1. დაიწყეთ გადაწყვეტილებით
პირველი, რაც თქვენთვის აუცილებელია წონის შესამცირებლად ეს არის მყარი გადაწყვეტილება, რომ დაიკლოთ ჭარბი კილოგრამები. არა მხოლოდ სურვილი: „მე მინდოდა...“, არამედ მყარი და ურყევი სწრაფვა: „ მე გადაწყვეტილი მაქვს“. თქვენი გადაწყვეტილება უნდა იყოს მუდამ მზადყოფნაში, დროის ნებისმიერ მომენტში, განსაკუთრებით როცა გინდათ უყუროთ ტელევიზორს ან როცა უყურებთ გემრიელობებით სავსე ვიტრინას.
2. გამონახეთ თავისუფალი დრო
განსაზღვრეთ თავისუფალი დრო. შეადგინეთ პატარა გრაფიკი, რომელიც აღწერს თქვენს ყოველდღიურ საქმიანობას. თუ არ შეგიძლიათ მისი შედგენა მეხსიერებით უბრალოდ ყურადღება მიაქციეთ თავს ყოველდღიურად და ძილის წინ ჩაიწერეთ ყველაფერი, რასაც აკეთებთ გაღვიძებისთანავე.
3. გააცნობიერეთ როგორი გინდათ რომ იყოთ
როგორი გინდათ რომ დაინახოთ საკუთარი თავი? იქნებ გინდათ გავდეთ ვინმე ცნობილ ადამიანს? მოძებნეთ სტილი, რომელიც შთაგაგონებთ, როგორსაც გინდათ შეესაბამებოდეთ და წარმოიდგინეთ თავი ამ სტილის შესაბამისად. თუ თქვენი აზრით მზად არ ხართ ცხოვრებაში სერიოზული ცვლილებებისთვის, მაშინ მიდით სარკესთან და ჩაიხედეთ. თქვენი აზრით რისი მოკლება ან კორექტირება იქნებოდა კარგი?
4. გქონდეთ ახლობლების მხარდაჭერა
მნიშვნელოვანია, რომ თქვენმა ახლობლებმა იცოდნენ თქვენი გადაწყვეტილების შესახებ და აუცილებლად მხარს გიჭერდნენ. თუ აუცილებლობა მოითხოვს თხოვეთ მათ შეგახსენონ თქვენი გადაწყვეტილება შეცვლის შესახებ ყოველ ჯერზე, როცა გავიწყდებათ ის ან უბრალოთ ხელს ჩაიქნევთ. შეატყობინეთ მათ რომ ამის შემდეგ შეიცვლება თქვენი რაციონი, დაარწმუნეთ ისინი რომ არ გჭირდებათ ტკბილეულის გაყოფა ან ყიდვა.
5. დაისახეთ მიღწევადი მიზანი
არ ეცადოთ თვეში 5კილოზე მეტის დაკლებას, რომ ზიანი არ მიაყენოთ თქვენს ფიზიკურ და ემოციურ ჯანმრთელობას. თუ გინდათ დაიკლოთ ვთქვათ 15კგ, ამ წონის დასაკლები დრო უნდა იყოს მინიმუმ სამი თვე.
6. შეადგინეთ მოქმედების გეგმა
ამ ეტაპზე აუცილებელია დაყოთ თქვენი მიზანი მიღწევად ნაბიჯებად, მაგალითად დაიკლოთ კვირაში 1კგ. მაგრამ ნუ იჩქარებთ გეგმის შევსებას, თავიდან ჩაატარეთ ექსპერიმენტი ჩართეთ თქვენს გეგმაში ყოველდღიური ვარჯიში, ყოველკვირეული განტვირთვის დღე, ბუნებაში გასვლა, ფიტნეს კლუბში წასვლა და ა.შ. არ დაგავიწყდეთ ასევე მავნე ჩვევების მოშორება, თითოეული მავნე ჩვევის მოშორებას ჭირდება მინიმუმ ერთი თვე. და რაც არანაკლებ მნიშვნელოვანია თქვენი გეგმა უნდა მოიცავდეს ხარისხიანი დასვენების დროს.
7. აღიჭურვეთ მოთმინებით
თქვენი შევცვლა უნდა იყოს ძალიან ფრთხილი და თანდათანობითი. არ არის საჭირო უკიდურესობაში გადავარდნა, მაშინაც კი, თუ თქვენი საბოლოო მიზნის მისაღწევად გჭირდებათ სამი ან თუნდაც ხუთი წელი, ეს ნამდვილად ღირს. სასურველი მიზნის მიღწევასთან ერთად ამაღლდება ზოგადი განწყობა, ხარისხიანად შეიცვლება თქვენი ცხოვრება. იმისთვის კი, რომ ეს შენარჩუნდეს ერთ, მაღალ დონეზე, თქვენთვის აუცილებელია მისი თანდათანობითი მიღწევა. სწრაფმა ცვლილებებმა შეიძლება გამოიწვიოს ასეთივე სწრაფი უკან დახევა. ნუ გადააქცევთ თქვენს ცხოვრებას დიეტის დაწყების და დარღვევის ჩაკეტილ წრედ.
8. აწარმოეთ დღიური
ჩაიწერეთ მიღებული პროდუქტების სია, თქვენს მიერ მიღებული საკვების პორციის ზომა, თქვენი წონა გაზომილი ყოველდღიურად ან ყოველკვირეულად, თქვენი ქმედებები და მათი შესაბამისობა ან შეუსაბამობა თქვენს გეგმასთან. ასევე მოკლე შენიშვნები, მათ შორის თქვენს განწყობაზე ამა თუ იმ დროის პერიოდში.
9. შეიძინეთ სასწორი და საზომი ლენტი
რათქმაუნდა სასწორის და საზომი ლენტის გარეშე გაგიჭირდებათ შედეგების შეფასება, სარკე დაე იყოს ხარისხიანი ცვლილებების ასახვის ინსტრუმენტი, თუმცა ამ მიზნისთვის გამოდგება ფოტოაპარატიც, ის უფრო სამედოც კია.
10. აკონტროლეთ პროცესი
ნუ მისცემთ ცხოვრებას საშუალებას იდინოს თავისი დინებით, განსაკუთრებით პირველ ხანებში, ამან შეიძლება დაგაბრუნოთ უკან. შეახსენეთ თავს თქვენი მიზანი ყოველდღიურად, უკეთესი იქნება, თუ მოათავსებთ ჩანაწერს თქვენი მიზნის შესახებ თვალსაჩინო ადგილზე. რეგულარულად დაუბრუნდით გეგმის გადახედვას და მის რედაქტირებას, შეავსეთ დღიური, ეს უნდა გახდეს თავის მხრივ რიტუალის მსგასი.
11. ყურადღება მიაქციეთ პროგრესს
ეს აუცილებელი პირობაა თქვენი სრულყოფილებისკენ სწრაფვის გზაზე. ყურადღება მიაქციეთ პროგრესს, ასე თქვენ შეძლებთ გააანალიზოთ რამდენად გაახლოებთ მიზანთან თქვენი ქმედებები განსაზღვრულ დროში. რაც შეეხება წონას, შეაჯამეთ კვირაში ერთხელ.
12.დატვირთეთ თავი
ცხოვრება არ არის ერთი მისწრაფება, მასში შედის სამსახური, ახლობლებზე ზრუნვა, მიზნები, რომლისკენაც უნდა ისწრაფოთ. მასში უნდა შედიოდეს ასევე დისციპლინა და ზომიერება, და რათქმაუნდა ჯილდო თქვენი მიღწევებისთვის. ასე რომ, თქვენი ცხოვრების ჩვეულებრივი სიხარული - არის ეს ტკბილეული თუ სატელევიზიო პროგრამების ყურება უნდა გახდეს ჯილდო თქვენი მიღწევებისთვის, და არა ამაზე მეტი. მაგრამ გახსოვდეთ თუ არ არის მიღწევა - არ არის ჯილდო.
წყარო: caloriesdiet.ge
12 ნაბიჯი ლამაზი სხეულისკენ
⏱️ 1 წთ.
👁️ 4 526
100%