გულის ნევროზი, გულ-სისხლძარღვთა ნევროზი, ანუ კარდიული ტიპის ნეირო-ცირკულარული დისტონია, ზოგადი ხასიათის ნევროზის (ფსიქასთენია, ნევრასთანია, ისტერია) ისეთ შემთხვევას წარმოადგენს, როდესაც მკვეთრად არის გამოხატული ავადმყოფური შეგრძნებები, გულის მხრივ.
დაავადების გამოვლინება ხშირად დაკავშირებულია ფსიქიკურ ტრავმასთან, განცდებთან, ზოგჯერ იმასთან, რომ ადამიანი დაესწრო სხვა ავადმყოფის გულის შეტევას, ან სიკვდილს. მნიშვნელობა აქვს სისტემატურ ფსიქო-ნერვულ გადატვირთვებს, კონფლიქტურ სიტუაციებს სამუშაოსა და ოჯახში, გონებრივ შრომით გადაძაბვას, ღამით მუშაობას, გამოუძინებლობას, სიგარეტის წევას, ლოთობას.
სპორტსმენებს ნევროზი შეიძლება გამოუვლინდეთ ფიზიკური ვარჯიშის თავის დანებების მერე. გულის ნევროზი ყველა ასაკში გვხვდება, მაგრამ განსაკუთრებით ხშირია ახალგაზრდობაში, ცხოვრების ძირითადი პრობლემების გადაწყვეტის პერიოდში. შემდეგ ნევროზი ხშირდება კლიმაქსის ასაკში, როგორც ქალებში, ისე მამაკაცებში.
ნევროზით ავადმყოფს მრავალფეროვანი ჩივილები აქვს: აწუხებს ტკივილი გულის არეში, ძუძუს დვრილის ახლოს, ზოგჯერ ტკივილები გრძელდება საათობით და დღეობით, თავს იჩენს თითქმის ყოველდღე.
დაავადების მიმდინარეობა, როგორც წესი, კეთილთვისებიანია, არ არის სახიფათო სიცოცხლისათვის და არ იძლევა გულ-სისხლძარღვთა სისტემის მძიმე დაზიანებას. დიაგნოზს დასვამს ექიმი გულისა და გულ-მკერდის ღრუს ორგანოების სხვა დაავადებების გამორიცხვის შემდეგ.
მკურნალობის შედეგი ბევრად არის დამოკიდებული იმაზე, თუ როგორ შეიცნო ავადმყოფმა თავისი დაავადების არსი და როგორ დახმარებას უწევს ექიმს მის დაძლევაში. საავადმყოფოში ასეთი ავადმყოფის მოთავსება გამართლებულია მხოლოდ საეჭვო შემთხვევებში, დიაგნოზის დაზუსტების მიზნით.
მკურნალობა უმჯობესია ჩატარდეს კლინიკის პირობებში ისე, რომ ადამიანმა არ შეწყვიტოს თავისი ჩვეული საქმიანობა. უნდა მოწესრიგდეს დღის რეჟიმი. არ შეიძლება უძილობა. ავადმყოფი უნდა დაწვეს დროზე, იძინოს არანაკლებ 8 საათისა და დილას ადრე ადგეს. უნდა შეწყვიტოს სიგარეტის წევა და ლოთობა.
სასრგებლოა ფიზიკური ვარჯიშები, სეირნობა სუფთა ჰაერზე, ცურვა, აქტიური დასვენება, ქალაქგარეთ გასვლით, საკარმიდამო ნაკვეთში მუშაობა, ტურისტული მოგზაურობა, დამაწყნარებლად მოქმედებს ნელთბილი შხაპი, ტანის დაზელვა სველი ტილოთი. წამლები უნდა მიიღოს ექიმის დანიშნულებით.
წყარო: presa.ge
გულის ნევროზი – მიზეზები და მკურნალობა
⏱️ 1 წთ.
👁️ 3 359
100%