რას ნიშნავს ფიგურები, რომელსაც ფურცელზე ხშირად გაუცნობიერებლად ვხატავთ



ცალკეული ფიგურები, რომელსაც ჩვენ გაუცნობიერებლად ვხატავთ, მაგალითად, ტელეფონზე საუბრისას, ან რაიმე ტიპის შეხვედრების დროს, იმაზე მეტს ამბობს ადამიანზე, ვიდრე თვითონ ამ პიროვნებამ შეიძლება იცოდეს საკუთარ თავზე.

ასეთ დროს გონება ქცევაზე კონტროლს ანელებს და კალმის მართვას ქვეცნობიერი იწყებს, რომელშიც ჩვენი ქცევის რეალური მოტივები იმალება.

და მაინც, რას შეიძლება ნიშნავდეს ასეთი გაუცნობიერებელი ნახატები?

ადამიანები

თუ თქვენ პატარა ადამიანები დახატეთ, ეს იმას ნიშნავს, რომ თავს დაუცველად გრძნობთ, ან გინდათ რაიმე ტიპის ვალდებულებას აარიდოთ თავი. როდესაც თქვენ ხატავთ ადამიანის ფიგურებს ხაზებით და წრეებით, ეს ნიშნავს, რომ თქვენი ემოციური მდგომარეობა არასტაბილურია, გინდათ ჩაიკეტოთ თქვენივე თავში და ახლოსაც აღარ გაიკაროთ არავინ.

პირადი ხელმოწერა

ასეთი ნახატები თვისებრივია ამბიციური და ეგოცენტრული ნატურისთვის. საკუთარი ხელმოწერა, რომელიც მექანიკურად არის გამოყვანილი ფურცელზე საუბრის დროს, ან რაიმე პრობლემის გააზრებისას, იძლევა სიგნალს, რომ თქვენ საკუთარი პიროვნებით მეტისმეტად ხართ შეპყრობილი.

კვადრატები, რომბები და სხვა გეომეტრიული ფიგურები

თქვენ მკვეთრი მიზნები გაქვთ, არასდროს არ მალავთ საკუთარ აზრს, ხართ ჯიუტი და მიზანდასახული, დამაჯერებელი და ფრთხილი. უბრალოდ, შეეცადეთ გაცილებით მარტივად შეხედოთ კონკრეტულ საკითხებს.

რკალები და წრეები

რკალები, რომლებიც ერთმანეთს უკავშირდება, ან ერთმანეთშია ჩახატული, თანამონაწილეობის ან ვინმესთან შეერთების სურვილს გამოხატავენ.

„მარტოსული ვარ, თავს გარესამყაროსგან გარიყულად გვრძნობ“ - აი, ამას ამბობენ ასეთი ნახატები. როდესაც ჩვენ გამოგვყავს წრეები ფურცელზე, გაუცნობიერებლად ვამბობთ, რომ მეგობრული თანაგრძნობა და ყურადღება არ გვყოფნის.

ცხოველები და ფრინველები

თქვენი დღევანდელი ემოცია პირდაპირ იქნება დამოკიდებული იმ ცხოველსა თუ ფრინველზე, რომელიც თქვენს ფურცელზე აისახა. თუ ეს ვეფხვი ან მგელია - თქვენში აგრესია იმალება; თუ მელა - მაშინ ვიღაცის მოტყუება გაქვთ დაგეგმილი, თუ კურდღელი ან ციყვი - თქვენ მზრუნველობა და დაცვა გჭირდებათ, თუ ლომი - გრძნობთ თქვენს უპირატესობას სხვებზე. როდესაც ერთსა და იმავე ცხოველს თუ ფრინველს ხატავთ ხშირად, იქნება ეს ხოჭო თუ ჩიტი, თქვენ გაუცნობიერებლად ადარებთ მას თავს და მის თვისებებს საკუთარ თავს მიაწერთ.

სპირალები, ტალღოვანი ხაზები

სხვების პრობლემები დიდად არ განაღვლებთ, ან საერთოდ არ გაინტერესებთ. შესაძლოა, მსუბუქი ემოციური კრიზისიც გაქვთ - დადიხართ თვენი არაერთმნიშვნელოვანი განცდების გარშემო. ახლა მნიშვნელოვანია, საკუთარ ქცევას მიაქციოთ ყურადღება, რომ გარშემომყოფების გაღიზიანება არ გამოიწვიოთ.

ისრები

ეს არის ვექტორი, თქვენი ცხოვრებისეული ორიენტაცია. თუ ისარი მიმართულია მაღლა - ორიენტაცია გაქვთ სხვა ადამიანებზე, თუ ქვემოთ - საკუთარ თავზე, მარცხნივ - ცხოვრობთ წარსულით, მარჯვნივ - გაქვთ მომავლის იმედი.

ვარსკვლავები

გინდათ აღმოჩნდეთ ყურადღების ცენტრში, თქვენთვის მნიშვნელოვანია, მუდმივად გამჩნევდნენ. თუ თქვენ მიერ დახატულ ვარსკვლავებს ბევრი სხივი აქვს ან თქვენ მათ მისგან განცალკავებით ხატავთ, ეს თქვენს დეპრესიულ განცდებზეც შეიძლება მიუთითებდეს.

ყვავილები, მზე, ღრუბელი

ყვავილები და მზე - ეს ნიშნავს იმას, რომ კმაყოფილი ხართ იმით, თუ როგორ მიმდინარეობს სატელეფონო საუბარი, ან შეხვედრა. სავარაუდოდ, როდესაც ესაუბრებით ვინმეს, პარალელურად ოცნებობთ, ფანტაზიორობთ რამე სასიამოვნოზე. მსგავსი ფოტოები ღრუბლებით თქვენს ოპტიმისტურ განწყობას ამხელს და დადებით სულიერ მდგომარეობაზე მიუთითებს.

ჯვრები

შესაძლოა, თქვენ ახლობელი ადამიანის წინაშე ჩადენილი დანაშაულის გრძნობა, ან რამე პრობლემა გაწუხებთ, რომელზეც გარკვეულ პასუხისმგებლობას გრძნობთ.

სახლები და ყუთები

სიმეტრიული ფორმები წესრიგის სიყვარულზე მიუთითებს . თქვენ გიყვართ ყველაფრის დაგემგვა და გათვლა. აი, რას ეუბნება გარშემომყოფებს ასეთი ნახატი: ჩემი ცდუნება ძალიან ძნელია, ზუსტად ვიცი, რაც მინდა, მკაფიო მიზნები მაქვს და არ ვაპირებ საკუთარი აზრისგან გადახვევას.

ჭადრაკის დაფა

როგორც ჩანს, თქვენ სრულიად უსიამოვნო, ან უკიდურეს შემთხვევაში, რთულ მდგომარეობაში აღმოჩნდით. თუ ასეთ სურათებს ხშირად ხატავთ, ე.ი. დაფარული კომპლექსები გაქვთ, რომელიც დაკავშირებულია მდგომარეობიდან გამოსვლის უუნარობასთან. თქვენ ეჭვი გეპარებათ თქვენი ცხოვრების მართებულობაში და საკუთარი თავის, თქვენი ცხოვრების გზის ძიების პროცესში იმყოფებით.

ფიჭა

თქვენ მიისწრაფვით სიმშვიდისკენ, ჰარმონიისკენ, გინდათ დაალაგოთ თქვენი ცხოვრება და სრულიად შესაძლებელია, რომ ოჯახური ბუდის მოწყობაზეც იფიქროთ.

sazogadoeba.ge

































ტექსტის სანახავად გაიარეთ რეგისტრაცია.