ყავა, ლობიო და ვაშლი – ქალის ჯანმრთელობის მთავარი პროდუქტები



ერთბაშად სამი სამედიცინო აღმოჩენა გამოვლინდა იმის შესახებ, თუ როგორ უნდა იკვებოს ქალმა იმისათვის, რომ ჯანმრთელობა შეინარჩუნოს.

დღეში 2–3 ჭიქა ყავას შეუძლია შეამციროს ქალებში ინსულტის რისკი, ირწმუნებიან მადრიდის დამოუკიდებელი უნივერსიტეტის ექსპერტები. ასეთი მონაცემები აჩვენა 24–წლიანმა გამოკვლევებმა, რომელშიც მონაწილეობა 83.000–მა ქალმა მიიღო. საგულდაგულოდ შეისწავლეს მათი ჯანმრთელობის მონაცემები და ცხოვრების წესი, მეცნიერებმა დაასკვნეს, რომ ყავის მოყვარულები უკეთ არიან დაცულები ინსულტისაგან, ვიდრე დანარჩენები. ამასთან, ექიმებმა განსაკუთრებული ყურადღება მიაქციეს იმას, რომ ეს წესები მხოლოდ იმ ადამიანებისთვისაა, რომლებსაც ჯანმრთელი გულ–სისხლძარღვთა სისტემა აქვთ. თუ თქვენ გაქვთ პრობლემები წნევასთან და გულთან მიმართებაში, ყავა თქვენ არ დაგეხმარებათ, შესაძლოა გაწყინოთ კიდეც.

ინსულტი წარმოადგენს თავის ტვინში სისხლის მიმოქცევის მკვეთრ ცვლილებებს – დაცობის, გასკდომის ან ძლიერი შევიწროების სახით. ჟანგბადის გარეშე, რომელიც სისხლით მიეწოდება, ტვინის უჯრედები რამდენიმე წუთის განმავლობაში კვდება, რაც აჩქარებს სიკვდილს. ინსულტის შემდეგ შესაძლოა გადარჩეთ, მაგრამ როგორც წესი, ის კვალს ტოვებს: ტვინის უჯრედების ნაწილობრივ კვდომის გამო, ადამიანი რჩება ინვალიდად, მათ მოძრაობის ფუნქცია ერღვევათ, შინაგანი ორგანოები უავადდებათ. სტატისტიკის მიხედვით, ინსულტი ინფარქტის შემდეგ მეორეა სიკვდილის მიზეზთა შორის. ინსულტის შედეგად ავადობა და სიკვდილიანობა ერთ–ერთი ყველაზე მაღალია მსოფლიოში.

ამერიკელმა მკვლევარებმა გამოკვლევები ჩაატარეს ვირთხებზე და აღმოაჩინეს, რომ ვაშლის ექსტრაქტი ეხმარება ადენოკარცინომების (კიბოს ნაირსახეობის) ზრდის შემცირებაში. ამდენად, რაც უფრო მეტი ექსტრაქტი მიიღეს ცხოველებმა, მით უფრო შესუსტდა სიმსივნის ზრდა. ვაშლის თერაპია თავიდან აცილებდა ახალ წარმონაქმნებს – ამ ექსტრაქტის წყალობით ვირთხებში სიმსივნე გაცილებით ნაკლები იყო. როგორც მეცნიერები ვარაუდობენ, ასეთი ეფექტი გამოწვეულია ვაშლში შემავალი ფლავანოიდებით, რომლებიც აგრეთვე არის ფორთოხალში, ყურძენში, მარწყვსა და ქლიავში.

ადენოკარციონომი – ავთვისებიანი სიმსივნეა, რომელიც ჯირკვლის უჯრედებში წარმოიქმნება და რომელიც წარმოადგენს მკერდის კიბოთი ხშირ სიკვდილიანობას. თავის მხრივ, მკერდის კიბო, დიაგნოსტიკის სიხშირის მიხედვით, არის მსოფლიოში მეორე. სტატისტიკის მიხედვით, ამით ავადდება პლანეტის ქალთა 10 პროცენტი 13 წლიდან 90 წლამდე.

ლობიოს სასარგებლო თვისებები შეისწავლეს კოლორადოს სახელმწიფო უნივერსიტეტის მეცნიერებმა. მათ ჩაატარეს ექსპერიმენტები ვირთხებზე, რომლის დროსაც ცხოველებს აჭმევდნენ ლობიოს სხვადასხვა სახეობებს, რომლებიც ჩვეულებრივ სუპერმარკეტებში იყიდება. ისინი იმ ფაქტს ეყრდნობოდნენ, რომ ლობიო შეიცავს საკმაო რაოდენობას ანტიოქსიდანტებისა და ფლავინოიდების, რომლებიც თეორიულად ამცირებენ კიბოთი დაავადებებს. ექსპერიმენტის ბოლოს ეს ვარაუდი გამართლდა: ლობიოს დიეტის წყალობით ცხოველებში კიბოთი დაავადება შემცირდა 30 პროცენტით. ამასთან, იმ ვირთხებს, რომლებსაც კიბო მაინც განუვითარდათ, სიმსივნის რაოდენობა ორჯერ ნაკლები იყო საშუალო დონეზე. რაც საინტერესოა, ეფექტი იყო ყველა სახეობის ლობიოს გამოყენებისას ერთნაირი, იმის მიუხედავად, თუ რა რაოდენობით ანტიოქსიდანტებსა და ფლავინოიდებს შეიცავდნენ ისინი. ამიტომ, ექიმებმა გადაწყვიტეს, რომ კიბოს საწინააღმდეგო თვისებების ხასიათდება რაღაც სხვა, მაგრამ რა არის ის სხვა, ჯერ ვერ დაადგინეს.

მინიშნებისთვის. მთელი მსოფლიოს მეცნიერები მუდმივად იკვლევენ კიბოთი დაავადებებსა და ჩვენს კვებას შორის დამოკიდებულებას. კერძოდ, ერთი წლის წინ იმ პროდუქტების რაოდენობა, რომლებიც კიბოსგან გიხსნიდათ, გაიზარდა ბროკოლით, ნივრითა და გრეიპფრუტით. და პირიქით, დაავადების რისკს ზრდის ალკოჰოლი (განსაკუთრებით ლუდი) და ცხიმიანი რძის პროდუქტები. ბოლო განსაკუთრებით კაცებს ეხებათ, რომლებსაც უყვართ რძე. მეცნიერები მათ აფრთხილებენ, რომ შესაძლოა პროსტატის კიბო დაემუქროთ.

მოამზადა მანანა კორძაძემ, ჟურნალი გუმბათი. N 28

წყარო: sana.ge
































ტექსტის სანახავად გაიარეთ რეგისტრაცია.