როგორ? როგორ მოხდა, რომ საოცარი თაიგულებიდან ბინძურ ჭურჭლამდე მივედით?” - არ გაგიკვირდეთ, ეს კითხვა ბევრს არ ეუცხოვება, ზოგს ძილს უკარგავს ერთხანს, ერთი ტირის, ამისთვის გავთხოვდიო, მეორე წუწუნებს, მესამე ბუზღუნებს, მეოთხე ხმას არ იღებს და ჩუმ ცრემლს ყლაპავს, როცა ჯადოსნური ზღაპარს და რეალობას ერთმანეთს ადარებს. არადა სასოწარკვეთის მიზეზი არც არასდროს არსებობს, და, მით უმეტეს, ასეთი “აღმოჩენის” გამო. ოცნების ხორცშესხმა სულაც არ არის გვიანი.
“საუკეთესო რჩევები ბედნიერი ქორწინებისთვის” - უამრავი წიგნი არსებობს მსგავსი სათაურით, წიგნებს თავი დავანებოთ, აუცილებელს და საჭიროს გამოცდილებასთან ერთად სხვაც ბევრი რამ გვასწავლის. მაგრამ, მოდით, ამჯერად, დროებით ამ წიგნით დავკმაყოფილდეთ და ძალიან მოკლე ამონაწერებით ბედნიერი ქორწინების 5 საიდუმლოს გავეცნოთ:
1. პატივისცემა - როგორც წესი:
ერთმანეთში აღფრთოვანებას თუ არ იწვევთ, ცხოვრება საერთოდ არ ეწყობა. პატივისცემა აუცილებელია. ნუ მისცემთ გარემოებებს იმის უფლებას, რომ ასეთი დამოკიდებულება შეცვალონ. სიბერემდე ერთად ყოფნა ერთმანეთის პატივისცემის გარეშე შეუძლებელია. ამიტომ სიმშვიდით მიიღეთ საყვარელი ადამიანის გარეგნობაში დროის ნაჩუქარი ცვლილებები და ადამიანი შინაგანი თვისებებისთვის უფრო შეიყვარეთ.
2. ჯადოსნური შეხება:
“ცხოვრების გიჟური რიტმის მიუხედავად, სასიამოვნო წვრილმანების დროს ყოველთვის გამოვძებნით ხოლმე - ღიმილი, ნაზი შეხება, მსუბუქი კოცნა, ალერსიანი მოხვევა. ეს ყველაფერი უფრო ახლო ადამიანაბად გვაქცევს და მთელ დღეს ათბობს, გადარბენებსაც აადვილებს და საქმეც უფრო გამოდის, ოჯახური კერა კი არ ნელდება”.
3. თავს უფლება მიეცით, რაღაცას არ დაეთანხმოთ:
“ყველაზე ბედნიერი ქორწინების შემთხვევაშიც, ადრე თუ გვიან მეუღლეების აზრი რამეზე მაინც გაიყოფა. როცა ისეთი საკითხი დგას, ჩვენს ყოველდღიურ ცხოვრებას რომ არ ეხება, ხშირად ვაძლევთ საკუთარ თავს იმის უფლებას, რომ არ დავეთანხმოთ ერთმანეთს. პოლიტიკაზე ან რამე განყენებულზე კამათი საინტერესოცაა. მაგრამ ისეთი პრობლემების დროს, რომელიც ერთობლივ გადაწყვეტილებას ითხოვს (მაგალითად, როგორ აღვზარდოთ შვილები) ყველა “დიახ” და ”არა” გათვალისწინებულია და საერთო აზრის ჩამოყალიბებას ვცდილობთ. ჩხუბით, არ ვჩხუბობთ და არც წყენაა ხშირი. სიმშვიდე არ ქრება, რადგან ყველა გამოსავალი ერთობლივადაა მიგნებული და პასუხისმგებლობაც თანაბრად ნაწილდება”.
4. მებრძოლი სული:
“კამათის არ შეგეშინდეთ, მაგრამ მოკამათეს პატივი უნდა სცეთ. რაზეც დაობთ, იმაზე ილაპარაკეთ და ერთმანეთს თავს ნუ დაესხმებით. მოლაპარაკება და დათმობა ისწავლეთ. ყველა დავაში სამართლიანი და მტკიცე დასაბუთება კავშირს მრავალი წლით ამყარებს”.
5. სიყვარული – ბრძოლის ველი არ არის:
“მეუღლესთან დავაში სექსი იარაღად არასდროს გამოიყენოთ. იმ პრობლემის მოსაგვარებლად, რომელიც გაწუხებთ, “უარს” ნუ გამოიყენებთ. გახსნილი უნდა დარჩეთ და საკუთარ თავში არ უნდა ჩაიკეტოთ, ასე მოქცევა ოჯახში არ გამოდგება. ქორწინებაში სიყვარული სხვადასხვა სტადიას გადის, ამიტომ აუცილებლად უნდა მოემზადოთ იმისთვის, რომ თქვენი სიყვარული (სულიერიც და ფიზიკურიც) ცვლილებებს დაექვემდებარება და სახეს შეიცვლის, დაიმახსოვრეთ სხვა სტადიაში გადავა და ეს არ ნიშნავს, რომ გაქრა და აღარ არის. ისიც გახსოვდეთ, რომ ასეთი სახის ცვლილებები პარტნიორის ოჯახს გარეთ ძებნის მოტივად არ უნდა აქციოთ”.
“მნიშვნელოვანია ბავშვებზე საუბარი, მარტო ქორწინებამდე კი არა, შემდეგაც. უბრალოდ რომ ვხვდებოდით და ჯერ ქმარი არ იყო, გვისაუბრია ჩვენც ამაზე. ისიც მახსოვს, როგორ შევთანხმდით ბავშვების რაოდენობაზე. მაგრამ მესამე შვილი რომ შეგვეძინა, მეუღლემ ძველი ოცნება 5-შვილიან ოჯახზე ახლით შეცვალა და მეც დავეთანხმე. მოკლედ, აუცილებელია ყველაფრის ერთად განსჯა, ნამდვილი ურთიერთობა, გულგახსნილობა. დაფარული, უთქმელი და მიჩქმალული არცერთი პრობლემა არ უნდა დარჩეს”.
ასეთია, “ბედნიერი ქორწინების 5 საიდუმლო” უკვე ნახსენები წიგნის მიხედვით და დავეთანხმებით თუ არა, ან გავითავლისწინბთ თუ არა რამეს მაინც ამ ხუთი პუნქტიდან, ჩვენი კეთილი ნებაა...
ფოტო: ფრედ ასტერი და ოდრი ჰეპბერნი
წყარო: eva.ge
კიდევ 5 წესი ბედნიერი ქორწინებისთვის
⏱️ 1 წთ.
👁️ 1 693
100%