ქართულ მადისაღმძვრელ და ტრადიციულ სუფრას ვერც ერთი ქართველი ვერ უვლის გვერდს. შედეგად დღესასწაულის შემდგომ ყველა წონის მატებას და დისკომფორტს უჩივის. ახალი წლის დღესასწაული კი საქართველოში განსაკუთრებით გრძელვადიანია. ჯერ 31 დეკემბრის შემოსვლას ველით, შობამდე გადაბმულად ვზეიმობთ, მალე ძველით ახალი წელიც ახლოვდება და ბოლოს, კარგი პურ-მარილის მიზეზით ნათლისღებასაც აღვნიშნავთ. ერთი სიტყვით, ეს 20 დღიანი ლხენა ყოველი ჩვენგანის სხეულზე ადეკვატურად აისახება.
სწრაფი და სწორი გახდომა კი სწორედ ამ დღეებშია განსაკუთრებულად საჭირო. სწორედ ამიტომ დღევანდელ სტატიაში შემოგთავაზებთ რამდენიმე ხერხს დღეში 500 გრამის დასაკლებად.
1. წონაში კლების პირველი და ძირითადი გზა კალორიების შემცირებაა. საკვები დოზა ინდივიდუალურია და ადამიანის სხეულის მასის ინდექსსა და პროტოტიპზეა დამოკიდებული, თუმცა, როგორც წესი, კალორიების განახევრება საშუალო მაჩვენებელია. საუკეთესო გამოსავალს ყოველდღიურად 500 კალორიის მიღება წარმოადგენს. ეს რაოდენობა ორგანიზმის ფუნქციონირებისთვისაც სრულიად საკმარისია და არც შიმშილს ნიშნავს.
2. წონის კლების უკეთესი შედეგისთვის სხეულის ამოძრავებაც გმართებთ. დასაწყისისთვის ეცადეთ, იაროთ დახურულ ან ღია სივრცეში თუნდაც ტელეფონზე საუბრისას. მთავარია, ფიზიკური აქტივობისთვის დრო გამონახოთ. თუკი ყოველდღიურად ვარჯიშს არ სეირნობად 15-20 წუთს დაუთმობთ, 4 კვირაში ძალიან კარგ შედეგს ნახავთ.
3. მოერიდეთ თხილეულს. მართალია, ის ჯანმრთელობისთვის აუცილებელ და სასარგებლო თვისებებს შეიცავს, თუმცა წონაში მატებასაც უშლის ხელს. 1 მუჭა თხილი, დაახლოებით, 180 კალორიას შეიცავს. ამიტომ ეცადეთ, ახალი წლის დღესასწაულის შემდგომ პერიოდში თხილი, მიწის თხილი, ნიგოზი და ნუში რაციონიდან გამორიცხოთ.
4. გადადით სალათებზე. თუკი დღესასწაულზე ხორცს, ტკბილეულობას და ცომეულობას მიირთმევდით, დროა, თითოეული მათგანის მიღებაზე უარი განაცხადოთ. მიირთვით ზეითუნის ზეთით შეზავებული ბოსტნეულის სალათები. დაფიქრდით, რამდენ კალორიას დაწვავთ დღეში, თუკი რაციონს ჯანსაღი და ნაკლებკალორიული საკვებით შეცვლით.
5. გამორიცხეთ ალკოჰოლი. ამ დღეების მანძილზე თქვენ ისედაც საკმარისი რაოდენობის ალკოჰოლური სასმელი დალიეთ. თუკი კოქტეილზე, შამპანურზე, ვისკზე, ღვინოსა და არაყზე უარს განაცხადებთ, 2-3 დღეში მინიმუმ 800 კალორიაზე იტყვით უარს.
6. ბოლოს კი, იძინეთ მხოლოდ რვა საათი. გასაგებია, რომ ღამის თევისა და ღრეობის ფონზე დღე-ღამე აგერიათ და უფრო მეტ ძილს შეეჩვიეთ, თუმცა კვლავ მწყობრში ჩადგომა გმართებთ. დროა, დაიძინოთ ღამით და გაიღვიძოთ ადრე. დაიმახსოვრეთ: ბევრი ძილი ასუქებს!
თუკი ზემოთ ჩამოთვლილ წესებს ზუსტად დაიცავთ, იმოძრავებთ, დაითვლით კალორიებს და იძინებთ სწორად, მაშინ სასურველ წონას მალევე მიაღწევთ.
წყარო: lollipop.ge
წონის კორექცია ახალი წლის შემდეგ: როგორ დავიკლოთ 500 გრამი დღეში
⏱️ 1 წთ.
👁️ 3 716
100%