ჩვენს დროში განქორწინება იშვიათი მოვლენა აღარ არის. შესაბამისად, მომრავლდნენ მარტოხელა დედებიც. მაგრამ ცხოვრება გრძელდება და ქმარს გაშორებული ქალის ცხოვრებაში ჩნდება ადამიანი, რომელთან ერთადაც ის ახალ ოჯახს ქმნის. ასე რომ, აღარც მამინაცვლის არსებობაა ოჯახში დღეს იშვიათობა.
ბავშვის აღზრდა, განსაკუთრებით მაშინ, როცა ის შენი ღვიძლი შვილი არ არის – რთული ამოცანაა. ბევრი მამაკაცი, რომელიც გერს ზრდის, უშვებს შეცდომას, რითაც საყვარელი ქალის შვილს საკუთარ მტრად აქცევს ხოლმე.
შეცდომები, რომლებსაც მამინაცვლები უშვებენ:
1. ყველაზე გავრცელებული შეცდომა – "მე კარგი მამა ვარ". ხშირად მამინაცვალი ზედმეტად ცდილობს, გახდეს გერისთვის მამა და ხელიდან უშვებს ერთ მნიშვნელოვან მომენტს: კარგი მამა არა მხოლოდ ყველაფრის ნებას აძლევს შვილს, არამედ უკრძალავს კიდეც რაღაცებს და ხანდახან, როცა აუცილებლობა მოითხოვს, დასჯასაც მიმართავს.
2. მამის როლის სწრაფად მორგება. ახალგამომცხვარი მამა ხშირად იქამდე იწყებს ბავშვის აღზრდასა და მის დისციპლინაზე ზრუნვას, ვიდრე გერის ნდობას მოიპოვებს. სწორედ ამას მოაქვს უნდობლობა ბავშვის მხრიდან, რაც საბოლოოდ კედელს აღმართავს მამინაცვალსა და გერს შორის.
3. მამინაცვლების ყველაზე გავრცელებული შეცდომა – ბიოლოგიურ მამასთან შეჯიბრება. ძალიან რთული სიტუაციაა, როცა ბავშვი პარალელურად ურთიერთობს როგორც ბიოლოგიურ მამასთან, ასევე მამინაცვალთან: ამ დროს, პრაქტიკულად, ყველა ბავშვში თავს იჩენს შედარების პრინციპი. ჭკვიანი მამინაცვალი მიხვდება, როდის უნდა გავიდეს ჩრდილში და არ შეუშალოს ბავშვის საკუთარ მამასთან ურთიერთობას ხელი.
4. ბიოლოგიური მამის აუგად მოხსენიება. ეს – ყველაზე ცუდი შეცდომაა, რომელიც შეიძლება, რომ მამინაცვალმა დაუშვას. რაც უნდა ცუდი იყოს, მამა ბავშვისთვის ყოველთვის საუკეთესოა და როცა მამინაცვალი მას ლანძღავს და ბავშვის თვალში საშინელებად გამოჰყავს, ამან შესაძლოა, ბავშვის ფსიქიკას გამოუსწორებელი ტრავმა მიაყენოს.
5. ბავშვის იგნორირება. ხშირად, როცა გერთან ურთიერთობა, დიდი მცდელობის მიუხედავად, არ აეწყობა, მამინაცვალი იწყებს მის იგნორირებას იმ იმედით, რომ ურთიერთობა თავისთავად დალაგდება. ეს დიდი შეცდომაა. მამინაცვლის ასეთი საქციელი ოჯახში მხოლოდ გაღრმავდება და არამც და არამც არ დალაგდება.
6. ბავშვზე პასუხისმგებლობის დედაზე გადაბარება. შეცდომაა, როცა მამინაცვალი არ არის საკუთარ ძალებში დარწმუნებული და ბავშვის აღზრდას მთლიანად დედას მიანდობს, რადგან ვისზეც არის პასუხისმგებლობა - ის ხდება ბავშვისთვის მთავარი. ოჯახში კი მხოლოდ პარტნიორული ურთიერთობები უნდა სუფევდეს და პასუხისმგებლობა თანაბრად უნდა იყოს გადანაწილებული.
7. ბავშვის აღქმა, ისე, თითქოს ის დედის დამატება იყოს. ბავშვი – ეს ინდივიდუალური, ცალკე მდგომი პიროვნებაა და ამის გათვალისწინება აუცილებელია მაშინ, როცა იწყებ სერიოზულ ურთიერთობას ქალთან, რომელსაც ჰყავს შვილი წინა ქორწინებიდან. თუ ამ ინდივიდთან საერთო ენას ვერ გამონახავ, დიდი ალბათობაა, რომ თქვენი ოჯახის სიმყარე მომავალში საფრთხის წინაშე დადგეს. ამიტომაც აუცილებელია საყვარელი ქალის შვილის მიღება და მისი, როგორც ინდივიდუალური პიროვნების აღქმა.
დაიმახსოვრეთ, რაც უნდა რთული იყოს გერთან ურთიერთობის დალაგება, ურთიერთგაგებისკენ მიმართული ყველა ძალა საბოლოოდ შედეგს გამოიღებს და თქვენი ოჯახი იქნება ერთიანი და მყარი
7 შეცდომა, რომელსაც მამინაცვალი უშვებს გერთან ურთიერთობისას
⏱️ 1 წთ.
👁️ 208
100%