სამზარეულოს დანები ცალკე შეინახეთ, რადგან ლითონის სხვა საგნებთან შეხებისას ბლაგვდება. ამავე მიზეზის გამო, არ გარეცხოთ ცხელ წყალში.
სანამ მინის ჭურჭელში მდუღარე წყალს ჩაასხამდეთ, ჭურჭელი ორთქლზე გადაატარეთ და ქვეშ სველი ტილო დაუფინეთ, რომარ გასკდეს.
გარეცხილი ბოსტნეული დიდხანს არ დატოვოთ წყალში. სალათები კი უშუალოდ ჭამის წინ მოამზადეთ, ვიტამინები რომ არ დაკარგოს.
მზესუმზირის ზეთი რომ არ აგიმწარდეთ, ბოთლს თავი მჭიდროდ არ დაახუროთ.
რძე გამჭირვალე ჭურჭელში არ შეინახოთ, რადგან რიბოფლავინს, A და B ვიტამინებს დაკარგავს. რძე რომ მალე ადუღდეს, მასში ერთი მწიკვი შაქარი ჩაყარეთ.
კვერცხი, რომელსაც გაბზარული ნაჭუჭი აქვს, მოხარშეთ მარილწყალში და ცილა გარეთ აღარ გამოჟონავს. მაცივარში კვერცხის გული 3 დღე ინარჩუნებს გემოს, ცილა კი მაშინვე უნდა გამოიყენოთ. ცილა კარგად აითქვიფება, თუ ერთ მწიკვ მარილს დაამატებთ.
ძველი ლობიო ადვილად მოიხარშება თუ ცივ წყალში მთელი ღამე გააჩერებთ. დილით წყალი გადაღვარეთ, მდუღარე დაასხით და მაშინვე მოხარშეთ.
ტომატი აუცილებლად უნდა შევინახოთ ცივ ადგილას მინის ჭურჭელში. ზედაპირზე ობი რომ არ მოიკიდოს, მოაყარეთ მარილი და ძალიან ცოტა ზეთი.
ორჯერ გაყინული ხორცის კვებითი ღირებულება მკვეთრად კლებულობს. გირჩევთ გაყინული ხორცის გალღობისთანავე მოამზადოთ კერძი.
საქონლის ხორცი მალე მოიხარშება და უფრო გემრიელი იქნება, თუ მასში 1 ჩ/კ ძმარს ჩაამატებთ.
წვნიანის ხარშვისას ქაფს იმიტომ ხდიან, რომ წვნიანი გამჭვირვალე იყოს. კერძის გემოზე კი ქაფი არ მოქმედებს.
თუ წვნიანი დაგიმლაშდათ, შიგ ჩააგდეთ ნატეხი შაქარი, როგორც კი შაქარი დნობას დაიწყებს, მაშივნე ამოიღეთ, მარილი შაქარს ამოყვება. თუ კიდევ მლაშეა, ისევ გაიმეორეთ ან წვნიანში უმი კარტოფილის ნაჭერი ჩადეთ და ცოტა ხანს ხარშეთ.
წყარო: feme.ge
სამასხოვრო რჩევები ახალბედა დიასახლისებს
⏱️ 1 წთ.
👁️ 1 823
100%