რომელი პროდუქტი რამდენ ხანს ინახება მაცივარში?



ზაფხულის მოახლოებასთან ერთად, განსაკუთრებით აქტუალური ხდება მალფუჭებადი პროდუქტების შენახვის თემა. როგორ შევინახოთ საკვები პროდუქტები უსაფრთხოდ, რამდენი ხნით შეიძლება მაცივარში პროდუქტის შენახვა და როგორ მოვუაროთ მაცივარს?

რძის მალფუჭებადი პროდუქტები აუცილებლად მაცივარში უნდა ინახებოდეს. მაწონი, არაჟანი, ხაჭო და იოგურტი უნდა შევინახოთ +4 გრადუსზე და იმ ვადამდე, რაც მითითებულია შეფუთვაზე.

ამასთან, ადუღებული რძის შენახვა 1 დღე შეიძლება. ახალი ხაჭო მაცივარში 2-4 დღე ინახება, სოფლის მაწონი - 4-5 დღე.

კვერცხი მაცივარში, დაახლოებით, 3 კვირა ინახება. სასურველია, რომ წვეტიანი ბოლოთი ქვემოთ დააწყოთ.

რომელი პროდუქტი რამდენ ხანს ინახება მაცივარში?


თევზი ინახება 1 დღე.

გახსნილი თევზის კონსერვი - 2 დღე.

უმი ხორცი - 2-3 დღე.

საყინულეში მოთავსებული უმი ხორცი - 2-8 თვე.

ხორცის კერძი - 2-4 დღე.

ახალი ბოსტნეული - 3-7 დღე.

ყველი - 10-14 დღე.

შესქელებული რძე - 5 დღე.

მარგარინი - 14 დღე.

მომზადებული ფრინველი - 2 დღე.

კარაქი - 14 დღე.

კარაქი საყინულეში - 5-8 თვე.

ახალი ხილი - 3-10 დღე.

ტორტი - 1-2 დღე.

მაცივარში შენახვისას გამოიყენეთ ცელოფნის პაკეტები ისეთი პროდუქტებისთვის, როგორიცაა ყაბაყი, კომბოსტო, ფოთლოვანი ბოსტნეული და ა.შ.

იმისთვის, რომ ბოსტნეულმა „სუნთქვა" შეძლოს, კარგი იქნება, თუ პაკეტს წინასწარ რამდენიმე ნახვრეტს გაუკეთებთ.

სოკოს შენახვა უმჯობესია ქაღალდის პაკეტებში, რადგან ქაღალდის პაკეტი სისველეს შეიწოვს და სოკო მალე არ გაფუჭდება.

კენკრა და სხვა მყიფე პროდუქტები, უმჯობესია, კონტეინერით შეინახოთ.

რომელი პროდუქტი რამდენ ხანს ინახება მაცივარში?


რომელი პროდუქტების შენახვა არ შეიძლება მაცივარში?
მაცივრის სიცივე და სინესტე ზოგიერთ პროდუქტს საგემოვნო თვისებებს უკარგავს. ასეთი პროდუქტებია: ხახვი, კარტოფილი, სტაფილო, ნიორი, პომიდორი, ბადრიჯანი, გაუჭრელი საზამთრო, თაფლი, ზეითუნის ზეთი, პური, ყავა და ეგზოტიკური ხილი.

როგორ შევარჩიოთ მაცივარი და როგორ მოვუაროთ მას?
მაცივრის ყიდვისას გაითვალისწინეთ მაცივრის ენერგომოხმარების კლასი - რაც უფრო მაღალია კლასი, მით უფრო ნაკლებ ელექტროენერგიას მოიხმარს.

A, B და C კლასები მიიჩნევა ეკონომიურად.

არის გაუმჯობესებული ვარიანტიც - A+ და A++ კლასის მაცივრები.

A+ კლასის მაცივრები მოიხმარს 23 %-ით უფრო ნაკლებ ელექტროენერგიას, ხოლო A++ კლასის - 45 %-ით ნაკლებს, ვიდრე A კლასის.

მაცივრის ყველა მოდელზე მითითებულია კლიმატური კლასი, რომელიც აღწერს იმ პირობებს და გარემოს, რომელშიც იმუშავებს მაცივარი შეფერხების გარეშე. საქართველოში გხვდება ყველა კლიმატური კლასის მაცივარი. ზომიერი კლიმატისთვის ყველაზე აქტუალურია ნორმალური კლიმატური კლასი - N, რომლის მუშაობა გათვალისწინებულია 16-დან 32 0C-მდე. საყინულე კამერის მთავარი კრიტერიუმებია მოცულობა და მინიმალური ტემპერატურა. პროდუქტების შენახვის ხანგრძლივობა დამოკიდებულია საყინულე კამერის მინიმალურ ტემპერატურაზე, რაც განისაზღვრება ვარსკვლავების რაოდენობით (ერთიდან ოთხამდე. ერთი ვარსკვლავი (*) უდრის -6 0C). თანამედროვე მაცივრები, ძირითადად, ოთხვარსკვლავიანია (გამონაკლისს წარმოადგენს უმთავრესად ერთკამერიანი მაცივრები), ანუ მინიმალური ტემპერატურაა -24 0C (სწრაფი გაყინვისას შეიძლება, ტემპერატურა იყოს -32 0C).

ასეთ საყინულე კამერაში პროდუქტი ინახება 3-დან 12 თვემდე, პროდუქტის სახეობის მიხედვით.

ხანდახან პროდუქტები ისე ძლიერ მიეყინება საყინულე კამერის ფსკერს, რომ მათი მოცილება ძალიან ძნელია. ამის თავიდან ასაცილებლად, საკმარისია, საყინულე კამერის ძირზე პოლიეთილენის ფენის დადება.

მაცივრის შიგნით ჩამოტეხილი მინანქრის აღსადგენად საჭიროა თანაბარი რაოდენობის თეთრი მინანქარისა და ძლიერი წებოს არევა და დაზიანებულ ადგილას სამ-ოთხ ფენად წასმა. აუცილებელია, რომ ყოველი ფენა კარგად გავაშროთ.

ელექტროენერგიის ხანგრძლივად გათიშვის შემთხვევაში, მაცივარში შეიძლება პროდუქტები ჩამოდნეს. ამის თავიდან ასაცილებლად, მაცივარში მოათავსეთ ცელოფნის პარკში გახვეული სპილენძის ნაჭერი. მაღალი სითბოტევადობის მქონე სპილენძი მაცივარში სიცივეს რვა საათის განმავლობაში დაიჭერს.

ნელი თორდია

funtime.ge
































ტექსტის სანახავად გაიარეთ რეგისტრაცია.