მოწიწებით მომიყვა ისტორიაც, რომ ტიბეტური ჯანმრთელობის რეცეპტი მონასტერში იპოვეს, სადაც ბერები 120 წელი ცოცხლობდნენ და სიცოცხლის ბოლომდე მზის სხივი ენთოთ თვალის გუგებში... მე დავუჯერე და უკვე 2 წელია, წელიწადში ერთხელ მაინც ვიკეთებ ამ კურსს. უმარტივესია, თუკი მოინდომებთ.
კურსი მხოლოდ 15 ლარი ჯდება. 4 მთავარი მცენარე უნდა იყიდოთ აფთიაქში, ან თავად გაახმოთ. მე ვყიდულობ ლესელიძის ქუჩაზე, მწვანე აფთიაქში, სადაც ყოველთვის აქვთ ეს კონკრეტული კომპონენტები.
მაშ ასე, შეიძინეთ:
* 100 გრამი გვირილა,
* 100 კრაზანა (ზვერაბოი),
* 100 გრამი არყის ხის კვირტები,
* 100 გრამი უკვდავა (ბესსმერტნიკ).
გვირილა
კრაზანა
არყის ხის კვირტები
უკვდავა
როცა ლესელიძეზე, მწვანე აფთიაქში ჩამოთვლა დავიწყე, გამყიდველმა გააგრძელა მცენარეების სია. ანუ ცნობილი რეცეპტია და ალბათ, აკეთებთ კიდეც, მაგრამ მაინც შეგახსენებთ. მოკლედ, იყიდით კომპონენტებს, დააქუცმაცებთ და ერთმანეთში აურევთ. მოათავსებთ მშრალ შუშის ქილაში. დაახურავთ ჰერმეტიულად.
ჩაის მომზადება:
1 სუფრის კოვზი მცენარეების ნაზავი, ჩაყარეთ შუშის ჩაიდანში (მე ვამზადბ პრესის ყავისთვის გამკუთვნილ ყავადანში) დაასხით 600 გრამი მდუღარე წყალი, ყავადანის ფილტრი ქვემოთ ჩაუშვით, მცენარეები რომ დაილექოს. 20 წუთში ჩაი მზადაა. მიირთვით 300 გრამი ანუ სავარაუდოდ 1 ჭიქა დილით, უზმოზე და მეორე ნაწილი საღამოს ძილისწინ.
1. გვირილა - ანტიბიოტიკია, ნაღვლმდენია, დუღილის პროცესს აფერხებს ორგანიზმში, სპაზმებს ხსნის... გვირილის ეთერზეთები აძლიებს სუნთქვას, გულს ალაღებს, ტვინს კვებავს... გვირილა გვასუფთავებს შხამებისგან, ახორცებს ჭრილობებს, ახშობს ანთებას.
2. კრაზანა - კუჭნაწლავის წამალია, თირკმელებისთვის და ღვიძლისთვის უებარი. გაციებას აშუშებს. ტუბერკულოზს კურნავს. დეპრესიის და ნევროზების მტერია. აყუჩებს თავის ტკივილს. სისხლდენას აჩერებს. სხვათაშორის, კრაზანას ჩაის შეუძლია ზედმეტად მთვრალის გამოფხიზლებას ასე იქცეოდნენ ძველები. კრაზანა იდეალურია გამოსავლებად - მისი ნაყენი პირის ღრუს ჯანმრთელობაა.
3. უკვდავა - ძლიერი ამოსახელებელია, ხელს უწყობს ნაღველის გამოსვლას. იდეალური ანტიმიკრობული თვისებები აქვს. სისხლს აღონიერებს, წნევას აწესრიგებს.
ამცირებს შეშუპებას. უკვდავას ნაყენი აშუშებს ანგინას, ლარინგიტს, ბრონხიტს.
4. არყის ხის კვირტები - ამ საოცარი მცენარის ნაყენი საოცრებებს ახდენს - ანგინის, ტრაქეიტის, ბრონქიტის წამალია. ბაქტერიების და სოკოების მტერია. სტაფილოკოკებს მახვილით დასდევს. ერთი სიტყვით, ბუნებრივი ანტიბიოტიკია. შეშუპებას აქრობს, შარდმდენია, ასვენებს გულს. სუნთქვას აჯანსაღებს.
რაც მთავარია: ერთი კურსი ამოიწურება, როცა მცენარეების მიქსი გაგითავდებათ. კურსის გამეორება 6 თვის შემდეგ. შემდეგ 2 წელი ისვენებთ. დასვენებაზე გამახსენდა - ჩვენი ჯანმრთელობის მთავარი არტერია დასვენებაა.
გულზე ხელი დაიდეთ და გამოტყდით, იცით რა არის ნამდვილი დასვენება?
-მე არა
ტიბეტელი გეტყვით, თუ გსურთ გარესამყაროში ახალგაზრდად აღგიქვან, თავად უნდა დაიჯეროთ, რომ მარადიული ახალგაზრდა ხართ. ასეა ყველაფერში: სახლში, საქმეში, მეგობრობაში, სიყვარულში... ჯერ შენ უნდა დაიჯერო, შემდეგ გარშემო დაგიჯერებენ. ასე არ არის? ნამდვილი დასვენება - ჩვენი მონდომების შედეგია, როცა ფიქრის საცავიდან უვარგისს ვყრით და ახალი ენერგიით ვივსებით.
წყარო: mary.ge