აბანო ადამიანებს ჯანმრთელი ტონუსის შენარჩუნებაში, გაკაჟებასა და ავადმყოფობის თავიდან აცილებაში ეხმარება. გრიპის ეპიდემიისა და ვირუსული ინფექციების მძვინვარებისას, აბანოს მოყვარულები, როგორც წესი, მშვენიერ ჯანზე იმყოფებიან. თუმცა, აბანო გაციებასაც შველის. თუ გსურთ, რომ წამლების გარეშე გამომჯობინდეთ, სწორედ ამ არჩევანზე უნდა შეჩერდეთ. მსუბუქი გაციების დროს, აბანოსთან ერთად მალინიანი ან თაფლიანი ცხელი ჩაი ნებისმიერ აბებზე მეტად გარგებთ.
რა თქმა უნდა, გრძელვადიან, გამუდმებულ პროფილაქტიკას უკეთესი შედეგი მოაქვს, ვიდრე ერთჯერად პროცედურას. საუნის მექანიზმის შესწავლისას, გერმანელმა ფიზიოლოგებმა დაასკვნეს, რომ აბანოს ცხელი ორთქლისა და კონტრასტული პროცედურების ზემოქმედებით, სისხლში 10-15 პროცენტით იზრდება იმ ლეიკოციტების რაოდენობა, რომლებიც არა მხოლოდ პოულობენ და გადაამუშავებენ მიკრობებს, არამედ, ლეიკინებს - ბაქტერიოციდულ ნივთიერებებს გამოიმუშავებენ.
სასურველი ტემპერატურის სიმხურვალის მისაღებად, ღუმლის გავარვარებულ ქვებს პატარ-პატარა ულუფებით (ნახევარი, ან ერთი ჭიქა, რომ ორთქლმა არ დაგწვათ), 2-3-ჯერ უნდა გადაავლოთ ცხელი წყალი. აბანოს კარგი მცოდნეები წყლის მაგივრად არომატული ბალახეულის ნაყენს, ეგრეთ წოდებულ, აბანოს კოქტეილებს იყენებენ. თითოეული შემადგენლობა გარკვეული თავისებურებით გამოირჩევა და განსაზღვრულ შემთხვევებში გამოიყენება. ყველაზე ხშირად მოიხმარენ ანტისეპტიკურ ბალზამს - თანაბარი რაოდენობის პიტნის, სალბის (შალფეი), ევკალიპტის ფოთლების მაგარ ნაყენს. მას აბანოში წასვლის წინ, ახლად ამზადებენ. აბანოში გოვზას უმატებენ 50-100 მლ. ლ. ნაყენს. ასეთი ბალზამის ორთქლი წმენდს და დეზინფექციას უკეთებს შენობას.
აბანოს ორთქლი კარგად მკურნალობს სახსრებს. ასევე, შენიშნულია მისი ტრამვების სამკურნალო თვისებები. სიმხურვალის დროს სახსრებსა და იოგებში ჟანგბადისა და საკვები ნივთიერებების მოზღვავება აღინიშნება. ცოცხის ცემისა და ცხელი ჰაერის გავლენით უმჯობესდება საიოგე აპარატის ელასტიურობა და მოძრავუნარიანობა. აბანოს შეუძლია ფიზიკური დაძაბულობით გამოწვეული შეშუპებებისა და გაშეშების მოხსნა. სითბოსა და ცოცხით გაშოლტვის დახმარებით, შეშუპება და სახსრებში დაგროვილი პათოლოგიური ნალექი გაიწოვება. ამ პროცედურებთან ერთად, კონტრასტული შხაპი ხელს უწყობს სისხლისა და ლიმფის ორგანიზმში გადანაწილებას და აღმდგენი პროცესების გაძლიერებას.
გთავაზობთ, აბანოში გამოსაყენებელ თაფლითა და სოდით დაზელვის რეცეპტს, რომელიც განკუთვნილია კანზე საერთო კომპლექსური - გამახურებელი, ბიომასტიმულირებელი, ბაქტერიოციდული და იარების სამკურნალო ზემოქმედებისთვის. ის, როგორც წესი, ორთქლის აბაზანამდე გამოიყენება. დასაზელად ვარგისია როგორც ზაფხულის, ასევე მაისის თაფლი. კანის საფარიდან შეზელილი თაფლისა და სოდის ნარევი სასიკეთოდ მოქმედებს, როგორც მის ზედაპირულ ფენებზე, ასევე კანზე მიმაგრებულ ქსოვილებზე და ორთქლის აბაზანის პირობებში, გაძლიერებულ სისხლის მიმოქცევასთან ერთად გადადის მთელ ორგანიზმში.
თაფლისა და სოდის ნარევი შემდეგნაირად მზადდება:
1 ჭიქა თაფლს დავუმატოთ 2-3 ჩაის კოვზი სოდა და კარგად ავურიოთ. მიღებულ ნარევს, თავის თმიანი ადგილის, იღლიისა და ბოქვენის გარდა, ისვამენ მთელ სხეულზე (სასქესო ორგანოებთან სიფრთხილით), შემდეგ შედიან ორთქლის აბანოში და კარგად იოფლებიან. გამოსვლისას, ნარჩენების მოსაშორებლად შეიძლება ნეიტრალური შხაპის მიღება. თუ მეტად აღარ გსურთ ორთქლის აბანოში ყოფნა, შეგიძლიათ აუზში ჩაეშვათ.
წყარო
სამკურნალო აბანო
⏱️ 1 წთ.
👁️ 1 301
100%