ღვიძლი უმნიშვნელოვანესი ორგანოა, რომელიც ორგანიზმში მრავალ ფუნქციას ასრულებს. პრაქტიკულად, ყველაფერი მავნე, რაც ორგანიზმში ხვდება, ღვიძლში “იწვის.”
მისი ფუნქციის დარღვევის მიზეზი შეიძლება გახდეს ორგანიზმში გარედან მოხვედრილი, ან ნაწლავში წარმოქმნილი ტოქსინების მოქმედება. ტოქსინია, პირველ რიგში, ალკოჰოლი, ასევე მავნე ნივთიერებები, რომლებსაც ადამიანი ჰაერიდან შეისუნთქავს და სისხლში ხვდება.
ღვიძლის უჯრედების ურთიერთქმედება მიღებულ ნივთიერებებთან და სისხლთან ხდება უჯრედის მემბრანიდან. მისი სიმრთელე უზრუნველყოფს ღვიძლის ნორმალურ მუშაობას. მემბრანა შედგება ფოსფოლიპიდების ორმაგი ფენისა და ცილა-ფერმენტებისგან.
ორგანიზმში მოხვედრილი ტოქსინები შლიან ფოსფოლიპიდურ გარსს, უარყოფითად მოქმედებენ ღვიძლის ფერმენტების მუშაობაზე. აქედან დასკვნა: ორგანიზმს სჭირდება ფოსფოლიპიდები, ღვიძლის დაშლილი მემბრანების აღსადგენად. ღვიძლის ქრონიკული დაავადების მქონე ადამიანებს ექიმები ფოსფოლიპიდების შემცველი პრეპარატების მიღებას ურჩევენ.
ფოსფოლიპიდები ჩვეულებრივ პროდუქტებშიც გვხვდება, ესენია: გამდნარი ქონი, სოია, პარკოსნები. ეს პროდუქტები აუცილებელია ღვიძლის ნორმალური ფუნქციის შესანარჩუნებლად.
წყარო: presa.ge
ღვიძლი – უმნიშვნელოვანესი ორგანო
⏱️ 1 წთ.
👁️ 3 782
100%