გულის წასვლა გრძნობის უეცარ და ხანმოკლე დაკარგვას ეწოდება. მას სხვადასხვა მიზეზი იწვევს: მღელვარება, მძიმე სანახაობა, შიში, ტკივილი, მზეზე ყოფნა, სხეულის გადახურება. იგი უფრო ხშირად ვითარდება სუსტი ტიპის ნერვული სისტემის ქალებში, ინფექციური დაავადებებისაგან განკურნების პერიოდში, საერთოდ, დასუსტებულ ავადმყოფებში.ადამიანს უეცრად თვალთ უბნელდება, ცნობიერება ებინდება, გრძნობას კარგავს. იგი ჩაიკეცება და მოშვებული ჩამოჯდება ან წაიქცევა, მაგრამ ისე, რომ ტრავმას არ ღებულობს. ამ დროს, პირისახე ფერმკრთალდება, პულსი შესუსტებულია ან სრულიად არ ისინჯება, არტერიული სისხლის წნევა დაქვეითებულია. რამდენიმე წუთში ავადმყოფს ფერი მოსდის, უძლიერდება პულსი და უბრუნდება გონება, თავს კარგად გრძნობს, მხოლოდ ცოტახანს შეიძლება აწუხებდეს საერთო სისუსტე, თავბრუ.გულწასული ადამიანი უნდა დავაწვინოთ ისე, რომ თავი დაბლა ჰქონდეს, გავუხსნათ ტანისამოსი, ვასუნთქოთ სუფთა ჰაერი, შეიძლება ვაყნოსვინოთ ძმარი, ნიშადურის სპირტი (ფრთხილად, ისე რომ კანის დამწვრობა არ გამოიწვიოს), ვაპკუროთ სახეზე და გულმკერდზე წყალი, დავუზილოთ ხელ-ფეხი, გავუკეთოთ კანქვეშ ქაფური, კოფეინი, კორდიამინი, გრძნობის დაბრუნების შემდეგ დავალევინოთ მაგარი ჩაი ან ყავა. თუ უგონო მდგომარეობა რამდენიმე წუთზე მეტხანს გაგრძელდა, საჭიროა სასწრაფო დახმარების გამოძახება. უახლოეს დროში, ადამიანი უნდა გაესინჯოს ექიმს, გულის წასვლის მიზეზის გამოსაკვლევად.
წყარო: janmrtelobainfo.ge
გულის წასვლა და პირველადი დახმარება
⏱️ 1 წთ.
👁️ 2 012
100%