როგორც აღმოჩნდა, აქამდე ეტიკეტის ნორმად აღიარებული და დამკვიდრებული ზოგიერთი წესი მცდარი ყოფილა.
მაგალითად, ის, რომ მამაკაცმა ჯერ ქალბატონს უნდა მიაწოდოს პალტო, ხოლო შემდეგ თვითონ უნდა ჩაიცვას ან სტუმრის მიერ მორთმეული ღვინის ბოთლი მაშინვე მაგიდაზე უნდა დადგა, გახსნა და დალიო, თურმე არასწორია. გერმანიაში ეტიკეტის სფეროს მთავარმა სპეციალისტმა ნანდინ მაიდენმა, რომელიც ტოპ-მენეჯერებს, პოლიტიკოსებსა და შოუბიზნესის ვარსკვლავებს ეტიკეტის კურსს უკითხავს, გამოსცა წიგნი ''მცდარი ეტიკეტის ლექსიკონი'', რომლიდანაც რამდენიმე ამონარიდს გაგაცნობთ.
თეატრსა და კინოთეატრში საკუთარ ადგილზე მისასვლელად რიგში აუცილებლად სხვა მაყურებლისკენ სახით რომ უნდა გაიარო, ყველამ კარგად იცის, ისიც ცნობილია, რომ რესტორანში ან სტუმრად წვნიანის პურით ამოშრობა უტაქტობაა. აი, საკითხს, მამაკაცმა ჯერ ქალბატონს რომ უნდა მიაწოდოს პალტო და შემდეგ თვითონ ჩაიცვას, ზემოაღნიშნულ წიგნში რამდენიმე გვერდი ეთმობა.
ალბათ უმრავლესობა იტყვის, რომ დიახ, მამაკაცი სწორედ ასე უნდა მოიქცეს, მაგრამ სინამდვილეში ნამდვილმა ჯენტლმენმა ჯერ თვითონ უნდა ჩაიცვას, ხოლო შემდეგ მიაწოდოს პალტო ქალბატონს. იმავენაირად უნდა მოიქცეს პალტოს ჩამორთმევის დროსაც - ჯერ ქალბატონს უნდა ჩამოართვას პალტო, ხოლო შემდეგ თვითონ უნდა გაიხადოს.
საქმე ის არის, რომ მამაკაცმა პალტოთი შეფუთნული ქალბატონი რესტორნის ან თეატრის გარდერობში არპარ უნდა ალოდინოს.
წყარო: etanews.ge
ვინ უნდა გაიხადოს პირველად - ქალმა თუ მამაკაცმა?..
⏱️ 1 წთ.
👁️ 2 455
100%