მკვლევარების ნაწილის აზრით, ფსორიაზი პირდაპირ კავშირშია გულ-სისხლძარღვთა სისტემის დაავადებებთან. ასევე ირკვევა, რომ კანის ეს დაავადება ნაადრევი სიკვდილის რისკსაც ზრდის. ამ დასკვნამდე ამერიკელი მეცნიერები მივიდნენ.
ცნობილია, რომ ფსორიაზი დედამიწის მოსახლეობის 2-3 პროცენტს აწუხებს. ავადმყოფობას თან ახლავს დეპრესია, ჩნდება ფსიქოლოგიური პრობლემები, ადამიანის შრომისუნარიანობა მნიშვნელოვნად ეცემა.
დერმატოლოგებმა, ახალი კვლევების ფარგლებში, ანალიზი ჩაატარეს 3236 დაავადებულ და 2500 ჯანმრთელ ადამიანზე. სწორედ ამ დაკვირვებების შედეგების მიხედვით გაირკვა, რომ ფსორიაზი და გულის დაავადებების კომპლექსი ერთმანეთს უკავშირდება.
ამიტომ ექიმები პაციენტებს ურჩევენ, რომ ვისაც ეს დაავადება აწუხებს, დროულად მიმართოს სპეციალისტს და გულ-სისხლძარღვთა სისტემის საფუძვლიანი გამოკვლევა ჩაიტაროს.
წყარო: presa.ge
ფსორიაზი და გულ-სისხლძარღვთა სისტემა
⏱️ 1 წთ.
👁️ 2 105
100%