სექსუალური უპირატესობები და მამაკაცის ინტიმური ქცევები შესაძლებელია ამოვიკითხოთ მის სახესა და მიმიკაზე! ხანდახან ყველაზე დახვეწილი და კლასიკური გარეგნობის მიღმა არაორდინარული პიროვნება იმალება, თანაც ნამდვილი მამაკაცური ქარიზმით.
როგორ გავარკვიოთ, რა ადამიანია თქვენს წინაშე? ღირს თუ არა მასთან ურთიერთობის გაგრძელება და ინტიმურ ეტაპზე ამის გადაყვანა? როგორი იქნება თქვენი პარტნიორი საწოლში? შეეცადეთ, მოუსმინოთ ფიზიოგნომისტების რჩევებს.
რა არის ფიზიოგნომიკა?
ფიზიოგნომიკა - ადამიანის სახის ნაკვთების მიხედვით მისი ხასიათის შეცნობის მეცნიერებაა. ის უძველესი დროიდან არის ცნობილი. სიტყვა ფიზიოგნომიკა ბერძნულიდან მოდის და ორი სიტყვისგან: "ბუნებისა"და "მცოდნეებისგან" შედგება. ამგვარად, ფიზიოგნომისტი - "ადამიანის ბუნების მცოდნეა". ამ დარგში გამოცდილი სპეციალისტების რჩევებს ჯერ კიდევ ეგვიპტელი ფარაონები ითვალისწინებდნენ. პირველყოფილი ქალებიც კი ცდილობდნენ წაეკითხათ სახის ნაკვთებზე: რა ელოდათ, თუკი სწორედ ამ პარტნიორს აირჩევდნენ ალფა-ხვადის როლში.
ვამოწმებთ ცხვირს
არსებობს მოსაზრება, რომ მამაკაცის "ღირსება" მისი ცხვირის სიგრძეს უტოლდება. სავსებით შესაძლებელია! მაგრამ, ამ დახასიათების გარდა, ფიზიოგნომიკა გირჩევთ, ყურადღება მიაქციოთ ობიექტის ცხვირის ფორმას და არა მხოლოდ სიგრძეს. გრძელი და სწორი ცხვირი ვნებიანი სიამოვნების წყურვილზე მიუთითებს. მისი პატრონი ეგოისტია საწოლში, მაგრამ მისი მუდმივი მზადყოფნა სექსისთვის გაანეიტრალებს ამ თვისებას.
განიერი და სწორი ცხვირი მამაკაცში კეთილგონიერებასა და გემოვნების უცნაურობაზე მეტყველებს. თუ თქვენ დახვეწილი შავგვრემანი ქალბატონი ხართ, თხელი აღნაგობით, იცოდეთ, რომ მას უცებ მობეზრდებით და მალევე გაგცვლით უბრალო, პუტკუნა, მხიარულ ქალში.
კეხიანი ცხვირი არამყარ ხასიათზე მიუთითებს. საწოლში ასეთი ცხვირის პატრონი რამდენიმეჯერ გაგაოცებთ, მაგრამ ამის მერე ისე დაიკარგება, მის კვალსაც ვეღარსად მიაგნებთ.
ოდნავ მოგრეხილი ცხვირი იმის ნიშანია, რომ საწოლში თქვენზე იმეფებენ. თუ თქვენ არ მოგწონთ ძალაუფლება საწოლში, უკეთესია, არ გააღრმავოთ ასეთი ცხვირის მფლობელთან ურთიერთობა.
ვერ ამოიცანით ამ ტიპის "ცხვირებში"ვერავინ? გული ნუ დაგწყდებათ, მოდი, ახლა ტუჩები განვიხილოთ.
განვიხილავთ მამაკაცის პირს!
მამაკაცის პირი, ეროტიკული თვალსაზრისით, სხეულის ძალიან მომხიბვლელი ნაწილია. ის ემსახურება ვნებასა და ექსტაზს, მსუბუქ, ოდნავ დასაჭერ ალერსსა და მძაფრ, თითქმის ტკივილამდე მისულ სექსუალურ სიამოვნებას.
თუ მამაკაცის ზედა ტუჩი წინ წამოწეულია, ესე იგი, მას ჯანმრთელი სექსუალური მიდრეკილებები აქვს და ქალისა და მამაკაცის სქესობრივ ურთიერთობაზე სავსებით ტრადიციული შეხედულება. ეს იმას ნიშნავს, რომ თქვენ გელით დროში ნაცადი კლასიკა... ასე რომ, მოდუნდით და მიიღეთ მაქსიმალური სიამოვნება.
თუ თქვენი მაჩოს ტუჩის კუთხეები მაღლაა აწეული, მზად იყავით იმისათვის, რომ ყველაზე შეუფერებელ დროს თქვენი მამაკაცის პირი სიცილით გაიხევა, რაც თქვენს ურთიერთობაში უკმაყოფილებას შემოიტანს. თუ თქვენ ფიქრობთ, რომ სიცილი და სექსი ერთმანეთს არ უხდება, ასეთ პარტნიორს უბრალოდ, გვერდი აუარეთ.
ოდნავ გახსნილი და პატარა პირი გულისხმიერებისა და სითბოს ნიშანია. ასეთი მამაკაცი თქვენს მიმართ ძალიან ყურადღებიანი იქნება და ყველა თქვენს სურვილსა და ახირებასაც კი გაითვალისწინებს. ერთია ცუდი - მას თავდავიწყებით უყვარდება. ასე რომ, თუ თქვენს გეგმებში არ შედის ოჯახის შექმნა და ღრმა ურთიერთობები, სასწრაფოდ შეწყვიტეთ მასთან კავშირი.
სულის სარკე
კიდევ რა იზიდავს ქალს? რა თქმა უნდა, თვალები! მამაკაცის თვალები - ეს უფსკრულია, რომელშიც ქალი შესაძლოა, მთელი ცხოვრება იძირებოდეს. ნუ შეეცდებით, რომ "ჩავარდნა" ძალიან ხანმოკლე არ აღმოჩნდეს, ხოლო "დაცემა" - ძალიან მტკივნეული.
დააკვირდით: თუ თვალები თქვენს მამაკაცს დაშორებული აქვს, ეს მისი ხასიათის სიცივეზე მიუთითებს. მას შეუძლია საერთოდ არ შემოგხედოთ ზედ მთელი იმ ხნის განმავლობაში, რაც მასთან ერთად საწოლში იქნებით. ის თავისი სამყაროთი ცხოვრობს. დააკვირდით მის აღნაგობას: თუ თქვენი პარტნიორი მაღალია და ოდნავ მოხრილი, ესე იგი, მას სურს თავი დაიცვას გარესამყაროსგან. ასე რომ, თუ თქვენ სიყვარული გწყურიათ და რასაც ჰქვია, მთელი ცხოვრება მის თვალებში ცქერა გინდათ, ეს ვარიანტი არ გამოგადგებათ.
ფართოდ გახელილი თვალები სიცოცხლის წყურვილსა და ახალ-ახალი თავგადასავლებისკენ მისწრაფებას აღნიშნავს. ასეთი თვალების მფლობელთან არ მოიწყენთ. ის სულ ახალ-ახალ პოზიციებს მოიფიქრებს და ისე მოგეფერებათ, როგორც არავინ არასდროს... გვერწმუნეთ, ბევრი დაგრჩებათ გასახსენებლად!
ახლო-ახლო მდებარე თვალების მფლობელი წვრილმანებზე ამახვილებს ყურადღებას. მას შეიძლება უმნიშვნელო წვრილმანი მოეწონოს თქვენში - მაგალითად, საყურე ან თქვენი ფეხსაცმლის ქუსლის ფორმა. ასეთი მამაკაცის ყურადღების მიპყრობა მარტივია, მაგრამ რთულია, მას გაუგოთ საწოლში.
ნებისმიერ შემთხვევაში, არ იდარდოთ. ირგვლივ ბევრი მამაკაცია მშვენიერი და ძალიან საინტერესო გამომეტყველებით. განავითარეთ თქვენში უნარი, შეიცნოთ მათი გამომსახველობა, დააგროვეთ გამოცდილება და თქვენ აუცილებლად გაგიმართლებთ პარტნიორის არჩევისას.
მამაკაცის "ღირსება" და მისი ცხვირის სიგრძე
⏱️ 1 წთ.
👁️ 8 354
100%