ბოლო დროს იმატა იმ მამაკაცების რიცხვმა, რომლებიც მცირეწლოვან გოგონებს 40 წელს გადაცილებულ ქალებს ამჯობინებენ. ამისთვის ბევრი მიზეზი არსებობს, მაგალითად:
+40 ქალი არ გაგაღვიძებთ ღამე შეკითხვით - „რაზე ფიქრობ?“
+40 ქალი არ იწუწუნებს მომაბეზრებლად, როცა კაცი სპორტულ გადაცემებს უყურებს, ამ დროს ის მისთვის ბევრად საინტერესო გასართობით დაკავდება.
+40 ასაკის ქალი საკმაოდ თავდაჯერებულია, იცის, რა უნდა და განვითარებული აქვს საკუთარი ღირსების გრძნობა. რომც იმსახურებდე, არ მოგიწყობთ ისტერიკას თეატრსა თუ რესტორანში. გაბრაზებას მხოლოდ იმ შემთხვევაში გამოხატავს, თუ იცის, რომ „გაუვა“.
+40 ასაკის ქალი თავისუფლად გაგაცნობთ მეგობარს, რადგან იცის, ამ ასაკში არ ჰყავს ისეთი მეგობარი, რომელიც ეცდება მას მამაკაცი წაართვას. ამიტომაც, მას არ ანაღვლებს თქვენი კომპლიმენტები მეგობრის მიმართ.
+40 ასაკში ქალს საოცარი ინტუიცია აქვს. თქვენ არ გჭირდებათ რამეში გამოტყდომა – მან ისედაც ყველაფერი იცის.
+40 ასაკის ქალზე გაცილებით მადისაღმძვრელად გამოიყურება მუქი წითელი ტუჩის საცხი, ვიდრე ახალგაზრდა გოგონაზე.
მამაკაცი, რომელიც ყურადღებას არ აქცევს ელემენტარულ ნაოჭებს, ხვდება, რომ ქალი, რომელმაც ორმოცს გადააბიჯა გაცილებით მიმზიდველია, ვიდრე ახალგაზრდა. ის არ იტყუება და თუ მამაკაცზე ფიქრობს, რომ „პირუტყვია“, დაუფარავად ამბობს კიდეც.
ასე რომ, ნამდვილად ბევრი მიზეზია, რის გამოც მამაკაცები 40+ ქალით არიან აღფრთოვანებული.
სამწუხაროდ, იმავეს ვერ ვიტყვით მამაკაცებზე. ყოველ მოვლილ და ჭკვიან ქალზე სტატისტიკურად მელოტი და „ღიპიანი“ მამაკაცი მოდის, რომელიც 20 წლის ოფიციანტსაც იგივე შემართებით „ეკურკურება“, ის ხომ ისევ „შეუდარებელია...“
მამაკაცების საყვარელი გამოთქმაა - „რატომ ვიყიდო ძროხა, როდესაც შემიძლია რძე უფასოდ მივიღო?.. დღეს კი, ქალბატონების 80% აღარ არის დაინტერესებული ქორწინებით. რატომ? იმიტომ რომ მარტივ ჭეშმარიტებას მიხვდნენ, ერთი სარდელის გამო მლიანი ღორის ყიდვა საჭირო არ არის!
მოამზადა: სოფო ქიტიაშვილმა
წყარო: eva.ge
ქალი, რომელმაც 40 წელს გადააბიჯა...
⏱️ 1 წთ.
👁️ 3 342
100%