მასალა:
* 1კგ ბრინჯი;
* 1კგ ხახვი;
* 1კგ სტაფილო;
* 5-6 ცალი შავი ქლიავი;
* 20გრ ქიშმიში;
* მარილი გემოვნებით;
* 1კგ ხორცი(ღორის, ძროხის, ცხვრის, გემოვნების მიხედვით);
* 150გრ მზესუმზირის ზეთი;
* 6 კბილი ნიორი;
მომზადება:
ზეთი გააცხელეთ დიდ სქელ კედლიან ქვაბში ან ღრმა ტაფაში. გაცხელებულ ზეთში ჩაალაგეთ წვრილად დაჭრილი ხორცი და ბლომად დააყარეთ მარილი. შეწვით მაღალ ცეცხლზე. შემდეგ დააყარეთ რგოლებად დაჭრილი ხახვი. ასევე შებრაწეთ, სანამ ოქროსფერად არ შეიფერება, ზემოდან დააწყვეთ ზოლებად დაჭრილი სტაფილო და გადაანაწილეთ ხორცზე სწორად, თუ საჭიროა დაამატეთ წყალი(ოღონდ წყალი მხოლოდ ხორცს უნდა ფარავდეს და არა სტაფილოს), დადგით დაბალ ცეცხლზე, დაახურეთ საფარებელი და მეტად აღარ აურიოთ. სტაფილო მზად იქნება 40 წთ-ის შემდეგ. მაშინვე დააყარეთ კარგად გარეცხილი ბრინჯი, მათში კარგად გადაანაწილეთ ნივრის კბილები , ქიშმიში, შავი ქლიავი(შავ ქლიავს წინასწარ კურკა უნდა გამოაცალოთ). დაასხით წყალი ბრინჯიდან 2-3 სმ -ით ზემოთ, დააფარეთ ისევ საფარებელი და უფრო ძლიერ ცეცხლზე შემოდგით დაახლოვებით ისევ 40წთ.
სუფრაზე მიიტანეთ ცხლად, გაანაწილეთ თეფშზე ამორევის გარეშე და გააფორმეთ მწვანილით.
წყარო: mary.ge