერი ტემპერამენტის მქონე ქალი კი უპირატესობას ანიჭებს ძლიერ ხვევნას, მაგრამ ფაქიზ კოცნას.