ოლადები კვერცხით და ხახვით



მასალა:

1 ლიტრი რძის ნადუღი;
12-13 ც/კ ფქვილი (ანუ 2 ჭიქა);
3 კვერცხი;
0,5 ჩ/კ საჭმელი სოდა;
1 ს/კ ზეთ;
1 ს/კ შაქარი;

მასალა გულსართისთვის:

4 კვერცხი;
50 გრ მწვანე ხახვი (მწვანე ღეროები მხოლოდ);
რამოდეიმე ღერო კამა;
1 ს/კ არაჟანი;
მარილი გემოვნებით;

მომზადება:
თავდაპირველად უნდა მოვამზადოთ მოხვეული ოლადები. ფქვილს დაუმატეთ ნელა-ნელა რძის ნადუღი. ურიეთ ხის ჯოხით. შეგიძლიათ ბლენდერში აურიოთ, ასე ძალიან კარგ მასას მიიღებთ. დაუმატეთ შაქარი, ზეთი, კვერცხი, მარილი და სოდა. კარგად აურიეთ ეს ყველაფერი ერთმანეთში. კარგი იქნება თუ დრო გაქვთ დააცადოთ ამ ცომს 30 წუთი.

კარგად გაახურეთ ტაფა. კარგი დაწითელბული ოლადები რომ გამოვიდეს ცხიმ წასმულ ტაფაზე უნდა დააცხოთ ოლადები. ამისათვის აიღეთ კულინარიული ფუნჯი და წვეთი ცხიმი გაანაწილეთ ტაფაზე, ამის სემდეგ დაასხით ცომი ტაფაზე. შეიძება მოგეჩვენოთ რომ ცომი ძალიან თხევადია, მაგრამ ასეა საჭირო!. გამოაცხვეთ ბოლომდე მთელი ცომი, დაახლოვებით 20 ოლადი უნდა გამოგვიდეთ.

სანამ ოლადებს ამზადებთ ნელა-ნელა შეუდექით გულსართის მომზადებასაც.
მოხარშეთ მაგრად 4 კვერცხი. გაასუფთავეთ და გახეხეთ წვრილ სახეხზე. დაკუწეთ მწვანე ხახვი, კამა და აურიეთ ესენი ერთმანეთში, დაუმატეთ არაჟანი, მარილი გემოვნებით. ეს გულსართი ეყოფა 4 ცალ ოლადს შესახვევად.

ლამაზად რომ გამოიყურებოდეს ბლინები მოვახვიოთ ტომრების სახის, ამისათვის მუღარე დავასხათ ხახვის ღეროებს და ცოტა ხანი ვაცადოთ, ასე ელასტიურები გახდებიან და ადვილად მოვუკრავთ ტომრებს პირს. ოლადების ცენტრში მოვათავსაოთ 1 ს/კ გულსართი, ფრთხილად შევყაროთ ერთად ოადების ნაპირები და ხახის ღეროებით შევკრათ. დავაწყოთ განიერ ლანგარზე. ოლადები უნდა იყოს ახლად მომზადებული და ოთახის ტემპერატურის. თუ წინასწარ ამზადებთ სტუმრებისთვის, მაშინ თავზე დააფარეთ პოლიეთილენის ჯამი, იმისათვის რომ ჰაერი არ მოხვდეს და ოლადების ნაპირები არ გამაგრდეს.

გემრიელად მიირთვით!


ოლადები კვერცხით და ხახვით


ოლადები კვერცხით და ხახვით


ოლადები კვერცხით და ხახვით


წყარო:mary.ge
































ტექსტის სანახავად გაიარეთ რეგისტრაცია.