ვარჯიში ორსულობისას



ფიზიკური აქტივობა ძალიან მნიშვნელოვანია ადამანის ორგანიზმის ჯანსაღი ფუნქციონირებისთვის. ზოგიერთი ფიქრობს, რომ ორსულობისას ფიზიკური აქტივობა მავნებელია, რაც არასწორია. ორსულობისას მეტად მნიშვნელოვანია სწორი ფიზიკური აქტივობა, რადგან ვარჯიში გეხმარებათ:

ფიზიკური ფორმის და წონის შენარჩუნებაში და ორსულობისას ნორმალური მატებაში;
ორსულს, მშობიარეს და შემდგომში დედას დიდი ფიზიკური რესურსი სჭირდება და მზაობა, ვარჯიში ამაში ეხმარება;
ვარჯიში მატებს ძალას, გამძლეობას;
ფიზიკური ქმედება გიუმჯობესებთ განწყობას;

ასე რომ, ვარჯიში ორსულობისას ძალიან სასარგებლოა, მაგრამ გარკვეული სიფრთხილესაც მოითხოვს, რადგან არასწორი ვარჯიშით შესაძლოა საფრხე შევუქმნათ ან ზიანი მივაყენოთ როგორც ნაყოფს ისე საკუთარ ჯანმრთელობასაც. ამიტომაც, უნდა შევასრულოთ ისეთი ვარჯიშები, რომელთა შესრულების ნებასაც ექიმი მოგვცემს. ამასთან:

მაქსიმალური დაკვირვებით უნდა შევასრულოთ ყოველი ვარჯიში, ყოველ ჯერზე და ვნახოთ როგორ რეაგირებს მასზე ჩვენი ორგანიზმი.
თუ რაიმე დისკომფორტს გრძნობთ, მყისვე შეწყვიტეთ ვარჯიში და წამოწექით;
ის ფიზიკური აქტივობა, რასაც შეასრულებთ მხოლოდ იქამდე აკეთეთ სანამ ეს სიამოვნებას გგვრით და არ გტვირთავთ;
ორსულობა რეკორდების მოხსნის დრო არ არის, ამიტომ განაგრძეთ ვარჯიში არაუმეტეს იმ დატვირტვისა რასაც ორსულობამდე იყავით მიჩვეული;

არსებობს რამოდენიმე სახის ფიზიკური დატვირთვა, რომელსაც უკუჩვენება ორსულობისას თითქმის არ გააჩნია. ესენია:

სიარული

თუ თქვენი ორსულობა ჯანსაღად და გართულებების გარეშე მიმდინარეობს, მაშინ ყოველგვარი უკუჩვენების გარეშე შეგიძლიათ დაკავდეთ ფეხით სიარულით, ეს ყველაზე სასარგებლო და უვნებელი ფიზიკური აქტივობაა ორსულებისთვის. სასიარულოდ აარჩიეთ ისეთი ადგილები სადაც სუფთა ჰაერია და ნაკლები გამონაბოლქვი. იარეთ მონაცვლეობით ჩქარი და ნელი ნაბიჯების ვარიაციით, არ გადაიღალოთ და საჭიროებისამებრ შეისვენეთ. თან იქონიეთ წყალი. თანდათანობით გაზარდეთ თქვენი სასიარულო მანძილი. ორსულობის ასაკის მატებასთან ერთად კი ასევე თანდათან შეამცირეთ, რადგან დიდი ზომის მუცლის ტარება მძიმე ტვირთია თქვენი ხერხემლისთვის.

ცურვა

მეორე მეტად სასარგებლო ფიზიკური აქტივობა ცურვაა. განსაკუთრებით ბოლო ტრიმესტრში, როდესაც სხვა ფიზიკური აქტივობა მუცლის ზომებიდან გამომდინარე შესაძლოა თქვენთვის უხერხული იყოს. წყალი კი გეხმარებათ მსუბუქად მოძრაობაში და მუცლის დაჭერაში.

რისკები: თქვენი და ნაყოფის უსაფრთხოებისთვსი მნიშვნელოვანია, რომ წყალი იყოს სუფთა და თქვენ დაცული იყოს სხვადასხვა დაავადებებისგან. საცურაო აუზზე სიარული გაციების რისკის გამო სახიფათოა ზამთარში და ცივ ამინდში.

იოგა

იოგა აღმოსავლური ტრადიციაა, სულიერი და ფიზიკური პრაქტიკა, რომელიც დასავლეთმა უფრო სპორტის სახეობად აითვისა. ის ორსულებისთვის მეტად სასარგებლოა. იოგა ავითარებს სხეულის სასურველ მოქნილობას, აძლევს მას ძალას და ენერგიას ზედმეტი დატვირთვის გარეშე. მედიტაცია და სუნთქვის სპეციალური ტექნიკები კი გვეხმარება კონცენტრაციაში, მობილიზებაში და საკუთარი სხეულის უკეთ გაგებასა და მართვაში.

რისკები: საქართველოში ძნელია ისეთი ინსტრუქტორის პოვნა, რომელსაც ორსულებთან მუშაობის გამოცდილება აქვს; სიფრთხილის გამოჩენაა საჭირო ზოგიერთი ასანის (პოზის), სუნთქვის ტექნიკის შესრულებისას, ზოგიერთი კი საერთოდ არ არის რეკომენდირებული.


წყარო:
































ტექსტის სანახავად გაიარეთ რეგისტრაცია.