ინდიგოს ბავშვები - Indigos bavshvebi

ინდიგოს ბავშვები — ტერმინი “ინდიგოს ბავშვები” პირველად გამოიყენა ამერიკელმა ფსიქოლოგმა და ექსტრასენსმა ნენსი ენ ტეპმა 1982 წელს, თავის ერთ-ერთ წიგნში (მისი და ასევე სხვა ექსტრასენსების მტკიცებით ამ ბავშვებს ინდიგოსფერი, უფრო, მუქი იისფერი აურა ჰქონდათ და სწორედ აურის ფერის გამო ეწოდათ მათ “ინდიგოს ბავშვები”). თუმცა ამ ტერმინის დამკვიდრება მოხდა1999 წლიდან, მას შემდეგ, რაც გამოიცა ცნობილი ამერიკელი მწერლის ლი კეროლის წიგნი “ინდიგოს ბავშვები”. “ინდიგოს ბავშვებს” უწოდებენ ასევე “ახალი ცნობიერების ადამიანებს”, “იისფერი რასის წარმომადგენლებს”, “ზეციურ მოციქულებს”, `”ათასწლეულის ბავშვებს”, ზოგი მეცნიერი მათ “NEW AGE”-ს (ნიუ ეიჯის), ანუ “ახალ ეპოქის ადამიანებს” უწოდებს.

ინდიგოს ბავშვების დაბადების პერიოდი
კეროლის აზრით, ინდიგოს პირველი თაობის დაბადების პერიოდად 1970-იანი წლები უნდა მივიჩნიოთ – ამ პერიოდიდან იშვიათად, თუმცა უკვე შესამჩნევი გახდა ასეთი ბავშვების დაბადება. XX საუკუნის ბოლოდან კი დაბადებული ბავშვთა დაახლოებით 60-70 პროცენტი ინდიგოს ბავშვად შეიძლება ჩაითვალოს.

ვინ არიან ინდიგოს ბავშვები
ამ კითხვაზე პასუხი არაერთმნიშვნელოვანია. ინდიგოს ბავშვები გამოირჩევიან ზემაღალი ცნობიერებითა და მახვილი ინტუიციით. ზოგიერთი მკვლევარი ინდიგოს ბავშვების დაბადებას უკავშირებს ცნობიერების ახალ სიხშირეზე გადასვლას, რომელიც ახალი, ანუ ინდიგოს თაობის მიერ მთელი რიგი მიდგომების ახლებურად გააზრებასა და პრობლემატური საკითხების გადაჭრას გულისხმობს. ეს ის პრობლემებია, რომლებსაც დღევანდელი კაცობრიობა ვერაფერს უხერხებს. იისფერი ბავშვების დაბადების მრავალი ვერსია არსებობს, მაგრამ ყველაზე გავრცელებულია სამი მათგანი: ინდიგო ბავშვი უცხოპლანეტელთან შერწყმით იბადება, ღვთის საჩუქარია და ადამიანის ბუნებრივი მუტაციაა. ინდიგოს ბავშვები ფლობენ ახალ, უჩვეულო ფსიქოლოგიურ თვისებებსა და ტენდენციებს. ამ ბავშვების აზროვნების პროცესი და საერთოდ ხასიათი არის განსხვავებული და ამავ დროულად საკმაოდ პრინციპულიც. მათ შეუძლიათ სხვისი აზრების კითხვა, შესწევთ უნარი, მიიღონ ინფორმაცია იმ მოვლენების შესახებ, რომლებიც მრავალი ათასი კილომტრის იქით ხდება, იმსჯელონ სამყაროს ბედზე, მოგვითხრონ წარსული ცხოვრების შესახებ. მათ არ სჭირდებათ “ცდისა და შეცდომის” გზის გავლა – ისინი ქვეცნობიერად ირჩევენ სწორ გზას, რომელიც ჩვენ შესაძლოა უცნაურად მოგვეჩვენოს. ისინი უარყოფენ წესებს. ეს ბავშვებისაკმაოდ თვითმყოფადები არიან, აქვთ მბრძანებლური ხასიათი და მკვეთრად გამოხატული ინდივიდუალობა. ვერ იტანენ, როდესაც მათ მბრძანებლობენ და მითითებებს აძლევენ – მითითების მიცემა უნდა მოხდეს დელიკატურად და ტაქტიანად. გამოუვალად ეჩვენებათ ისეთი სიტუაციები, სადაც თავიანთ გავლენებს ვერ იყენებენ. თანატოლებზე ბევრად განვითარებულები არიან, ანუ მათზე, ვინც არ მიეკუთვნება “ინდიგოს ბავშვებს”.

თავს მოუსვენრად გრძნობენ ისეთ გარემოში, სადაც თავიანთ მსგავსებს ვერ პოულობენ. არიან თავმოყვარეები და უდისციპლინოები. აქვთ მკვეთრად განვითარებულიინტუიცია. მეტისმეტად თანაუგრძნობენ გარშემომყოფებს, ან პირიქით – საერთოდ გულგრილნი არიან. ძალიან განვითარებული აქვთ აბსტრაქტული აზროვნება. არიან საკმაოდ ნიჭიერები და არც თუ იშვიათად განსაკუთრებული უნარით დაჯილდოვებულნი. არიან ასევე მეოცნებეები. არც თუ იშვიათად ღრმა და ჭკვიანი თვალები აქვთ.

მკვლევარებს ასევე მიაჩნიათ, რომ ინდიგო ბავშვებს ე. წ. ADHD (ეი-დი-ეიჩ-დი) სინდრომი აქვთ, რაც განვითარებად მოშლილობას გულისხმობს, რომელსაც ახასიათებს უყურადღებობა, ანუ ყურადღების გაფანტვა, ჰიპერაქტიურობა, იმპულსური ქცევა, სხვადასხვა დავალებასა თუ მოქმედებაზე ყურადღების შეჩერების უუნარობა. ეს ერთი შეხედვით, თითქოს ძალიან ნეგატიურია, მაგრამ მეცნიერთა გარკვეული ჯგუფის მტკიცებით, ეს ყოველივე ზოგადად, გენიოსების უმეტესობას ახასიათებს.

გარდა ამისა, “ინდიგო ბავშვები” ითხოვენ ბევრ ყურადღებას და ითავისებენ, რომ სიცოცხლე ძალიან ძვირფასია იმისათვის, რომ იგი ტყუილად გაფლანგო. მათ სურთ, რომ ცხოვრება დატვირთული იყოს მოვლენებით და ხშირად მოვლენებს აჩქარებენ, რათა საკუთარი შედეგები დაინახონ. ასეთი ბავშვები შესაძლოა, ემოციურად ცოტა გაუწონასწორებულები იყვნენ და ამასთან მათ ვერ წარმოუდგენიათ რაიმე ქმედება, რომელიც სიყვარულზე არ არის დაფუძნებული. აქ ჩვენ მივედით “ინდიგო ბავშვების” კიდევ ერთ შტრიხზე – ეს არის გულისხმიერება და სიყვარულის გამოვლენის დიდი უნარი. მათი პრინციპულობისა და ზოგჯერ მოჩვენებითი უხეშობის მიღმა საოცრად გულისხმიერი და მოსიყვარულე ადამიანი დგას.

ინდიგოს ბავშვები და კომპიუტერი
უკვე ბევრ ქვეყანაში და მათ შორის საქართველოშიც ტელევიზიით, უკვე რამოდენიმეჯერ გადაიცა სიუჟეტი, სადაც პატარა ბავშვებს, რომლებმაც ხშირად გამართულად სიარული და საუბარიც კი არ შეუძლიათ, უპრობლემოდ ძალუძთ კომპიუტერის ჩართვა, საჭირო პროგრამის გამოძახება და მისი მართვა. ეს ყველაფერი დამახასიათებელია სწორედ “ინდიგოს ბავშვებისთვის”.

კომპიუტერული თამაშებისადმი უზომო მიდრეკილება სხვათა შორის ერთ-ერთი შტრიხია, რომელიც ახასიათებთ “ინდიგოს ბავშვებს”. ქვემოთაც ვისაუბრებ მეცნიერების მიერ მიღებულ პრაქტიკულ რჩევებზე, რომლებიც ეხება “ინდიგოს ბავშვებთან” ურთიერთობაში მყოფ მშობლებსა და პედაგოგებს, თუმცა ერთ რამ აუცილებლად უნდა აღინიშნოს. იქიდან გამომდინარე, რომ ასეთი ბავშვები ვერ იტანენ სიცარიელეს და ასე ვთქვათ, უძრაობას. ისინი ცდილობენ ვირტუალურ სამყაროში მოძებნონ დინამიკა, მოვლენების სწრაფი ცვალებადობა და რაც მთავარია ჰქონდეთ ტექნიკასთან ურთიერთობება, რაც ასე მნიშვნელოვანია “ინდიგოს ბავშვებისთვის”.

მშობლებმა მოზარდს კი არ უნდა აუკრძალონ კომპიუტერთან სიახლოვე, არამედ ამას პრაქტიკული ფორმები უნდა მისცენ. ამ დროს ბავშვს უნდა ჰქონდეს ნაკლები თავისუფალი დრო, უნდა მოიძებნოს მისი ინტერესების სფერო, დავუშვათ ეს უცხო ენის სწავლა იყოს – რეკომენდებულია მან უცხო ენა შეისწავლოს კომპიუტერის დახმარებით, ან კომპიუტერი დამხმარე საშუალება გახდეს მის საქმიანობაში. თუნდაც, ისწავლოს რთული კომპიუტერული პროგრამები და ა. შ.

ინდიგოს ბავშვების აღზრდა და პედაგოგიური მიდგომა
მეცნიერი რობერტ ო’კერი ვისკონსინის უნივერსიტეტიდან თავის შრომებში, რომლებიც სწორედ “ინდიგოს ბავშვებს” ეხება, აღნიშნავს, რომ აღმზრდელები (მშობლები, პედაგოგები) უნდა გახდნენ ნოვატორები აღმზრდელობითი მეთოდების განვითარებაში და მათი მიდგომები ასეთ ბავშვებთან უნდა გახდეს უფრო მოქნილი. ურთიერთობებში წარმატების მისაღწევად უნდა შეცვალონ მიდგომა მათ მიმართ – ეს განსაკუთრებით ახსნისა და ინფორმაციის გადაცემის მეთოდებს ეხება სხვათა შორის, ინდიგოს ბავშვების კვლევის შესახებ არც თუ იშვიათად ტარდება კონფერენციები, მაგალითად 2000 წელს გამართულ საერთაშორისო კონფერენციაზე, რომელსაც ასე ეწოდებოდა “ახალი ეპოქა – ახალი ადამიანი” საკმაოდ ბევრმა ქვეყანამ მიიღო მონაწილეობა, მათ შორის დიდმა ბრიტანეთმა, ამერიკის შეერთებულმა შტატებმა, გერმანიამ, იტალიამ, ესპანეთმა, ბალტიისპირეთისა და სკანდინავიის ქვეყნებმა და ბევრმა სხვა ქვეყანამ, ანუ მსოფლიოში აქტიურად მიდის მეცნიერული მუშაობა ამ საკითხის შესწავლისა და განვითარებისთვის. იგივე ამერიკის შეერთებული შტატების საბავშვო ბაღებში, კოლეჯებში, საშუალო სკოლებში უდიდესი ყურადღება ექცევა ასეთ ბავშვებთან ურთიერთობებს. მსგავს თემებზე ძალიან ხშირად ეწყობა ტრენინგები, სადაც მონაწილეობას იღებენ პედაგოგები, ფსიქოლოგები, ექიმები. გარდა ამისა, ამერიკაში შემუშავებულია სამედიცინო პროგრამა, რომლის მიხედვით მიდის აქტიური მუშაობა ბავშვებში ზემოთ ნახსენები სინდრომის აღმოსაფხვრელად. სინდრომი (ეი-დი-ეიჩ-დი) როგორც ზემოთ ავღნიშნეთ, კავშირშია უპირველესად უყურადღებობასთან, ყურადღების დეფიციტთან. მაგალითად, 1996 წელს, ამერიკაში, ჯონ ჰოპკინსის სამედიცინო ინსტიტუტში მიღებული დასკვნით 1990-95 წლებში დაფიქსირდა ამ სინდრომის ორჯერ ზრდა, რამაც აიძულა ამერიკელი მეცნიერები სასწრაფოდ შეემუშავებინათ ახალი სამედიცინო პროგრამა, რომლის მიხედვით ამ სინდრომის აღმოფხვრა სხვა მეთოდებთან ერთად ფსიქოტროპული საშუალებებითაც ხდება. თუმცა ყველაფერი ასე იოლად არ არის – მეცნიერთა ჯგუფი იელის ინსტიტუტიდან ამტკიცებს, რომ ამ ბავშვებში ფსიქოტროპული მედიკამენტების გამოყენებას აზრი არა აქვს და ეს სასურველ ეფექტს ვერ იძლევა. მათი აზრით, ფსიქოტროპული მედიკამენტების გამოყენებით, შესაძლოა, ბავშვები გახდნენ შედარებით დამჯერები და დამყოლები, მაგრამ ზემოთ ნახსენები სინდრომი არ იკურნება. ამასთან ეს სინდრომი და საერთოდ ამ ბავშვების ქცევა არის არა ნორმიდან გადახრა, არამედ ეს არის მათი სიტყვებით, “ახალი ადამიანის ტიპის დაბადების ნიშანი”. ფსიქოტროპული მედიკამენტების გამოყენება დაამუხრუჭებს ამ ბავშვების და აქედან გამომდინარე კაცობრიობის განვითარებას. აი, ამას ამტკიცებენ ამერიკელი მეცნიერების ნაწილი. სხვათა შორის, მეცნიერები ამტკიცებენ, რომ “ინდიგოს ბავშვების” დნმ შეცვლილია და ორგანიზმის ტალღოვანი გამოსხივება ამ ბავშვებში ნორმას ზოგჯერ 10-ჯერ აღემატება, ანუ “ინდიგოს ბავშვების” განსხვავებულობა ფიზიკურ დონეზე იგრძნობა. ასევე მნიშვნელოვანია, რომ მშობლები და პედაგოგები მზად აღმოჩნდნენ ამ ბავშვებთან ურთიერთობებისთვის. სწორად შეაფასონ მათი ნიჭიერება და მათი პრინციპულობა თუ სიჯიუტე. ამ ბავშვებთან ურთიერთობებისას შეცდომები მინიმუმამდე უნდა იქნას დაყვანილი, რადგან “ინდიგოს ბავშვები” თანატოლებისგან განსხვავებით რამდენადაც ადვილად უმკლავდებიან მათ გარშემო არსებულ პრობლემებს, იმდენად ცდილობენ მათ გარშემო არსებული სამყარო საკუთარი სურვილის მიხედვით გარდაქმნან, ანუ იბადება კონფლიქტი მშობლებს (ასევე პედაგოგებსა) და ინდიგო ბავშვებს შორის. მშობლებმა ეს ყველაფერი უნდა გააცნობიერონ და არ არის არგუმენტი მშობლის მიერ მაგალითად საკუთარი ბავშვობის მოყვანა: “მე ბავშვობაში ასეთი არ ვყოფილვარ”, “მე ბავშვობაში ასე არ ვიქცეოდი” და ა. შ.

მას მოეპყარით პატივისცემით, თუმცა ეს არ უნდა იყოს გათამამების მომენტი.
დაეხმარეთ მას, რომ გადაწყვეტილებები დამოუკიდებლად მიიღოს.
არჩევანის გაკეთებისას არ იგრძნოს თავის შეზღუდულად.
ყოველთვის დაუტოვეთ არჩევნის თავისუფლება, რასაც არ უნდა ეხებოდეს ეს.
არასდროს არ დაამციროთ.
ყოველთვის აუხსენით, თუ რატომ უნდა გააკეთოს ეს და არა ის, ანუ ნუ მოითხოვთ მისგან ბრმა მორჩილებას.
ნუ იქნებით მასთან დიქტატორი, შესაძლოა, პირველად სასურველი შედეგი მიიღოთ, თუმცა მომავალში ეს გაორმაგებულ პრობლემებს მოგიტანთ.
ნუ აგაღელვებთ მისი უყურადღებობა, ეს “ინდიგოს ბავშვისთვის” ჩვეულებრივი რამ არის.
თუ გსურთ რაიმე გააკეთებინოთ, დაანახეთ ამ საქმის შემეცნებითი მხარე, ნუ დააინტერესეთ ამით ამ საქმით.
გაითვალისწინეთ, რომ ეს ბავშვი არა მხოლოდ თქვენი შვილია, არამედ თქვენი პარტნიორიც, მეგობარიც – მასში ბავშვთან ერთად, ასე ვთქვათ, დიდი ადამიანიც “ზის”.
ნუ დატოვებთ მის შეკითხვებს პასუხის გარეშე და მის ინტერესს იგნონირება არ გაუკეთოთ.
თუ ბავშვი აღგზნებულია და მისთვის ფსიქოტროპული მედიკამენტების მიცემას გადაწყვეტთ, ჯერ გარკვეული ტესტირება ჩაუტარეთ და შეეცადეთ, მასთან ურთიერთობაში ფონს მედიკამენტების გარეშე გახვიდეთ.
შეეცადეთ, ის დაკავებული იყოს და რაც შეიძლება ნაკლები თავისუფალი დრო ჰქონდეს.
შეეცადეთ, მისმა ურთიერთობამ კომპიუტერთან პრაქტიკული ფორმები მიიღოს.
და ბოლოს, ნუ აღნიშნავთ, რომ ის განსხვავებულია და განსხვავებულად ამიტომ, ექცევით. არ არის საჭირო, ამისთვის ხაზის გასმა.

ინდიგოს ბავშვების გარკვეული თავისებურებანი

ისინი ამ სამყაროში მოდიან ასე ვთქვათ, ჩამოყალიბებული შეგრძნებებით (და ხშირად თავს ასევე ავლენენ), ანუ მათ კარგად იციან, რა უნდათ.
კარგად აცნობიერებენ საკუთარ მიზნებს, მისწრაფებებს და მათში ეჭვი თითქმის არასდროს არ შეაქვთ.
არ თვლიან საჭიროდ, რომ ახსნან საკუთარი ქცევა და მხოლოდ არჩევანის თავისუფლების სჯერათ.
საერთოდ არ აკეთებენ ზოგიერთ რამეს, მაგალითად, მათთვის აუტანელია რიგში დგომა, ლოდინი, ვთქვათ ასე.
იბნევიან კონსერვატიულ სისტემებთან ურთიერთობებისას, სადაც შემოქმედებით აზროვნებას ადგილი არა აქვს და უნდა იმოქმედო რაიმე ადრე შემუშავებული მეთოდებით.
რაიმე საქმის კეთებისას საკუთარ თავს ეყრდნობიან და იმპროვიზაციასაც მიმართავენ, თუმცა ამას მშობლები ან პედაგობები წესის დარღვევად აღქივამენ.
თუ მათ გვერდით არ არის ვინმე, მსგავსი მენტალიტეტის მქონე, ისინი საკუთარ თავში იკეტებიან და უჩნდებათ შეგრძნება და მათი არავის არ ესმით.
ვერანაირად ვერ აღიქვამენ საყვედურებს დისციპლინის დარღვევასთან დაკავშირებით (ყურს არ უგდებენ მსგავსს განცხადებებს “მოვა მამაშენი და ნახავ რასაც გიზამს”).
ბავშვი-ინდიგო მგრძნობიარე და სუსტია. მისგან შეიძლება დადგეს როგორც გენიალური შემოქმედი, ისე გარეწარი.

როცა რამე უჭირთ, საკუთარ მოთხოვნილებებზე მორიდების გარეშე საუბრობენ.

გამძაფრებული აქვთ სამართლიანობის შეგრძნება.
საკმაოდ მიხვედრილები არიან, ადვილად და სწრაფად ერკვევიან ტექნოლოგიებში და ადვილად ითვისებენ სხვა და სხვა სახის ტექნიკას – სულ ერთია ეს მობილური ტელეფონია, კომპიუტერი თუ სხვა რამ

ინტერნეტი - Internet

ინტერნეტ ქსელის სხვადასხვა გზების ვიზუალიზაცია

ინტერნეტი (INTERNET) არის “მსოფლიო-ქსელი”, ერთმანეთზე მიერთებული კომპიუტერების საჯაროდ ხელმისაწვდომი ქსელი. ინტერნეტს, ზოგჯერ ეძახიან, უბრალოდ “ქსელს”(the net), ანუ ქსელთა ქსელს, სადაც მომხმარებლებს, თუ მათ აქვთ უფლებები, შეუძლიათ ნებისმიერი კომპიუტერიდან მიიღონ ინფორმაცია. ინტერნეტი აღნიშნავს გლობალურ კომპიუტერულ ქსელს, რომელიც ეფუძნება IP პროტოკოლს და პაკეტთა მარშრუტიზაციას. ინტერნეტი ქმნის გლობალურ საინფორმაციო სივრცეს და წარმოადგენს მსოფლიო ქსელის საფუძველს.

ინტერნეტის ისტორია

შექმნა

საბჭოთა კავშირის მიერ გაშვებულმა თანამგზავრმა, 1958 წელს, ტექნოლოგიური ლიდერობის დასაბრუნებლად, ამერიკის შეერთებულ შტატებს შთააგონა შეექმნა მოწინავე პროექტების კვლევის სააგენტო(ADVANCED RECEARCH PROJETS AGENCY), ცნობილი, როგორც ARPA. ARPA -მ, ნახევრად ავტომატური მიწის გარემოს (SEMI AUTOMATIC GROUND ENRVINOMENT (SAGE)) პროგრამის წინსვლიOFFICE), ცნობილი, როგორც IPTO, რომელიც მიერთებული იყო ქვეყნის სარადარო სისტემის ქსელში. J. C. R. LICKLIDER არჩეულ იქნა ITPO-ს მეთაურად.
LICKLIDER 1950 წელს, ჰარვარდის უნივერსიტეტში არსებული ფსიქო-აკუსტიკური ლაბორატორიიდან გადავიდა, მასაჩუსეტსის ტექნოლოგიის ინსტიტუტში(MIT), რის შემდეგადაც ის დაინტერესდა ინფორმაციული ტექნოლოგიებით. 1957 წელს ის გახდა BOLT BERANEK and Newman(BBN)-ის ვიცე-პრეზიდენტი. სადაც მან შეიძინა PDP-1 კომპიუტერის პირველი პროდუქცია და გაუძღვა, მრავალ მომხმარებელს შორის რესურსების გამოთვლის განაწილების(Time-Sharing) დემონსტრაციას.
IPTO-ში, Lიცკლიდერ -მა ქსელის განვითარების პროექტის მეთაურობა გადააბარა Lawrence Roberts-ს. ამის შემდეგ რობერტსი დაეყრდნო Paul Baranis-ის ტექნოლოგის, რომელმაც ამერიკის საჰაერო ძალებისთვის(U.S. A. FORCE) დაწერა ამომწურავი ინფორმაციის მქონე წიგნი, რომელსაც რეკომენდაციას უწევდა Packet Switching. ხანგრძილი მუშაობის შემდეგ, Menlo Park-ში, კალიფორნიაში, 29 ოქტომბერს, 1969 წელს, შეერთდა პირველი კვანძი, რომელიც ცნობილია, როგორც ARPANET, კალიფორნიის უნივერსიტეტსა და სტენფორდის კვლევით ინსტიტუტს შორის. ARPANET გახდა დღევანდელი ინტერნეტის ერთ-ერთი “მშობელი”. დემონსტრაციის მიხედვით, რომელსაც აწარმოებდა Packet Switching, British Post Office, Telenet, DATAPAC da TRANSPAC ითანამშრომლეს, რათა შეექმნათ პირველი საერთაშორისო Packet-Switching ქსელის სერვისი. გაერთიანებულ სამეფოში 1978 წელს, ეს პროექტი ცნობილი იყო, როგორც საერთაშორისო პაკეტის დინების სერვისი(International Packet Stream Service (IPSS)). X.25 კოლექციის ბაზირებული ქსელი გაიზარდა ევროპიდან და ამერიკიდან, კანადაში, ჰონგ კონგში და ავსტრალიაში. X.25 პაკეტის სტანდარტი შეიქმნა ჩჩIთთ-ში 1976 წელს(ახლა მას ქვია საერთაშორის ტელეკომუნიკაციების კავშირი(ITU-T)). X.25 იყო დამოუკიდებელი TCP/IP პროტოკოლი, რომელიც შეიქმნა 1974 წლის, დეკემბრის დაცვის მოწინავე პროექტების კვლევის სააგენტოს(Defense Advanced Research Projects Agency(DARPA)) მიერ წარმოებულ APANET, Packet Radio Net da Packet Satellite Net-ზე ექსპერიმენტის შედეგად. Vinton Cerf da Robert Kahn-მა 1973 წელს შექმნეს თჩP პროტოკოლის პირველი განსაზღვრება, რომელიცს გამოქვეყნდა 1974 წლის მაისში. თჩP-ს პირველი სრული სპეციფიკაცია დაიწერა Vinton Cerf, Yogen Dalal da Carl Sunshin-ის მიერ, შემდეგ კი სტენფორდის უნივერსიტეტში. შემდეგი ცხრა წლის განმავლობაში, მუშაობა მიმდინარეობდა პროტოკოლების გაუმჯობესებასა და მათ გამოყენებაზე ოპერაციული სისტემების ქსელის რანგში.
პირველი TCP/IP ფართო მასშტაბის ქსელი შექიმნა 1983 წლის, 1 იანვარს, როდესაც ARPANET-ში არსებული ყველა ჰოსტი ძველი NCP პროტოკოლიდან შეერთდა ახალ TCP/IP პროტოკოლში. David L. Mills-ის ინვესტიციით, 1985 წელს, ამერიკის შეერთებული შტატების ნაციონალური მეცნიერების ორგანიზაციამ(National Science Foundation (NSF) ) შექმნა 56 კილობიტი/წამში სიჩქარის მქონე ქსელი, რომელსაც იყენებდნენ კომპიუტერები სახელად “ფუზზბალლს”. მიმდინარე წელში NშF-მა დაასპონსორა მაღალ სიჩქარიანი 1.5 მეგაბიტი/წამში სიჩქარის ქსელი, რომელიც შემდგომ გახდა NSFNET.

ქართული ინტერნეტი
ქართული ინტერნეტის შექმნაში პირველი ნაბიჯები გადადგა საქართველოს დევნილი ეროვნული ხელისუფლების ემიგრაციამ ფინეთიდან.
პირველი ქართული (ქართულ ენაზე შესრულებული) ვებ გვერდი ანუ ვებ საითი 1996 წლის დასაწყისში შექმნა პრეზიდენტ ზვიად გამსახურდიას წარმომადგენელმა ევროპაში რენო სირაძემ (ფინეთი) – ეს იყო „დედაენა“
პირველი ქართული ვებ საითი რომელიც უნიკოდ კოდირებაზე იყო დაფუძნებული და ზოგადად მეორე ქართული ვებ საითი გახდა „შავლეგო“ დაარსებული 1996 წელს BPG-InfoTech-ის (ბესარიონ გუგუშვილი, ფინეთი) მიერ
ინტერნეტ ტექნოლოგიებისადმი და ინტერნეტში ქართული დამწერლობის გამოყენებისადმი მიძღვნილი პირველი ქართული ვებ საითი გახდა „ქართული ვების ტიპოგრაფია“ დაარსებული 1997 წლის დასაწყისში BPG-InfoTech-ის (ბესარიონ გუგუშვილი, ფინეთი) მიერ – იყენებს უნიკოდ კოდირებასა და დინამიურ ფონტებს
პირველი ქართული წარმოების უნიკოდ ფონტები ინტერნეტისა და ვებისათვის გახდნენ BPG-InfoTech-ის (ბესარიონ გუგუშვილის) მიერ შექმნილი BPG SanSer, BPG Class-იც და რენო სირაძის შექმნილი WWW.net

საინტერესო ფაქტები სიზმრებზე - Sainetreso faqtebi sizmrebze

1. უსინათლოები “ხედავენ” სიზმრებს

ადამიანებს, რომლებმაც მხედველობა დაბადების შემდეგ დაკარგეს, შეუძლიათ სიზმრების ნახვა სურათების სახით. დაბადებიდან უსინათლოები ვერ ხედავენ სურათებს, თუმცა, მათი სიზმრები სავსეა სუნებით, ხმებით და სხვა შეგრძნებებით.




Sainetreso faqtebi sizmrebze საინტერესო ფაქტები სიზმრებზე

მსოფლიოს ყველაზე გავლენიანი სახელმწიფოები - Msoplioshi yvelaze gavleniani saxelmwifoebi

1. ამერიკის შეერთებული შტატები

მოსახლეობა: 306,4 მილიონი ადამიანი
დედაქალაქი: ვაშინგტონი
პრეზიდენტი: ბარაკ ჰუსეინ ობამა

დადებით მხარე: ამერიკის შეერთებული შტატები ერთადერთი “სუპერსახელმწიფოა” მსოფლიოში, მისი ეკონომიკური და სამხედრო შესაძლებლობებით. ქვეყანა პირველი და ყველაზე კაშკაშა დემოკრატიის შუქურაა მსოფლიოში. აშშ-ში ყველაზე მეტი ემიგრანტი ცხოვრობს, ის იფარებს ადამიანებს მსოფლიოს ყველა კუთხიდან და ქვეყანა ყველაზე დიდი დონორია განვითარებადი მსოფლიოს ქვეყნებისათვის. ის განსაკუთრებით ეხმარება “ახალდაბადებულ” ქვეყნებს, მაგალითად როგორიცაა საქართველო. აშშ-მ უდიდესი როლი ითამაშა XX საუკუნის საბჭოთა კავშირის იმპერიალისტური ზრახვების შეჩერებაში. პარადოქსია, მაგრამ საბჭოთა კავშირის ცრუ საინფორმაციო მანქანა იმპერიალურ ზრახვებში ამერიკას ადანაშაულებდა და აღნიშნულ ქვეყანას ანუ რუსეთს 14 სახელმწიფო სულ რამდენიმე წლის დაპყრობილი ყავდა.

უარყოფითი მხარე: ამერიკის შეერთებული შტატებს უდიდესი პრობლემები აქვს სამხრეთ ამერიკის და აზიის კონტინენტებზე, ეს საკითხი განსაკუთრებით მწვავედ დგას სსახმრეთ და ცენტრალურ ამერიკაში. ამერიკის კაპიტალისტური ზრახვები უდიდეს უარყოფით გავლენას ახდენს სამხრეთ ამერიკელ სოციალისტურად განწყობილ ლიდერებზე, ამი გამო ერთ ერთ გაერო-ს ყრილობაზე ვენესუელას პრეზიდენტმა უგო ჩავესმა აშშ-ის ყოფილ პრეზიდენტ ჯორჯ ბუშს ეშმაკიც კი უწოდა, აშშ ცდილობს ძალთა ბალანსის შენარჩუნებას სამხრეთ-დასავლეთ აზიაში რაც აგრეთვე დიდ სირთულეებთანაა დაკავშირებული, ერაყის მეორე ომი, რომელიც სულ ახლახანს დასრულდა დიდ შავ წერტილად დააჩნდება ამერიკის შეერთებული სტატების ისტორიულ მეხსიერებას.

2. რუსეთის ფედერაცია

მოსახლეობა: 142,7 მილიონი ადამიანი
დედაქალაქი: მოსკოვი
პრეზიდენტი: დიმიტრი მედვედევი

დადებით მხარე: ქვეყანა ფართობით პირველ ადგილზეა მსოფლიოში, აქვს უზარმაზარი ბუნებრივი რესურსები და ყავდა გენიოსი პერსონები ლიტერატურაში. ძალიან რთულია ობიექტურმა ადამიანმა ბევრი კარგი ჩამოთვალოს რუსეთის ფედარაციის ან საბჭოთა კავშირის შესახებ მსოფლიოს პოლიტიკაში რადგან ის არავის არ ეხმარება მართებულად.

უარყოფითი მხარე: რუსეთი თავის უდიდეს ბუნებრივ რესურსებს იყენებს მსოფლიოს პოლიტიკის მართვისათვის, რაშიც მას ხელს ევროპელი ლიდერებიც უწყობენ, რითაც იმ ტოტს ჭრიან რომელზეც ჯერჯერობით ყველა არხეინადაა შემომჯდარი. ვლადიმერ პუტინი არის თავისუფლების და დემოკრატიის ყველაზე დიდი მტერი მსოფლიოში, მას საბჭოთა კავშირის იმპერიის დაშლა ყველაზე დიდ გეოპოლიტიკურ კატასტროფად მიაჩნია, XXI საუკუნეში თითქოს და ცივილიზებულმა და სწორ გზაზე მდგარმა რუსეთის ფედერაციამ საკუთარი სახე კიდევ ერთხელ გამოაჩინა და საქართველოს ტერიტორიების ანექსია მოახდინა, რომალსაც მათი დამოუკიდებელ სახელმწიფოებად აღიარება მოჰყვა.

[b]3. გაერთიანებული სამეფო
[/b
]მოსახლეობა: 61,2 მილიონი ადამიანი
დედაქალაქი: ლონდონი
პრემიერ მინისტრი: დევიდ კამერონი

დადებით მხარე: დიდი ბრიტანეთისა და ჩრდილოეთ ირლანდიის გაერთიანებული სამეფო ყოფილი აშშ-ის კოლონიალური მმართველია, რომელმაც კოლონიალური წარსული დაივიწყა და საკუთარი ქვეყნის აღმშებნებლობას მიჰყო ხელი, გაერთიანებული სამეფო შედარებით ნეიტრალურ პოზიციას იკავებს მსოფლიოს პოლიტიკაში. უდიდესი დადებითი ფაქტორი მსოფლიოსი დღესდღეობით ელიზაბეტ II-ა. მსოფლიოს თანამეგობრობის ქვეყნების სახელმწიფოს მეთაურად კვლავ ელიზაბეტი ითვლება და მას ძალიან დიდ პატივს ცემენ.

უარყოფითი მხარე: გაერთიანებული სამეფოს ცუდზე ლაპარაკი უპრიანია XX საუკუნიდან დავიწყოთ როდესაც მას მსოფლიოს უდიდესი ნაწილი ქონდა დაპყრობილი და ტირანული პოლიტიკით გამოირჩეოდა, დღეისათვის ქვეყნის მთავარ პრობლემებს სამეფო სკანდალები წარმოადგენს.

მეოთხე ადგილს გიგანტი ჩინეთი ხოლო მეხუთე ადგილს უნიჭიერესი იაპონია იკავებს.

Apple-მა 2 თვეში 2 მილიონი ერთეული iPad გაყიდა

კორპორაცია Apple-მა 31 მაისს ოფიციალურად განაცხადა, რომ 60 დღის განმავლობაში 2 მილიონი ერთეული iPad-ის გაყიდვა შეძლო. მაისის ბოლოს პლანშეტური კომპიუტერის გაყიდვა ამერიკის შეერთებული შტატების საზღვრებს გარეთაც დაიწყო. მისი გაყიდვები ამჟამად 9 ქვეყანაში მიმდინარეობს, თუმცა წლის ბოლომდე iPad 18 ქვეყნის სამომხმარებლო ბაზარზე შევა. შეგახსენებთ, რომ პლანშეტური კომპიუტერი iPad სტივ ჯობსმა 2010 წლის 27 იანვარს წარმოადგინა. მოწყობილობა აღჭურვილია 9,7 დუიმის ეკრანით, ასევე Wi-Fi მოდულით.

Facebook ამერიკის შეერთებულ შტატებში მთავარი სარეკლამო სივრცეა

ამერიკის შეერთებულ შტატებში სოციალურ ქსელ Facebook-ის საშუალებით ინტერნეტ-მომხარებლებმა ბოლო სამი თვის განმავლობაში 1 ტრილიონი სარეკლამო ბანერი იხილეს. როგორც აღმოჩნდა, ქვეყანაში Facebook მთავარი სარეკლამო სივრცეა. ინტერნეტ-რეკლამის მოგებამ ამ დროისთვის 2,7 მილიარდი ამერიკული დოლარი შეადგინა. Facebook-მა სარეკლამო ბიზნესში ისეთი პოპულარული კომპანიები ჩამოიტოვა, როგორებიცაა Yahoo, Microsoft, Fox Interactive Media, ხოლო რეიტინგში კომპანია Google მეექვსე ადგილზე აღმოჩნდა, eBay კი მეცხრე ადგილზე. ამერიკის შეერთებული შტატების ონლაინ-სარეკლამო ბაზარზე სოციალური ქსელი Facebook მთავარი მოთამაშეა, რადგან ინტერნეტ-მაღაზიების მომხმარებლები სწორედ Facebook-ის საშუალებით ახორციელებენ საქმიანობას, რაშიც მათ flash-აპლიკაცია ეხმარებათ.

ყველაზე, ყველაზე ...

( yvelaze, yvelaze )
მსოფლიოში ყველაზე დიდი ამწე იწონის 46 000 ტონას..სიმაღლეშია 95 მ და სიგანეში 215 მ.. აშკარად დიდია.

მსოფლიოში ყველაზე დიდი ავტობუსი (Neoplan Jumbo-cruiser) ანუ ორი ერთში.. 170 ადგილიანი.

მსოფლიოში ყველაზე დიდი სამგზავრო გემი MS Freedom of The seas (თავსუფლად მგზავრობს 4300 მგზავრი)

ყველაზე დიდი თვითმრინავი Airbus A380 555 მგზავრიანი

ყველაზე მოუცლელი და დაკავეული აეროპორტი დედამიწაზე J.F.K International Airport. New York,USA

ყველაზე დიდი ქანდაკება..ბრაზილია..რიო დეჟანეირო

მსოფლიოში ყველაზე დიდი ეკლესიის შენობა.. ნიგერია..ტევადობა დასასხდომი ადგილების მიხედვით 50.000.. სრული ტევადობა 250.000
ყველაზე დიდი მეჩეთი.. პაკისტანი.. ტევადობა 35.000 , მთლიანი ტევადობა 150.000

ყველაზე დიდი საოფისე კომპლექსი.. ჩიკაგო.. ილინოისი

ყველაზე დიდი პარლამენტის შენობა.. ბუქარესტი.. რუმინეთი

ყველაზე ძვირი სასტუმრო.. ერთადერთი 7 ვარსკვლავიანი სასტუმრო მსოფლიოში.. ყველაზე იაფი ნომერი 1000$ ღირს ღამეში..

ყველაზე გრძელი ხიდი ჩინეთშია “დონგჰაი” სიგრძე 32.5 კილომეტრია

ყველაზე დიდი შენაცვლებადი გზატკეცილის კომპლექსი ჰიუსტონში “ტეხასი”

ყველაზე ძვირადღირებული უემბლის სტადიონი “ლონდონი”

ტევადობა 199,000 ყველაზე დიდი სტადიონი.. ბრაზილია.. მარაკანას სტადიონი

ყველაზე ტენიანი ადგილი მსოფლიოში - ჩერაპუნჯაა - დასახლებული პუქტია ჩრდილო-აღმოსავლეთ ინდოეთში. ჰიმალაის სამხრეთ ნაწილში. აქ ნალექების წლიური რაოდენობა აღწევს 12К000 მმ-ს.

ყველაზე მშრალი ადგილი მსოფლიოში - ატაკამის უდაბნოა. მდებარეობს ჩრდილო ნაწილში. ნალექების საშუალო წლიური რაოდენობა შეადგენს 5 მმ. ზოგჯერ - 8 მმ. 1971 წლამდე ატაკამაზე არინიშნა 400 წლიანი მშრალი პერიოდი.

ყველაზე ღრმა მსოფლიო ოკიანეში მარილიანი ღრმულია, რომელიც მდებარეობს წყნარ ოიანეში. მისი სიღრმე 10К863 მეტრია.

ყველაზე გრძელი მთათაშორისი სისტენაა კორდილიერები, რომლის სიგრძე 15К000 კმ-ს უდრის.

ყველაზე მარალი მწვერვალია დედამიწაზე ჯომოლუნგმა. მდებარეობს ჰიმალაის მთიან სისტემაში მისი სიგრძე 8848 მ.

ყველაზე წყალუხვი და გრძელი მდინარეა ამაზონი. მისი სიგრძე 7025 კმ-ს ტოლია.

ყველაზე მოკლე მდინარე მსოფლიოში - რეპრუაა (საქართველო). იგი ძველ გაგრასთან გამოედინება მიწისქვეშიდან და ზღვას ჩაერთვის. მისი სიგრძე 20 მეტრის.

ყველაზე ღრმა კონტინენტთაშორისი ზღვა მსოფლიოში შავი ზღვაა. მისი საშუალო სიღრმეა 1271 მ. მაქსიმალური სიღრმე კი - 2245 მ.

ყველაზე დიდი ნახევარკუნძული მსოფლიოში არაბეთის ნახევარკუნძულია. მისი ფართობი დაახლოებით 3 მლნ.კვ.კმ-ია.

ყველაზე დაბალი სახელმწიფოა მალდივეთი. მდებარეობს ინდოეთის ოკიანეში. მისი უმაღლესი წერტილი არ აღემატება 2 მეტრს ზღვის დონიდან. იგი განლაგებულია 1190 კუნძულზე.

ყველაზე მაღალი სახელმწიფო ნეპალია მდებარეობს სამხრეთ აზიაში, დედამიწის უმაღლესი მთიანი სისტემის ჰიმალაების ცენტრალურ ნაწილში. ნეპალის ჩრდილო და აღმოსავლეთ საზღვრებზეა მსოფლიოს უმაღლესი მწვერვალები ჯომოლუნგმა და კანჩენჯაგა.

ყველაზე პატარა სახელმწიფო მსოფლიოში ფართობითა და მოსახლეობით ვატიკანია (რომი). მისი მოსახლეობის რაოდენობა 810 კაცია.

ყველაზე დიდი სახელმწიფო მსოფლიოში, ფართობის მიხედვით რუსეთია. მისი ფართობი 17,1 ათასი კვ. კმ-ია.

ყველაზე პატარა ქალაქი მსოფლიოში - ალვინია - მდებარეობს სამხრეთ კაროლინის შტატში (აშშ) ქალაქ ალვინში 10 კაცი ცხოვრობს.

ყველაზე დიდი გარეული ღორი მოკლეს კანადაში და მისი წონა იყო 470 კგ.

ყველაზე ძლიერმოქმედი შხამი აქვს პაწაწინა ბაყაყს, რომელიც ცხოვრობს კოლუმბიაში. მის შხამს ვერცერთი გველის შხამი ვერ შეედრება. მისი საწინააღმდეგო შრატი არ არსებობს. ეს ცხოველი 2სმ-ია და იწონის 1 გრამს. მისი შემჩნევა თითქმის შეუძლებელია.

ყველაზე დიდი ბაყაყი - გოლიოფია, რომელიც ბინადრობს აფრიკაში. მისი სხეულის სიგრძე 30 სმ-ია, წონა კი 3,5 კგ.

კენგურუს ყველაზე გრძელი ნახტომი სიგრძეზე 13 მეტრსა და 63 სანტიმეტრს შეადგენს , ხოლო სიმაღლეზე 3 მეტრს და 20 სანტიმეტრს.

ყველაზე გრძელი ენა ცხოველთა შორის აქვს ჭიანჭველაჭამიას. მისი ენის სიგრძე 60 სმ-ია.

ყველაზე დიდხანს ძილის მდგომარეობაში უჭმელად ძლებს ზღარბი – 235 დღეს. დათვი შიმშილობს 180 დღეს.

ყველაზე მძიმე ჯიშის ძაღლია სენბერნარი. მისი მაქსიმალური წონაა 111 კგ.

ყველაზე გრძელი ძაღლის ყურები 2004 წლის 29 სექტემბერს გაზომეს. მისი მფლობელია მეძებარი, სახელად ტიგერი, რომლის პატრონები ილინოისის შტატის ქალაქ სენტ–ჯოზეფში ცხოვრობენ. ძაღლის მარჯვენა ყურის სიგრძე 34,9, ხოლო მარცხენის – 34,2 სანტიმეტრს შეადგენს.

ქალამანა ყველაზე პატარა ცხოველია. მისი დანახვა მხოლოდ მიკროსკოპით შეიძლება.

მსოფლიოში ყველაზე გრძელი კატა არის 1.21 მ. სიგრძის. ჯურნალმა “რენო”-მ გამოაცხადა, რომ 5 წლის სტიუ გახდა გინესის რეკორდსმენი. ის გაზომეს და როცა დარწმუნდნენ, რომ 121 სანტიმეტრი იყო, გადასცეს რეკორდსმენის ტიტული. იგი გაიზომა ცხვირიდან კუდის ძვლამდე. მან წინა მფლობელს გაუსწრო რამოდენიმე მილიმეტრით.

ყველაზე მაღალი ძროხა, რომლის სიმაღლეა 1.83 სანტიმეტრი.

Top 5 გაკოტრებული ამერიკული კომპანია

1. სიას სათავეში უდგას უდიდესი და ერთ დროს მსოფლიოში #4 ვალ სტრიტის ინვესტორი კომპანია. Lehman Brothers Holdings – მისი კაპიტალი შეადგენდა – $691 მილიარდს. მისი გაკოტრების ოფიციალური თარითი – 09/15/08. კომპანიამ უამრავი თავისი შვილობილი თუ მფლობელობაში მყოფი კომპანიები გაყიდა დახურა 80-მდე მსხვილი ფილიალი. შემდეგი გახლავთ…

2. Washington Mutual – კაპიტალის ოდენობა $327.9 მილიარდი. – ამ უდიდესი ამერიკული ბანკის გაკოტრების შიშის მოლოდინში დაახლოებით 10 დღის პერიოდში ამერიკელებმა $16 მილიარდ ამერიკულ დოლარზე მეტი გამოიტანის თავიანთი საბანკო ანგარიშებიდან. ამ ფაქტის გამო მთავრობამ სასწრაფოდ შეისყიდა Washington Mutual -ის აქციები და 2 მილიარდად მიყიდა JPMorgan -ს. მეორე დღეს WaMu (Washington Mutual)-მ შეიტანა განაცხადი გაბანკროტებისგან დაცვის შესახებ. გაკოტრების თარიღი – 09/26/08

3. WorldCom – კაპიტალის ოდენობა – $103.9 მილიარდი დოლარი.გაკოტრების თარიღი – 07/21/02. კომპანია მუშაობდა ტელეკომუნიკაციების სფეროში და ამერიკაში სიდიდით მეორე სატელეკომუნიკაციო კომპანია იყო AT&T -ს შემდეგ. გაკოტრების მიზეზი $11 მილიარდიანი საბუღალტრო სკანდალი გახლდათ, რომელსაც ფაქტიურად გადაყვა ეს კომპანიაც.

4. შემდეგი გახლავთ დღეისათვის ყველაზე გახმაურებული – General Motors – რომლის კაპიტალი – $91 მილიარდ დოლარს შეადგენდა – გაკოტრების ოფიციალურ თარიღად კი გამოცხადდა 6/1/09. კომპანია რომელიც რამოდენიმე წელი სათავეში ედგა 500 ყველაზე წარმატებული ამერიკული კომპანიების იას (Fortune 500) დღეს მთავრობისგან ელის, გაკოტრებისგან დაცვას.

5. Enron – კაპიტალი – $65.5 გაკოტრების თარიღი – 12/02/01 – ამერიკის ყველაზე ძლიერი და დიდი ელექტრო და გაზმომარაგების კომპანია მისი გაკოტრების მიზეზი გახლდათ ასევე საბუღალტრო სკანდალი და ფინანსური მაქინაციები.


Âñ¸ íåîáõîäìîå äëÿ äâèæêà DLE