ამ დიეტის არსი იმაშია, რომ ვაშლში შემავალი ბოჭკო ადვილად ანაყრებს, მისი სიტკბო კი საჭმლისადმი ძლიერ სურვილებს აქრობს.
დიეტოლოგი ამ დიეტის დაცვისას გვირჩევს, რომ დღეში 4-5 ჯერადი კვებით ვიკვებოთ, მხოლოდ პატარა ულუფებით. კვების რაციონი კი უმჯობესია მდიდარი იყოს ჯანსაღი საკვებით, რომელიც ღარიბი იქნება ცხიმებით, მაგრამ მდიდარი პროტეინებით.
გარდა იმისა, რომ დღეში მინიმუმ 3 ცალი ვაშლის ჭამაა აუცილებელი, ფლინი ამბობს, რომ უნდა მიირთვათ 5-6 პორცია ხილი და ბოსტნეული დღეში, რაც ორგანიზმში ზედმეტი კალორიების დაგროვებას შეუშლის ხელს.
რეკომენდებული საკვები:
ვაშლი, დაბალცხიმიანი ყველი, დაბალცხიმიანი იოგურტი, კვერცხი, ქათმის მკერდი ან ინდაურის ხორცი, ორაგული, შვრია, ყავისფერი ბრინჯი, ბროკოლი, სალათის ფურცლები.
დიეტის მაგალითი:
საუზმე: ვაშლი, ომლეტი ყველით, 1 ჭიქა წინა ღამით დაყენებული შვრია.
დილის სასუსნავი: 1/2 ჭიქა უცხიმო იოგურტი, ამდენივე დაბალციხმიანი ყველი.
ლანჩი: ვაშლი, გრილზე შემწვარი ქათმის მკერდი, ორთქლზე მომზადებული ბროკოლი, 1/2 ჭიქა ყავისფერი ბრინჯი.
შუადღის სასუსნავი: ნებისმიერი ხილი ან ბოსტნეული.
სადილი: ვაშლი, გრილზე შემწვარი ორაგული, მწვანე სალათი
დიეტის დადებითი თვისებები:
ვაშლი ამცირებს ორგანიზმში ქოლესტერინის შემცველობას, მასში არსებული ფლავონიდები ებრძვის გულის დაავადებებს. დიეტა ადვილი დასაცავია და არ საჭიროებს გამუდემბით კალორიების თვლას.
წყარო: lollipop.ge