დიეტის დროს დაშვებული ხშირი შეცდომები



როცა თქვენ დიეტაზე ხართ საკმაოდ ბევრი და მკაცრი წესის დაცვა გიწევთ. ამასაც ისიც ემატება, რომ ეს წესი იმდენად ბევრია, არც იცით რომელს გაჰყვეთ. ყველაფერს აკეთებთ იმისთვის, რომ საუკეთესო შედეგი გქონდეთ. ამიტომ აუცილებლად გაითვალისწინეთ ჩვენი რჩევები იმისთვის, რომ შეცდომები თავიდან მაქსიმალურად აირიდოთ.

1- საყვარელი პროდუქტების აკრძალვა. ძალიან ძნელია ისეტი დიეტის დაცვა, როდესაც არასდროს მოგეცემა შესაძლებლობა საყვარელი კერძი ან პროდუქტი მიირთვა. მათი არსებობა ძალიან დიდი საცდურია, ალბათ ხშირად წაგცდენიათ კიდეც ხელი, შემდეგ კი თავს ისე გრძნობთ, რომ ყველაფერი ჩაგიფლავდათ. მაგრამ ეს ასე არ არის. ეცადეთ გარკვეულ პერიოდში (ერთ კვირაში) ერთხელ მიირთვათ თქვენთვის საყვარელი პროდუქტები. ასე თქვენ ფსიქოლოგიურადაც მეტ სტაბილურობას შეძლებთ და ორგანიზმიც უფრო დაიცავს ბალანსს.

დიეტის დროს დაშვებული ხშირი შეცდომები


2- ორგანიზმს ნორმალური ფუნქციონირებისათვის აუცილებლად სჭირდება ცილები, ცხიმები და ნახშირწყლები. დიეტა კი ყოველთვის მოგიწოდებთ შეამციროთ მათი რაოდენობა, რამაც შესაძლოა ჯანმრთელობასთან დაკავშირებული მნიშვნელოვანი პრობლემები გამოიწვიოს. ეცადეთ ასეთი მკაცრი ცვლილება ორგანიზმზე დიდხანს არ განახორციელოთ.

3- მოლოდინი წონის დაკარგვასთან დაკავშირებით. ყველა ექსპერტი და დიეტოლოგია თანხმდება, რომ წონაში კლება უნდა იყოს ნელი და ჯანსაღი პროცესი. მაგალითად კვირაში საშუალოს 1-2 კილოგრამი. ასე თქვენ უფრო მეტად შეძლებთ შედეგის შენარჩუნებას. თავი შეიკავეთ მოლოდინებისგან, ეს თქვენს სტიმულს საფრთხეს შეუქმნის, ნუ აიწონებით ყოველ დღე და ნახავთ თუ როგორ შეინარჩუნებთ დაკარგულ კილოგრამებს.

დიეტის დროს დაშვებული ხშირი შეცდომები


4- კვების ჩაგდება. თქვენ შეიძლება ჩათვალოთ, რომ ნაკლებმა ჭამამ წონაში უფრო დაგაკლებინოთ, მაგრამ შიმშლობა არ არის გამოსავალი. აუცილებელია იკვებოთ ხშირად და მცირე ულუფებით. დილისა და შუადღის კვების ჩაგდებამ შესაძლოა გამოიწვიოს კვების სურვილის გააქტიურება ღამის საათებში. ჭამეთ მაშინ, როცა მოგშივდებათ და იმ რაოდენობით, რომ სიმაძღრის შეგრძნება არ დაგიტოვოთ.

5- ძალიან მცირე ულუფები. თუ თქვენ წონის ძალიან სწრაფი კლება გსურთ და ამისათვის უკალორიო საკვებს იღებთ, თან ძალიან ცოტა რაოდენობით დაფიქრდით და ფრთხილად იყავით. თქვენ აუცილებლად გჭირდებათ ყველა მინერალი თუ ვიტამინი, ყოველდღიურად მისაღები კალორიების რაოდენობა 1200 ია, ეს მისი მინიმუმია. ამიტომ, აუცილებლად დააბალანსეთ კვება ისე, რომ მიიღოთ საკმარისი რაოდენობის კალორია და ორგანიზმი არ გამოფიტოთ.

დიეტის დროს დაშვებული ხშირი შეცდომები


6- კვება მხოლოდ იმიტომ, რომ ეს გეგმიურია. თუ თქვენი დიეტა გეუბნებათ, რომ ჭამოთ ყოველ 2- 3 საათში და არ გშიათ, ამ დროს ჭამა არ არის აუცილებელი. დიეტის მთავარი ფუნქცია ის არის, რომ განსაზღვროთ თქვენი კვების შუალედები და ორგანიზმი შეაჩვიოთ დროის ერთსა და იმავე მონაკვეთში ჭამას. ასე რომ, თუ გშიათ ჭამეთ თუ არა-არა.

დიეტის დროს დაშვებული ხშირი შეცდომები


7- დიეტა და ვარჯიში ერთად საუკეთესო საშუალებაა წონაში დასაკლებად. კარგია, როცა იცით რამდენ კალორიას წვავთ ვარჯიშის განმავლობაში და რამდენს იღებთ კვების შედეგად, ასე მარტივად შეძლებთ დააბალანსოთ მდგომარეობა. აუცილებლად დაწვით უფრო მეტი კალორია, ვიდრე იღებთ და არავითარ შემთხვევაში არ მოახდინოთ ვარჯიშის შემდეგ მათი კომპენსირება საკვების მეშვეობით. ერთადერთი, რისი გამოყენებაც ვარჯიშის შემდეგ შეგიძლიათ ეს წყალია და ისიც მაშინ, როცა უკვე კარგად დასვენებული ხართ.

წყარო: lollipop.ge
































ტექსტის სანახავად გაიარეთ რეგისტრაცია.