ჩაქაფული

* ხორცი ბატკანი, ხბო 2 კგ.;
* ღვინო თეთრი 500 მლ.;
* ოხრახუში 4 კონა;
* მწვანე ხახვი 4 კონა;
* ქინძი 4 კონა;
* ტარხუნა 6 კონა;
* წიწმატი 2 კონა;
* მჟაუნა 2 კონა;
* ხახვი 1 თავი;
* კამა;
* პიტნა;
* ძმარი 1 ს/კ;
* ტყემალი 1 ჭიქა;
* შავი წიწაკა;
* მარილი;



დაჭრილი და გარეცხილი ხორცი დაჭრილ მწვანილთან და მწვანე ხახვთან ერთად ფენა-ფენა ჩავაწყოთ ქვაბში, შიგადაშიგ მოვაყაროთ მარილი და პილპილი. ცოტა მწვანილი მოვიტოვოთ ბოლოს ნედლად ზემოდან მოსაყრელად. დავასხათ წყალი და წამოდუღებისთანავე ცეცხლს დავუწიოთ. ხორცი ნახევარზე მეტად რომ მოიხარშება, დავაყაროთ ტყემალი და ცოტა მოგვიანებით დავამატოთ კარაქი. როდესაც კერძი თითქმის მზად იქნება, მთელი მასა ხის კოვზით მსუბუქად ჩავკეპოთ და ძალიან დაბალ ცეცხლზე კიდევ ცოტა ხანს ვადუღოთ.



წყარო: mary.ge