მასში დიდი რაოდენობითაა C ვიტამინი, თანაც _ ისეთი ფორმით, რომელიც აქტიურად მოქმედებს და იოლად შეითვისება ორგანიზმის მიერ. მასში ათჯერ უფრო დიდი რაოდენობითაა წარმოდგენილი ასკორბინის მჯავა, ვიდრე შავ მოცხარში. ასკილი ასევე მდიდარია კაროტინებით. მშრალი ნაყოფისგან მომზადებული ნაყენი (70) გრამი მთლიანად უზრუნველყოფს ბავშვისთვის საჭირო C ვიტამინის დღიურ ნორმას. აპრილიდან დაწყებული ზოგიერთ ბოსტნეულში _ კარტოფილში, ბულგარულ წიწაკაში, ქაცვში, C ვიტამინის განლევა ხდება, მაგრამ ეს არ ეხება ასკილს. მისი ყველა ჯიში C ვიტამინს ერთნაირი რაოდენობით არ შეიცავს. სიუხვით გამოირჩევა ყავისფერი ასკილი და მისი ნაირსახეობები. ყავისფერ ასკილს ფოთლები ზემოთ აქვს აწეული და მისი შეგროვებაც რთული არ არის. უნდა ვიცოდეთ ისიც, რომ ნებისმიერი სახის მცენარის სასარგებლო და სამკურნალო თვისების შენარჩუნება მნიშვნელოვნად არის დამოკიდებლი იმაზე, როგორი წესით არის გამომშრალი.
ბავშვებისთვის ასკილის ნაყენის მიღება წელიწადის ნებისმიერ დროს არის რეკომენდირებული. თუმცა განსაკუთრებით მნიშვნელოვანია გაზაფხული. მოგეხსენებათ აპრილი ჰიპოვიტამინოზის თვედ ითვლება. ასკილის ნაყენის მომზადების რამდენიმე მეთოდი არსებობს. ყველა შემთხვევაში მნიშვნელოვანია დავიცვათ რამდენიმე აუცილებელი პირობა. კერძოდ, ასკილის ცივ წყალში ჩაყრა არ არის რეკომენდირებული. ამისათვის ადუღებული წყალი უნდა გამოვიყენოთ. ასევე მნიშვნელოვანია ნაყენის დუღილის დროც _ დაახლოებით 10 წუთი. რამდენი ასკილია საჭირო ერთი ულუფა ნაყენის მოსამზადებლად, ამის განსაზღვრა ინდივიდუალურად, გემოვნების მიხედვით უნდა მოხდეს. ნაყენი უნდა მომზადდეს თავდახურულ ჭურჭელში და მისი მიღება, მომზადებიდან დაახლოებით ხუთი-ექვსი საათის შემდეგ შეიძლება.
რატომღაც მიღებულია, რომ წვნიანი ქათმის ან საქონლის ხორცის ბულიონისგან უნდა დამზადდეს, მაგრამ ის ასკილის ნახარშისგანაც მზადდება. წვნიანის ცივი ვარიანტი, ზაფხულის ცივ დღეებში შეუცვლელია. ზაფხულში ცხელი კერძის ჭამა შეუძლებელია.
აი ისიც:
თავდაპირველად მოამზადეთ ასკილის ნახარში. ერთ ლიტრ წყალში ჩაყარეთ 100 გრ. ასკილი და ადუღეთ რამდენიმე წუთის განმავლობაში. გააგრილეთ და შემდეგ გადაწურეთ. ცალკე მოხარშეთ 5-6 ცალი კარტოფილი და ორი ცალი სტაფილო. დაჭერით კუბიკებად და მოათავსეთ ასკილის ცივ ნახარშში. კუბიკებად დაჭერით კიტრი და რამდენიმე თავი ხახვი, ორი კვერცხი მოხარშეთ და იმავე ნახარშში მოათავსეთ. აურიეთ მასა, დაუმატეთ რამდენიმე კოვზი არაჟანი და გემრიელად მიირთვით.
წყარო: www.postalioni.com