ახალი წლის მოახლოებასთან ერთად ოჯახური შეკრების გარდა საღამოების რესტორანსა თუ ბარებში გატარების სურვილიც ჩნდება.
TV Free თბილისურ რესტორნებში საახალწლო მომსახურებითა და ფასებით დაინტერესდა.
როგორც აღმოჩნდა, ე.წ. ტრადიციული და ქალაქური ტიპის რესტორნების პრეისკურანტი საკმაოდ დატვირთულია. ბევრი მათგანი ბაზარზე არსებული კონკურენციის გათვალისწინებით, ცდილობს, როგორც საკვები, ასევე, სანახაობრივი მხარე მრავალფეროვანი ჰქონდეს.
აქვე, რესტორნების უმრავლესობა პოპულარული მომღერლების, ბენდების, ჯგუფების, DJ-ებისა და წამყვანების მხრიდან დაუვიწყარ საღამოებს გვპირდება.
რაც შეეხება ფასებს, თბილისში 31 დეკემბერს ახალი წლის შეხვედრას შოუ პროგრამით 100$-დან შეძლებთ.
გასათვალისწინებელია, რომ 1 იანვარს რესტორნების ნაწილი არ მუშაობს, 2 იანვრიდან კი მათი უმრავლესობა საახალწლოდ ლიმიტირებულ მენიუს არ გვთავაზობს და მომხმარებელს არჩევანის სრულ უფლებას უტოვებს.
საშუალოდ, ასეთ შემთხვევაში, მენიუს ფასები 35 ლარიდან შეგიძლიათ, განსაზღვროთ.
თუმცა, თბილისური რესტორნების “გაიაფებულ” მენიუებს ფასდაკლების თითქმის ყველა ქართულ ვებსაიტზე შეხვდებით.
წყარო: tvfree.ge
უკვე იცით, რა დაგიჯდებათ ახალი წლის რესტორანში შეხვედრა?
⏱️ 1 წთ.
👁️ 1 872
100%