ნებისმიერი მამაკაცი ოცნებობს ქალზე, რომელიც მას მაქსიმალურად კომფორტულ გარემოს შეუქმნის. არც ერთ მამაკაცს არ აბედნიერებს გოგო, რომელიც ურთიერთობაში დაძაბულ ფონს ქმნის, რაც ხშირ შემთხვევაში "შოუს მოწყობით", სკანდალებითა და კონფლიქტებით გამოიხატება, თუმცა, ზოგჯერ, ჩვენ, მამაკაცები, შესაძლოა გაუცნობიერებლად, მაგრამ მაინც თავად ვაძლევდეთ ამ კონფლიქტის შექმნის მიზეზს მათ.
ამ სტატიაში წარმოგიდგენთ რჩევებს, თუ როგორ ავირიდოთ კონფლიქტი და სკანდალი საყვარელ გოგოსთან ურთიერთობაში.
პირველ რიგში შეეცადეთ, რომ თქვენს მეგობარ გოგონას/მეუღლეს რაც შეიძლება ნაკლები თავისუფალი დრო ჰქონდეს. სწორედ იქ ვუშვებთ ზოგიერთი ქართველი მამაკაცი შეცდომას, როდესაც ვმოქმედებთ მიდგომით "ქალის ადგილი კუხნაშია", "ჩემს ცოლს არ ვამუშავებ, ბავშვები უნდა აღმიზარდოს"... როგორ არჩევანს გააკეთებთ საყვარელ ქალთან მიმართებაში თქვენი გადასაწყვეტია, თუმცა ცნობილია, რომ ძირითადად კონფლიქტურები არიან ქალები, რომლებსაც ბევრი თავისუფალი დრო აქვთ. ამას მარტივი მიზეზი აქვს - უსაქმური ქალის ცხოვრება მოსაწყენია; ქალი რაც უფრო არარეალიზებულია, მეტად გაღიზიანებულია და შესაბამისად, ბევრი დრო რჩება წუწუნისა და კონფლიქტურ სიტუაციებზე კონცენტრირებისათვის.
სასურველია, რომ გარდა რეალიზებაში ხელშეწყობისა, საყვარელი ქალისთვის უზრუნველყოთ გამაჯანსაღებელი ცენტრის აბონიმენტი ან პერიოდულად ვიზიტი სილამაზის სალონებში და გვეწმუნეთ შედეგით თავადაც კმაყოფილი დარჩებით, ვინაიდან ასე მიიღებთ დანერვოზებული და გაღიზიანებული ცოლის ნაცვლად რეალიზებულ, მოწესრიგებულსა და მეტად სასურველ ქალს.
გამოიმუშავეთ მოსმენის უნარი. გასაგებია, რომ დამღლელი სამუშაო დღის შემდეგ არც ისე სასურველია სახლში დაბრუნებულმა წუწუნსა და პრობლემურ თემებს მოუსმინოთ, თუმცა გირჩევთ მისცეთ ქალს საუბრისა და ასე ვთქვათ, "ბოლის გამოშვების" საშუალება და ნუ მოიცილებთ თავიდან; შესაძლოა მას რაიმე უბრალო, ყოფითი რჩევა ესაჭიროება ან უბრალოდ საშხაპის შეკეთება სურს...
რაც უფრო ხანგრძლივია ურთიერთობა, მეტად საჭიროა მრავალფეროვნება. ამის საჭიროება და მოთხოვნილება კი მამაკაცებზე მეტად ქალებს აქვთ. ხშირად ქალების გაღიზიანების მიზეზი არც მეტი, არც ნაკლები, ჩვეულებრივი ყოფაა, რომელიც მრავალფეროვნებას ითხოვს. შეეცადეთ იყოთ კრეატიული ურთიერთობებში, ეს საყვარელ ქალსაც და თქვენც მეტ კომფორტს შეგიქმნით ურთიერთობაში.
სექსი კიდევ ერთი მიზეზია ქალების უკმაყოფილების. შეიძლება ითქვას, რომ ეს ერთგვარად წინა პუნქტის გაგრძელებაა. ნუ იფიქრებთ, რომ თქვენი საყვარელი ქალი არ იმსახურებს მრავალფეროვნებას სექსში. გახსოვდეთ, რომ არარეალიზებული სექსუალური ფანტაზიები კონფლიქტების პროვოცირების კიდევვ ერთი საბაბი შეიძლება იყოს ქალის მხრიდან.
ბოდიშის მოხდა - კიდევ ერთი პუნქტი იმ ჩამონათვალში, რისი ვერ მიღების შემთხვევაში ქალი კიდევ უფრო აგრესიული ხდება. შესაძლოა თქვენი კინკლაობის ბოლო მიზეზი თქვენთვის უმნიშვნელოა, მაგრამ გახსოვდეთ, რომ ქალები და მამაკაცების აზროვნება სრულიად არ არის იდენტური, შესაბამისად ნუ ჩათვლით, რომ ის თუნდაც უმნიშვნელო რამ, რაზეც დილით იკამათეთ საღამოთი აღარ ემახსოვრება. გახსოვდეთ, თუ თქვენი პარტნიორი თვლის, რომ თქვენ ბოდიში გაქვთ მოსახდელი თქვენი საქციელის გამო და ამას ვერ მიიღებს, ის ყველაფერს გააკეთებს იმისთვის, რომ შექმნას კიდევ უფრო დაძაბული სიტუაცია...
დაბოლოს, ისინი ლამაზები არიან, მაგრამ თუ "სილამაზე მსხვერპლს მოითხოვს", მაშინ ღირს ამ პუნქტების გათვალისწინება იმისთვის, რომ მათთან ცხოვრება სკანდალებისა და დაძაბულობის გარეშე შეძლოთ.
წყარო
როგორ ავიცილოთ სკანდალი ცოლისგან ან შეყვარებულისგან
⏱️ 1 წთ.
👁️ 1 685
100%