იმისათვის, რომ სუნამოს სურნელი დიდი ხნით შეინარჩუნოთ, ის სხეულის იმ ადგილას უნდა დაიპკუროთ, სადაც სისხლძარღვები კანის ზედაპირთან ახლოს მდებარეობს. სხეულის ეს წერტილები გამოყოფს საკმარის სითბოს, რათა არომატი კარგად გავრცელდეს.
ხოლო იმისათვის, რომ თქვენი გადაადგილების შემდეგ ჰაერში სასიამოვნო სურნელი დარჩეს, სუნამო დაბანილ, სველ თმაზე დაისხით. პარფიუმი თმაზე თავიდან 20 სანტიმეტრის დაშორებიდან უნდა დაიპკუროთ, უფრო ახლოდან დაუშვებელია.
სპეციალისტების რჩევით, მთელი დღის განმავლობაში არომატის შენარჩუნება სხვა ხერხითაც შეგიძლიათ. შხაპის მიღების შემდეგ ტანზე წაისვით კრემი, ვიდრე ის შეიწოვება, კანზე დაისხით სუნამო. მისი მოლეკულები კარგად „ჩაჯდება“ ცხიმოვან ზედაპირზე და ამგვარად სასიამოვნო სურნელიც დიდხანს გაგყვებათ.
ექსპერტების აზრით არ არის საჭირო სუნამოს დიდი რაოდენობით გამოყენება. თუ თქვენ ძლიერ არომატს ვერ გრძნობთ, ეს იმას ნიშნავს, რომ უბრალოდ ამ სურნელს მიეჩვიეთ, მაგრამ ეს სულაც არ ნიშნავს, რომ სხვები მას ვერ გრძნობენ. უბრალოდ შეცვალეთ სუნამო, განსხვავებული სურნელი ხალისსა და ხიბლსაც შეგძენთ და სასიამოვნო არომატით დიდხანს დაგატკბობთ თქვენც და თქვენს ირგვლივ მყოფ ადამიანებსაც.
mtavari.info
როგორ შევინარჩუნოთ დიდი ხნით სუნამოს სურნელი?
⏱️ 1 წთ.
👁️ 3 488
100%