ჰორმონებზე გავლენას უამრავი მნიშვნელოვანი დეტალი ახდენს- კვება, წონა, ციკლი, ჯანმრთელობასთან დაკავშირებული პრობლემები და ა.შ. თუმცა თუ საკუთარ თავს ჰორმონალური დარღვევის რაიმე ნიშანს ამჩნევთ დაუყოვნებლივ უნდა მიმართოთ ექიმს. ქალებისთვის ეს უმნიშვნელოვანესი საკითხია. დღეს ჩვენ რამდენიმე მარტივ რჩევას გთავაზობთ იმისთვის, რომ ჯანმრთელობა გაიუმჯობესოთ.
1- შაქრის მიღება გადაჭარბებული რაოდენობით - თუ თქვენ დიდი რაოდენობით მიირთმევთ ტკბილეულს ეს აუცილებლად აისახება წონაზე, წონაში მატება კი სხულში ჰორმონალურ ბალანსს შეცვლის. შედეგად მიიღებთ ინსულინის ჰორმონის მუშაობის მკვეთრ ცვლილებას, რამაც შესაძლოა დიაბეტის საფრთხის წინაშე დაგაყენოთ. ამიტომ მოერიდეთ ტკბილეულის მიღებას გადაჭარბებული რაოდენობით, ჩაანაცვლეთ ისინი ჯანსაღი შაქრის შემცველი ხილით.
2- შუაღამის შუქი - სტრესის ჰორმონი კორტიზოლი ღამის საათებში აქტიურდება, მის დასათრგუნად ძილია აუცილებელი. თუ ისეთი გრაფიკი გაქვთ, რომ მუშაობა ღამის საათებშიც გიწევთ, თან ჩართულ კომპიუტერთან ან განათებულ ოთახში გახსოვდეთ, რომ თქვენი სტრესის ჰორმონი ხასიათის გაფუჭებაზე ”ზრუნავს”. ასე რომ, ეცადეთ ღამის საათებში თავი მშვიდ, მინიმუმ 8 საათიან ძილს მიანდოთ.
3- რეგულარული უძილობა - ინსომნიას შეუძლია გამანადგურებელი გავლენა მოახდინოს თქვენს ჰორმონებზე. აქ კორტიზოლის ჰორმონთან ერთად ორგანიზმში შაქრის ოდენობაც ირღვევა, რის შედეგადაც ვითარდება არანორმალური მოთხოვნილება ტკბილეულსა და უსარგებლო საკვებზე. ეცადეთ ძილის რეჟიმი მოიწესრიგოთ, თუ ამას საკუთარი ძალებით ვერ ახერხებთ,ექიმს მიმართეთ.
4- კოფეინი - ეს ნივთიერება უდიდეს დამოკიდებულასა და მოთხოვნილებას იწვევს. კოფეინის შემცველი პროდუქტების მიღების შემდეგ ორგანიზმი გამოყოფს კორტიზოლის ჰორმონს, რომელიც მუდმივ შფოთვას და გაღიზიანებას იწვევს. ეცადეთ დღის განმავლობაში 2 ჭიქა ყავაზე მეტი არ მიიღოთ.
5- ვარჯიში - ფიზიკური ინტენსივობის დროს ორგანიზმი გამოყოფს კმაყოფილების ჰორმონს- ენდორფინს. მას ასევე შეუძლია გააუმჯობესოს იმუნური სისტემა , დადებითად მოქმედებს სექსის ჰორმონზეც, ამიტომ მაქსიმალურად უნდა ეცადოთ დღის განმავლობაში რამდენიმე წუთით მაინც დაკავდეთ ვარჯიშით.
6- მკაცრი დიეტები - კალორიების არასაკმარისი რაოდენობით მიღებამ შესაძლოა ორგანიზმზე ძალიან ცუდი გავლენა მოახდინოს. როდესაც სხეული ცხიმს ჭარბი რაოდენობით კარგავს, ეცემა ესტროგენის დონე, რაც იწვევს ციკლის არევას. ამიტომ იკვებეთ ჯანსაღად და თავს მკაცრი დიეტებით ნუ დაიტანჯავთ. კლების ნელი პროცესი ყველაზე ეფექტური და შედეგიანია.
7- პრემენსტრუალური სინდრომი - ციკლის წინა დღეებში ცუდ ხასიათზე ყოფნა ბუნებრივი მოვლენაა. ამ დროს საჭიროა მიიღოთ ტკბილეული, მაგრამ დაბალანსებული რაოდენობით. შაქარი თქვენს კარგ განწყობას განაპირობებს.
წყარო: lollipop.ge
ჰორმონალური ცვლილებების მიზეზი
⏱️ 1 წთ.
👁️ 3 873
100%