უკვე რამდენჯერმე მკითხეს, როგორ მოიქცნენ იმ შემთხვევაში თუ დაქალი აკრიტიკებთ. აი მეც გადავწყვიტე დამეწერა სტატია იმაზე თუ როგორ მივიღოთ დაქალის კრიტიკა.
1. გავიგოთ მოტივი. თავდაპირველად უნდა გავიგოთ რატომ იქცევა ასე. შეიძლება არსებობდეს 2 ვარიანტი: მას მართლა სურს დაგეხმაროს ან შენი გაკრიტიკებით იმაღლებს თვითშეფასებას (დიახ, ასეთი ,,დაქალებიც“ არსებობენ).
დაფიქრდი სიმართლეს შეესაბამება თუ არა მისი კრიტიკა. იქნებ მართლაც არ გიხდება ეს კაბა (შეგიძლია სხვებს კითხო). თუ აღმოჩნდება, რომ ის მართალია და უნდოდა შენთვის უკეთესი, მაშინ სთხოვე, რომ კრიტიკის ნაცვლად მოგცეს რჩევები.
იმ შემთხვევაში, თუ შენ დარწმუნებული ხარ, რომ კრიტიკა არ შეესაბამება სიმართლეს, მაშინ უბრალოდ არ მიაქციო ყურადღება. ეს მიუთითებს მის შურიანობაზე, რაც ნიშნავს, რომ შენ მასზე უკეთესი ხარ.
2. გავარჩიოთ კრიტიკა რჩევისგან. ზოგჯერ შეიძლება რჩევა მივიღოთ კრიტიკად. დიახ, რჩევები ყოველთვის კარგი როდია (ანუ როცა არ გაქებენ). მთავარია, გავარჩიოთ რჩევა კრიტიკისგან. კრიტიკა ყოველთვის მიუთითებს შენს ნაკლზე, მაშინ როცა რჩევები არამხოლოდ მიუთითებს იმაზე რა არ გაქვს წესრგიში, არამედ გკარნახობს როგორ გადაჭრა ეს პრობლემა.
მაგალითად: შენ იყიდე ახალი კაბა. დაქალის კრიტიკა: ,, ეს კაბა არ გიხდება და საერთოდაც 2 წელია უკვე რაც მოდიდან გადავიდა“. დაქალის რჩევა: ,, იცი ეს კაბა არ გიხდება, შენი თვალების ფერს არ უსვამს ხაზს. გასულ კვირას შესანიშნავი კაბა ვნახე, ზუსტად შენთვისაა შეკერილი“.
მე მოგიყვანეთ ძალიან უბრალო მაგალითი. ვიმედოვნებ, რომ აზრი გასაგებია. ეს შეიძლება ეხებოდეს ვარცხნილობას, ბიჭებს ...
3. ვნახოთ სარგებელი. ნებისმიერი კრიტიკიდან შეიძლება დავრჩეთ მოგებულები. მთავარია არ ჩავიციკლოთ ამაზე. შენ ყველა შემთხვევაში ლამაზი და ჭკვიანი ხარ. შეცდომებისგან კი არავინაა დაზღვეული. ეცადე კრიტიკიდან გამოიტანო სასარგებლო რჩევები, დანარჩენს კი ნუ მიაქცევ ყურადღებას.
სულ ეს არის. ველოდები თქვენს იდეებს ამ თემასთან დაკავშირებით.
თაკო ცილიკიშვილი
წყარო: www.Lady.Mcvane.Ge
მასალის გამოყენების პირობები: აუცილებელია წყაროს მითითება!!!
თუ დაქალი გაკრიტიკებთ
⏱️ 1 წთ.
👁️ 1 785
100%