ბენტოს სახეობები:
ტიუკა ბენტო (იაპონურად 中華弁当) – ამ ტიპის ბენტოსთვის ჩინურ კერძებს იყენებენ.
კამამესი ბენტო (იაპონურად 釜飯弁当) – იყიდება რკინიგზის სადგურებზე ნაგანოს პრეფექტურაში. გამთბარი ბენტო მოთავსებულია თიხის ქოთნებში. ხშირად თიხის ქოთნებს სუვენირად იტოვებენ.
მაკუნო-უტი ბენტო (იაპონურად 幕の内弁当) – კლასიკური ბენტო, რომელიც შედგება ბრინჯისა და ნებისმიერი სხვა პროდუქტისგან (შეწვარი თევზი, მოხარშული კვერცხი, ქლიავის მარინადი და სხვ.)
ნორიბენი ბენტო (იაპონურად 海苔弁) – უმარტივესი ბენტო ბრინჯითა და საკვები წყალმცენარეებით.
საკე ბენტო (იაპონურად 鮭弁当) – მარტივი ბენტო ბრინჯითა და ორაგულით.
სიდასი ბენტო (იაპონურად 仕出し弁当) – მზადდება რესტორნებში და მიაქვთ შემკვეთებისთვის. ასეთ ბენტოს ხშირად მიირთმევენ შეკრებებზე. შეიცავს ტემპურას (თევზი, ზღვის პროდუქტები, ბოსტნეული), ბრინჯსა და მარინადს.
სუსიძუმე (იაპონურად 鮨詰め) – ბენტოს სახით შეფუთული სუში.
ტორიბენი (იაპონურად 鶏弁) – ბენტო ქათმის ხორცით.
ძუკუბენი (იაპონურად 塾弁)- სკოლის მოსწავლის ბენტო.
ჩარაბენი (იაპონურად キャラ弁) – ბენტო, რომელზეც გამოსახულია ადამიანის ან ცხოველის ფიგურა ან სახე.
ჰაიაბენი (იაპონურად 早弁) – სიტყვასიტყვით ითარგნება, როგორც სწრაფი ბენტო. განკუთვნილია საუზმესა და სადილს შორის მონაკვეთში მისართმევად.
ჰოკაბენი (იაპონურად ホカ弁) – ასე ეძახიან ბენტოს ნებისმიერ ტიპს, როცა ის მომხმარებელთან ადგილზე მიტანის სერვისს – ჰოკა-ჰოკა თეის მიაქვს.
რეიტო მიკანი (იაპონურად 冷凍ミカン) – გაყინული მანდარინი, რომელიც რკინიგზის სადგურებზე ეკიბენთან ერთად იყიდება.
ჰინომარუ ბენტო (იაპონურად 日の丸弁当) – როცა მოხარშულ თეთრ ბრინჯზე დევს წითელი სტაფილოს მრგვალი ნაჭერი ან დამწნილებული ქლიავი – უმე. ამ ტიპის ბენტო მეორე მსოფლიო ომის დროს გაჩნდა და დასახელება იაპონური დროშისგან – ჰინომარუსგან მიიღო.
წყარო: fridaykitchen.wordpress.com