ასკილი – ბუნებრივი სამკურნალო საშუალება



მედიცინაში ფართოდ გამოყენებული სამკურნალო მცენარე – ასკილი, ველური ვარდია. მისგან არის გამოყვანილი კულტურული ვარდის ყველა ფორმა.

ასკილის უამრავი ჯიში არსებობს, რომელთაგან ყველა ერთნაირად როდია მდიდარი ვიტამინებით. ამიტომ სამედიცინო გამოყენებისათვის დიდი მნიშვნელობა აქვს დარიჩინის სექციის ასკილს, ხოლო ე.წ. “ძაღლის ასკილის” დამზადება სასურველი არ არის.

ასკილი შემოდგომაზე უნდა შევაგროვოთ. ამ დროს იგი უკვე მუქდება, ე.ი. მწიფეა და ვიტამინების რაოდენობიაც მატულობს. შრობა მზეზე ან ღუმელში 80-90 ცელსიუს გრადუსზე უნდა მოხდეს. უფრო დაბალ ტემპერატურაზე გაჩერება საზიანოა, რადგან შეიძლება ვიტამინები დაიშალოს.

ცუდად გამშრალი ნაყოფი ხელში იჭმუჭნება, ზედმეტად გამშრალი იფშვნება, სათანადოდ გამშრალი კი ადვილად ტყდება. აი, ასეთი ნორმალურად გამშრალი ნაყოფი ცივ და მშრალ ადგილას 2 წელი და მეტიც გაუფუჭებლად ინახება.

ასკილის ნაყოფი 4-5 % ცე ვიტამინს ანუ ასკორბინის მჟავას შეიცავს. ბევრად მეტს, ვიდრე სხვა რომელიმე მცენარე ან ბოსტნეული. ადამიანის ორგანიზმი დღე-ღამეში 50 მგ ასკორბინმჟავას საჭიროებს, რაც შეიძლება 10-15 გრ ასკილის მშრალი ნაყოფით დაკმაყოფილდეს.

ასკილის ნაყოფი დიდი რაოდენობით შეიცავს სხვადასხვა ვიტამინს: P, B1, B2, კაროტინებს, შეიცავს ასევე შაქრებს, ცხიმებს, ორგანულ მჟავებს. ასკალისგან ამზადებენ სიროფებს, ასკორბინის მჟავას, კონცენტრატებს.

ოჯახის პირობებში მისგან შესაძლებელია მომზადდეს ნაყენი. ამისათვის ნაყოფი გავრეცხოთ ცივი წყლით, ჩავყაროთ მომინანქრებულ ჭურჭელში, 200 გრამზე, დავასხათ 1 ლ მდუღარე წყალი და გავაჩეროთ მთელი დღე. ამის შემდეგ გავწუროთ დოლბანდში და დავლიოთ 100-200 მლ დღეში 1-2 – ჯერ.

ამგვარად მომზადებული ნაყენი 2 – 3 დღეს ძლებს. თუ გვინდა, უფრო ხანგრძლივად ვიხმაროთ, უნდა შევურიოთ შაქარი


წყარო: presa.ge
































ტექსტის სანახავად გაიარეთ რეგისტრაცია.