როდესაც მამაკაცი სექსისკენ გიბიძგებთ და თქვენ უარს ეუბნებით, მისი რეაქციის მიხედვით ბევრი რამის გაგება შეგიძლიათ. თუ ტელეფონზე ზარები მცირდება, ან საერთოდაც წყდება, აღარ გჩუქნით საჩუქრებს და პაემნების რაოდენობაც შეიზღუდა, უნდა მიხვდეთ, რომ მას მხოლოდ სექსისთვის სჭირდებოდით. მაგრამ, თუ თქვენი უარი არ მოქმედებს, მას თქვენი ესმის, რომ არ გინდათ იჩქაროთ და აგრძელებს ურთიერთობას, ესე იგი მისთვის მართლაც მნიშვნელოვანი ბრძანდებით. თუმცა ეს იმას არ ნიშნავს, რომ სექსი არ აინტერესებს, უბრალოდ მას თქვენი გრძნობებიც და ინდივიდიც იზიდავს და მოსწონს.
გთავაზობთ რამდენიმე მაგალითს, რაც „სექსამდე“ ყურადღების კონცენტრაციაში დაგეხმარებათ, რათა უკეთ გაიცნოთ თქვენი რჩეული.
1. ეცადეთ ორგანიზება გაუკეთოთ ისეთ პაემნებს, რომლებიც დაგეხმარებათ მისი ინტერესების უკეთ გაგებაში, მაგალითად იზიდავს ფოტოგრაფია, თეატრი, თუ ელექტრონული მუსიკა.
2. მოიწვიეთ მეგობრები მასთან ერთად სახლში. ეს დაგეხმარებათ გაიგოთ, როგორ იქცევა ის „ახალ, უცხო საზოგადოებაში.“
3. წადით მასთან ერთად ეკლესიაში, გაიგეთ რა შეხედულებისაა ზოგადად რელიგიის მიმართ.
4. გაისეირნეთ პარკში ბავშვებთან ერთად, ნახეთ რა დამოკიდებულება აქვს ბავშვების მიმართ.
5. გაიგეთ ვინ არის მისი საყვარელი მსახიობი ან მომღერალი, წადით თეატრში ან კინოში.
6. გააკეთეთ რაიმე „პირველად“ მარტო თქვენ ორმა... იჯირითეთ ცხენით, ან თუნდაც იხტუნეთ ბატუტზე.
7. მოძებნეთ მშვიდი ადგილი, სადაც ერთად დატკბებით მზის ჩასვლით.
8. მოაწყვეთ კინოათეატრი სახლის პირობებში.
9. მოუსმინეთ საყვარელ მუსიკას.
10. ეცადეთ გაიგოთ როგორი იუმორი აქვს.
ეს ყოველივე დაგეხმარებათ გაიგოთ რა კატეგორიის ადამიანთან გაქვთ საქმე, რამდენად კარგი, სუფთა და ალალია, ან საერთოდ გინდათ ის თუ არა. რაც მთავარია, ასეთი პაემნები გაამდიდრებს თქვენს ურთიერთობას.
წყარო: eva.ge
რა რეაქცია აქვს, როდესაც „არა“ -ს ეუბნებით
⏱️ 1 წთ.
👁️ 4 485
100%